The Young BRIDE

CHAPTER FOUR

Please subscribe to my YouTube channel and panoorin nyo na din po Ang trailer ng story click the video sa taas.

Nasa may gate pa lamang siya ng campus nila ay naririnig niya ang usapan ng mga kapwa estudyante tungkol sa kanya.

"Siya ba yun?!mukhang maamo ang mukha pero malikot pala ang kamay."

"Oo siya nga,pinsan daw yan ni Miles yung campus crush at player ng bad minton."

"Grabe siya ha..kadugo na pinagnakawan pa!baka may sakit,ano ngang tawag dun"

"Kleptomaniac ata ang tawag sa ganun girl,lahat ng magustuhan kinukuha,kaya dapat mag-ingat ang lahat sa kanya dito sa campus."

Tila sinasadyang iparinig ng mga ito sa kanya dahil habang naglalakad ang mga ito sa likuran ay walang tigil sa pagpaparinig ang tatlong babae at hindi na siya nag-interes na lingunin ang mga ito.Lalo lamang siyang masasaktan,pinabayaan na lamang niya kung ano ang isipin ng mga tao sa paligid niya.Wala na siyang magagawa kung masama ang tingin sa kanya.Minabuti na lamang niyang bilisan sa paglalakad upang makaiwas sa mga parinig ng naglalakad  na nasa kanyang likuran.

"Aray..muntik na akong madapa."malakas na reklamo ng babaeng kasunod niya.

Nakita niya ang nagmamadaling si Demark at nilampasan siya.Malamang hindi siya napansin ng kaklase dahil dirediretso ito at mukhang nagmamadali.Mabuti na rin iyon,dahil baka may iuutos na naman sa kanya ang lalaki.

"Ang lawak naman ng daan,pero dito pa talaga sa gitna natin dumaan!muntik na din akong matumba." reklamo pa ng isang babae.

"Tss,hindi pa kayo masanay dun eh naghahari-harian si Demark dito kasama ng mga alipores niya.Sorry na lang tayo guys,alam naman natin na ang pamilya nila ang may-ari nitong school kaya mayabang.Pero maswerte pa rin tayo,alam ninyo kung bakit?''parang kinikilig na sabi ng isang babae.

" Bakit?tayo na ang muntik masubasob sa semento,maswerte pa ba yun?''

"Okay lang at least nadikitan ko siya.....ang bango-bango uhhmm..parang naamoy ko pa ang pabango ni Demark dito sa manggas ng suot kong blouse."parang nakikita niya na inaamoy pa ng kapwa estudyante ang damit nito.

"Ayiiieeee....oo nga pala..sakin dumikit  yung balikat niya dito sa likod ko,grabe.. Ramdam ko ang matigas niyang muscle..girl.."

"Shh..tumigil kayo,maraming nakakarinig."

"Huh!pabayaan mo silang mamatay sa inggit!sa dami kasing nagkakandarapa kay Demark,di sila makaporma kasi ba naman napakasuplado."

Napapailing siyang lumiko patungo sa classroom nila habang pinapakinggan kanina ang usapan ng mga babae.Hindi niya alam kung anong level ng mga ito,basta ang alam lang niya ay wala nang maingay na nakasunod sa kanya.

"Bee,kanina pa kita tinatanong."nakasimangot na mukha ni Mona ang nakita niya,nakatayo ito sa may pintuan ng classroom nila na para bang may hinihintay.

"Mabuti naman at magaling ka na.Ano nga ulit iyong tinatanong mo sa akin,hindi ko naintindihan." sagot niya sa kaibigan.

"Ang sabi ko,bakit nakasuot ka ng long sleeve?hindi ka ba naiinitan?at saka bakit hindi mo man lang itupi yang manggas masyadong mahaba para sayo!kay Lola yata yan eh."puna nito sa suot niya."Ako na ang mag-aayos ng suot mo,paano ka makakapagsulat mamaya ng maayos kung ganyang nakatago ang mga kamay mo."

"Wa-wag na okay lang ito,mas gusto ko ang ganitong porma ngayon." sabay iwas ng kanyang kamay sa kaibigan."Halika na sa loob nakaharang tayo dito sa may pintuan."wika niya at nauna ng pumasok sa classroom.

"Alam kong may itinatago ka."at walang sabi-sabing kinuha ng kaibigan ang isa niyang kamay ng nakaupo na sila sa kanya-kanyang upuan."Sinasabi ko nga ba eh,kilala kita Bee sa tatlong taon na nating magkaibigan alam ko kapag nagsisinungaling ka.Siguradong ang bruha mo na namang tiyahin ang may kagagawan nito." galit na pahayag ng kaibigan habang pinagmamasdan ang isang kamay niya."Tao pa ba ang turing nila sayo!yung aso nga namin ni hindi ko magawang sipain dahil nakakaawa.Samantalang ikaw na kamag-anak niya nagawa sayo ito,buong kamay mo nagkulay ube na."habang mataman nitong iniinspeksyon."Patingin pa ako ng isa mo pang kamay."pinabayaan niyang kuhanin ni Mona ang isa pa niyang kamay."Sumosobra na sila Bee sa totoo lang,namamaga ang dalawa mong kamay tapos kulay violet, na parang nangingitim,anong ginawa nila dito?''nababanaag niya ang pangingilid ng mga luha ng kaibigan sa mga mata.