#طشت خرز
كنوز القحطاني
وَلي
من تشوفني مهندم واضحك وامشي واتبسم
گول الحزن مالي الروح گول بگلبه ما ضل دم
گول الحلم بعيونه انباك وبعد ما يحلم
ومن تجرحني واسكت گول هذا انكسر و استسلم
عليمن يعتب المجروح اذا جرحه جرف شاطي
لا ينگص ولا يلتم
**********************************
حيدره
سحبت اخر نفس من الجكاره ذبيت الگطف و سحكته برجلي جريت نفسي قوي روحي لايبه ع الياس ردت اروح لنجف وصلت الباب تذكرت فاطمه چنت خالي مختلي
شوگت ما يمر ع بالي اروح مسحت ع وجهي
بتعب دگ موبايلي عگدت حاجبي من شفته حمزه شذكره بيَّ هسه اكيد راح يغلط و يفشر و يختمها بدعوة مال أيتام و يسد الخط بوجهي عفته يدگ مالي خلگه رجع اتصل جاوبته بملل معهود وياه
حيدره :- هاا
حمزه :- و علاَّ تشلع مداورك
رد جوابه ع طرف لسانه اذا ما يدعي عليَّ يموت تنهدت و رديت عليه ناوي أسد الخط
حيدره :- مخربط حمزه اليوم مو خميس ويم العباس تدعي مو يمي ا...
قطعت كلامي من سمعته يون بألم سئلته بقلق
حيدره :- شبيك وين انت
حمزه :- يم خالتك الشكره
_ استغفر الله هسه تحجي شكو لو اروح
_ راحت روحك و ورمت جروحك
_ حمزه شبيك شارب شي
عاط ينهج بانفاسه عرفته بي شي بس يكابر ما يحچي
حمزه :- مو اني حيدره مسوي روحه شيخ و يعربد من جوه ليجوه گلي تونست بالبصره لو بعدك
_ اي تونست تريد اخذك وياي مرة الثانيه
_ هو انت گوه جارعك نوب عمامك
سكت بس صوت انفاسه عالي يأن بألم بس مو حمزه اذا ما شلع گلبي و خلاني اتوسل ياله يحچي حتى يبين اني اجيت مو هو طلب انتبهت ع صوته يحچي بصوت موجوع
حمزه :- جماعتك العارات هجموا عليَّ وليه مال مخانيث
ضيقت عيوني جماعتي شنو ردت احچي بلعت كلامي نوب افتح عليَّ باب ثاني
حيدره :- وين انت؟؟
_ بشارع....... ليغاد عن صيدلية.......
سد الخط بوجهي واني المنون دخلت للبيت فاطمه نايمه ذابه روحها بعد ما بندت من البچي اذا اگعدها هسه تخاف و بعد ماتنام رفعت البطانيه عليها قفلت الباب و طلعت
وصلت نص الطريق وگفت السياره يمعوده عدلي بدلي البانزين خلص أشرت لتكسي وصلت للمكان شفته
مرتجي ع حايط مغمض عيونه بألم ابو التكسي بس شاف الوضع طفر صحت ورا ردت خلى وراح رحت ع حمزه ويا ما لزمت چتفه فز
أنت تقرأ
طشة خرز
غموض / إثارةطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم
