THE DAY HE BECAME RUTHLESS: The Metaphorical Series #2

TEN

Bumagyo ng hiyawan hindi pa man nakaakyat ng stage sina Dean. We're in a different bar tonight at ito pa raw mismo ang nag-imbita sa kanilang tumugtog. Erika was supposed to go with me pero may bisita raw sila sa bahay at kailangan siya roon.

Dad:

Be home before 12.

Uminit at gumaan ang pakiramdam ko pagkabasa ng text ni dad. Mabilis akong nakapagreply ng 'okay' saka tinugon din ang text ni Erika tungkol kay Kiefer. Her crush is not here.

Halos hindi ko na matandaan kung paano ako napapayag na sumama sa pagdoble ng ingay nang umakyat na sila. Napilit yata ako ni Dean. I don't know. I don't want to think about that now.

Pakiramdam ko babagsakan na ako ng mga ilaw. Tumindig ang balahibo ko sa panibagong tilian. Wala sa sariling dinaramdam ko ang tigas ng mesa at tinantiya kung paano mapoprotektahan ang ulo ko sa oras na magtago ako sa ilalim.

"OhmiGod! Ohmigod! Anong name ng bokalista?"

Parang matitilapon ako sa labas sa nakakabingining sigaw ng babae sa likod ko. Hindi ko alam kung laway o pawis na ba ang tumatalsik sa balat ko habang tumatalon at sumisigaw sila ng mga kasama niya. Para silang mga kakatayin na baboy!

"Ay sorry, ate..."

Tipid na ngiti ang tugon ko sa babaeng tumama sa aking silya. Naghagikhikan ang mga kasama niya. Iyan, ang lilikot kasi!

Wala nang bakanteng mga seats kaya nakatayo na lang ang mga bagong dating. At since nauna ang banda kasama ako, nakapamili ako ng pwestong uupuan. Iyon nga lang, nahaharangan ng mga nakatayo ang paningin naming nakaupo.

Kailangan lumapit ng ilang bouncers sa harap upang pigilan ang mga babaeng nagwawala at pinapahaba ang mga braso para kay Dean. Pinasidahan nito ang buhok bago kinuha ang acoustic guitar sa gilid ng mic stand.

Kita ko ang pag-iling ni Will na naghahanap ng magandang tono sa keyboard. Skylar found delight watching Cashiel trying to steal the girls' attention away from their vocalist. Tumawa na rin ako.

"Nakakapawis ang mga sigaw nila!"

Pamilyar sa akin ang babaeng pumapalakpak sa tabi ko. She's at my batch but I don't know her. Ang alam ko lang masaya siyang walang pinapansin niisang babae si Wilmer. Not just girls. Wala talaga siyang pinapansin!

"Shh..." Dean's attempt to calm the crowd. I see he's trying to be creepy and authoritative but failed. What people think from what he did is actually sexy!

Dinikit niya ang daliri sa kanyang labi habang nang-aakit ang mga matang binibendisyunan ng paningin ang bawat isa sa amin. Pati yata mga bouncer nanlambot sa ginawa niya.

Tss. He really knows how to pull each and everyone's attention and making that lasts until in your dreams. Sabihin man nilang hindi sila Metaphoricals na wala ang bawat isa sa kanila, let's admit it, the crowd mostly wants the most eye-catching. Not to mention na talented pa at malakas ang hatak.

"Shet! Anong pangalan mo kuya?" sigaw ng nasa likod.

Nag-crack ang salamin ng tenga ko at nagtalsikan ang mga tutuli.

Damn. He can make other people do illegal things without even having to will them. Dapat makulong ka na, Dean! You're killing the girls here. Kinakatay na ang mga 'to!

I heard a girl somewhere at the back asked one of the staffs of the bar about Dean. Mula roon ay binaha na siya ng mga tanong ng iba. School, age, address at kung may girlfriend na ba raw. Napairap ako.

"Dean! Dean daw pangalan!"

"Dean ano? Iyong full name! Bilis!"

Hindi ko akalain na kaya nilang ma-obsess nang ganito. I've never been obsessed of something my whole life. I could never imagine myself.