#طشت خرز
كنوز القحطاني
وَلي
وگبعت الشمس
مِن گتلي أريد فياي
ونزلت العنب
مِن گتلي مالوحه
على عناد الخطر
ماشي لحرب وياك
وي جرة السيف
الروح مذبوحه
تشمرني عجينه
وأرد جايب خير
على شص المنايا
الروح مذبوحه
قلم فدك....
*******************************
ولايه
اريد افتهم من امي كلمه ماكو تحچي و تبچي كوه جمعت الكلام منها فهمت سيف ضارب الدكتور هو وطيف و الشرطه ما خذتهم تشتت بعد ما اعرف وين اروح منين انزل سديت الموبايل لگيته مركز وياي مجعد جبينه بعدم فهم
وَلي :- شبيج ليش تبچين
ولايه :- اخواني ضاربين دكتور و ماخذيهم الشرطه
ويا ما نطقت كلامي نزع الجعبه مال أدوات ذبها و مشى گدامي التفت عليّ بتحذير
وَلي :- امشي ع كيف الخشب تعبان و بعدني ما حاط الجگات
هديت خطواتي بحذر احس الخشب يهتز صدك من نمشي عليه نزلنا أشر من بعيد حمزه اله رجع الاشاره اله هم ماعرف شلون افتهموا ع بعض اجه لحگنا بالسياره مالته
وصلنا المركز امي واگفه اباب المركز هي و نور
ولايه :- يمه شصار شلون ضرب الدكتور وهو بالكليه
نازك :- ولج متصبيله اباب الكليه و ضاربه و أمنية الكليه لازمي
طبگ حمزه السياره و نزل هم ردت اروح ورا ندار عليّ برفض
وَلي :- انتظري هنا اني راح اشوفه
هزيت راسي اله مشى شويه صحت ورا وگف رحت اله
ولايه :- صديقة نهروان دازه صورها لدكتور و هو هدد نهروان بصور و سجلت اله مكالمه وهو يهدد
ضيق عيونه ع كلامي لازم اخلي عنده علم ع موضوع
وَلي :- وينه التسجيل
ولايه :- بموبايل نهروان هسه اتصل عليها ادزه
هز راسه أكثر من مره و دخل وهو حمزه ضلينا ننتظر برا اني وامي طلع حمزه استنسخ أوراق تقريبا ساعه طلعوا كلهم طيف لازم ورقه بيده و يضحك
طيف :- تحقق الحلم خريج سجون يابه فرحتي بيها أكثر من شهادة السادس
دمغه سيف ع راسه من ورا اجه ع امي باسها من راسها سئلته بقلق
ولايه :- هاا هذا هو خلصت
سيف :- لا طلعنا بكفاله
رد حمزه مبتسم بحماس
حمزه :- ول هسه نروحله ندگه من هاي الدكه الزينه يتنازل عن جهاله مو بس القضيه
حچن امي بعصبيه
أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
