Olympus Academy (Published under PSICOM)

LVII | Intruder

Ria's POV

"The Amazons, Artemis' Huntres, as well as the students are all making their own efforts to prepare for what we told them to do." Dumako si Sir Rio sa likod ng desk.

"Kaano-ano ni Artemis?" ani Cesia na nakaupo sa aking tabi.

"Huntress without the second 's'." bulong ko sa kanya. "Artemis' Huntres. You'll meet them later."

"But you, hanggang ngayon hindi pa rin kayo sang-ayon sa pinapagawa namin sa inyo." Halatang inis na inis si Sir sa'min. "Are you keeping something from us? And do you know how rude that makes you?"

Mag-iisang oras na kami dito sa office at wala kaming ibang ginawa kundi pakinggan ang pagtaas-baba ng boses niya. He's supposed to tell us about the troops' strategies, not ours', kaya nagtaka ako nang pagalitan niya kami dahil hindi namin susundin yung binigay nilang instructions. Akala ko kasi tanggap na nila na may sariling plano kami at wala kaming balak ipaalam ito sa iba.

"You are right to be suspicious," saad ko. "Huwag nga lang sa'min."

He's sticking up his nose in our business, and I'm not liking it. Baka masira ang plano namin dahil sa kanya.

"Kilala ko kayo-"

"Kung kilala mo kami, hindi ka na sana nag-aksaya ng oras para pagalitan kami." Tinapunan ko siya ng nababagot na tingin. "Seriously, pwede na ba kaming makalabas dito?"

I heard him sigh. "It's my job to keep everything in place, Ria, and that includes you. Paano ko magagawa ang trabaho ko kung-"

"Kung hihiwalay kami sa inyo?" Inunahan ko ulit siya. "First off, hindi lahat ng humihiwalay, naliligaw. Second, ginagawa lang din namin ang trabaho namin, which is to win this war. And in order for us to win, we need to take advantage of the enemies."

"Really?" Umangat ang kanyang kilay. "And what advantage do you have?"

"Malalaman niyo rin mamaya," sagot ko. "Ibig sabihin, kasama kayo sa plano namin at hindi mo na kailangang mag-alala."

"And you expect us to adjust for you when you finally announce your advantage?"

Bago pa ako makapagsalita, ay tumayo na si Trev. "I'm done resting." aniya, at naglakad papalabas ng office kasama si Cal.

Ginising naman ni Dio si Chase na bahagyang nakabukas ang bibig habang natutulog. Mahina ring niyuyugyog ni Kara ang balikat ni Art na ayaw pang buksan ang mga mata.

Hinilamos ni Sir Rio ang kanyang palad. "You really are your parents."

"Oh no. We're way better." I said, with a hint of pride.

"I will let you do whatever you want. You can continue that secret plan of yours."

Nagdulot ng ngiti sa aking labi ang anunsyo ni Sir Rio.

"And if your plan fails, bagsak din kayo sa subject ko." dugtong niya.

Tumayo na ako at tumungo sa nakabukas na pinto kasama yung iba.

Bago pa ako tuluyang makalabas, ay napahinto ako. "But if our plan succeeds..." Bahagya kong nilingon si Sir Rio. "We get two weeks of time off from school. No homeworks. No missions."

I didn't move an inch to let him know I wanted a reply.

"One week."

• • •