First time ko gumawa nang ganitong type ng freeverse. Nakaka-alien talaga sa pakiramdam, mga Bes! Emegersh! Anyway, dedicated ito sa Aspiring Writers' Home. Sana magustuhan ninyo.
---
SA PAGSABOG NG BAHAGHARI
ni Misty Riosa
Tangan ang mga hinabing pangarap,
Nagpadausdos sa kailaliman,
Ng bangin nang pag-asa.
Sumugal,
Ibinigay ang lahat nang makakaya,
Ikinumpas ang mga pakpak,
Lumipad ka.
Sinugod ang hangin,
Gamit ang iyong sandata,
Paninindigan,
Kalooba'y pinagtibay.
Bawat unos na kinaharap,
Ika'y nanatiling matatag,
Maliksi,
Mapagmatyag sa maaaring kahinatnan.
Ngunit, 'di inaasahang ikaw,
Ay masakop ng kadiliman,
Nagpatangay,
Naligaw nang landas!
Tinahak ang maling daan,
Na akala mo'y bubuo,
Sa mga gunitang ninakaw ng kapalaran.
Dagok!
Isang pagsubok ang gumising,
Sa nakatulog mong diwa,
Pagsabog ng bahaghari,
hudyat sa Bagong Taon,
Muling kuminang ang pag-asa,
At sa iyong puso,
Nakapa ang panibagong simula.
---
January 18, 2017 || 1:55 PM
BINABASA MO ANG
MISTIFY - One Shots & Poetry Collection
Short StoryAntolohiya ng mga Tula at Maiikling Kwento sa panulat ni Misty Riosa. . . Karagdagang nilalaman: #Blogs #Quotes #ShortStories #RandomThoughts #QandA #LoveAndLifePersonalAdvice Credits to @Galaxvixy26 for the super cutie na book cover. Note: The boo...
