KANINA pa hindi mapakali si Elise. Kanina pa niya tinatawagan si Fritz pero unattended ang numero nito. Ngayon na ang araw ng competition. May usapan sila na pupunta ito roon. Pero mula kaninang umaga ay hindi niya ito ma-contact.
"Elise."
Napatingin si Elise kay Taylor na tumawag sa kanya. Kasama nito sina Takehiro at Kristoff.
"Kinakabahan ako."
"Daijobou. Kaya mo 'yan," pagpapalakas ng loob ni Takehiro.
"Salamat. Pero hindi ako sa competition kinakabahan. Kay Fritz. Wala pa kasi siya hanggang ngayon. Baka kung ano na'ng nangyari sa kanya."
Nag-alala na rin ang mga kabanda ni Fritz. "Sinubukan mo na ba siyang tawagan?" tanong ng nobya ni Kristoff na si Chelsea.
Niyuko niya ang cell phone niya. "Kanina ko pa siya tinatawagan pero unattended ang cell phone niya. kahapon magkasama pa kami at wala naman siyang sinabi na mahuhuli siya. Pero mula pa kaninang umaga, hindi ko na siya ma-contact, eh."
Tinapik ni Taylor ang balikat niya. "Don't worry, kami nang bahala. Baka na-traffic lang 'yon or nasa labas na. Titingnan na lang namin siya ni Takehiro. Basta 'wag ka nang mag-alala. Ang isipin mo na lang ay 'yong competition. Kailangan mo 'tong maipanalo, okay?"
Napilitang tumango si Elise. Kapagkuwan ay sinamahan na siya nina Kristoff at Chelsea sa back stage habang sina Takehiro at Taylor naman ay lumabas ng auditorium para hanapin si Fritz.
Mayamaya ay tinawag na ang pangalan ni Elise, hudyat na siya na ang susunod na magtatanghal.
"Kaya mo 'yan," pagpapalakas-loob ni Chelsea.
Binalingan niya ito at nginitian. "Salamat." Huminga muna siya nang malalim at naglakad na patungo sa stage. Tumayo siya sa gitna niyon at hinagod ng tingin ang lahat ng naroon.
Nasaan ka na ba, Fritz. Please do come. Nangako kang hindi mo ako iiwan. Please, sana nandito ka.
6=Q@
BINABASA MO ANG
NIGHTINGALE TRILOGY book 3: FÜR ELISE (UNEDITED) (COMPLETED)
Romance"Kahit mawala ako sa mundo, kahit mawala ang alaala ko, hindi ka mawawala rito sa puso ko, Fritz. Kasi, ito, tumitibok lang para sa 'yo." Minsan lang nakakilala si Elise ng lalaking makakaintindi sa kanya-si Fritz-ang lalaking kapareho niya ang naka...
