Entry ko ito sa Plumakata... Tulang inialay sa mga kababayan natin sa Surigao na nakaranas ng sakuna.
- - -
Bumangon ka, Surigao!
ni Misty Riosa
Bumangon ka, Surigao, sa 'yong pagkakasadlak;
Buuing muli ang pusong winasak ng sakuna.
Ang luhang itinangis ay palitan mo ng galak,
Maging handa sa bagong bukas na hatid ng susunod na pahina.
Buuing muli ang pusong winasak ng sakuna,
Sa paglisan ng mga minamahal mong nagpahirap sa kalooban.
Maging handa sa bagong bukas na hatid ng susunod na pahina,
Gawing inspirasyon sa iyong buhay ang unos na naranasan.
Sa paglisan ng mga minamahal mong nagpahirap sa kalooban,
Patatagin ang sarili at higpitan lang ang pagkapit.
Gawing inspirasyon sa iyong buhay ang unos na naranasan,
Lisanin ang kadiliman; salubungin ang liwanag na sasapit!
Patatagin ang sarili at higpitan lang ang pagkapit,
Niyanig man ng pagsubok at gumuho ang pag-asa sa 'yong buhay.
Lisanin ang kadiliman; salubungin ang liwanag na sasapit,
Pananalig sa Panginoon ang gawing sandigan at gabay.
Niyanig man ng pagsubok at gumuho ang pag-asa sa 'yong buhay,
Ang luhang itinangis ay palitan mo ng galak.
Pananalig sa Panginoon ang gawing sandigan at gabay,
Bumangon ka, Surigao, sa iyong pagkakasadlak!
- March 1, 2017 // 9:45 PM -
BINABASA MO ANG
MISTIFY - One Shots & Poetry Collection
Short StoryAntolohiya ng mga Tula at Maiikling Kwento sa panulat ni Misty Riosa. . . Karagdagang nilalaman: #Blogs #Quotes #ShortStories #RandomThoughts #QandA #LoveAndLifePersonalAdvice Credits to @Galaxvixy26 for the super cutie na book cover. Note: The boo...
