"SINUBUKAN mo na namang lumakad?" may galit na tanong nito sa kanya habang inilalapag siya sa kama.
"Akala ko kasi kaya ko na," katwiran niya.
Hindi ito kumibo. Sinuklayan siya ni Nana Conchita. "Gusto mo na bang mag-almusal?" Tanong ni Nana Conchita.
Hindi siya sumagot. Bumaling siya kay Devlin. Huling-huli niyang matiim na nakatitig ito sa kanya.
"Devlin," tawag niya dito.
"May kailangan ka?" tanong nito sa seryosong tinig.
"Maaari bang ibili mo na lang ako ng wheelchair para hindi ka na mahirapan sa pagbubuhat sa akin? Babayaran ko na lang sayo..." halos pabulong na sagot niya.
"Be practical, Lilac. Sayang lang ang wheelchair. One month lang ay makakalakad ka na." ang turan ng binata.
"Pero naaabala kita," katwiran niya.
"Magrereklamo ako kung nakakaabala ka. Saan mo ba gustong pumunta?" tanong nito sa kanya.
"Gusto kong mag-almusal sa tabi ng poolsite," nakangiting hiling niya dito.
"Nana Conchita magpahanda kayo ng almusal para sa dalawang katao. Sabay kaming mag-brebreakfast ni Lilac," nakangiting sabi nito sabay tayo at nilapitan siya.
Muli ay binuhat siya nito.
Hindi siya makatingin sa mga katulong na nabungaran nila sa labas ng mansyon. Bakas kasi sa mukha ng mga ito ang pagtataka dahil buhat-buhat siya ni Devlin.
Nakasunod pa rin ang mga titig ng mga ito nang ilapag siya ng binata sa upuan.
"Salamat," nakangiting sabi niya.
Nang ihain ang almusal ay magana siyang kumain dahil kasabay niya ang lalaking muling nagpatibok ng kanyang puso
Natigilan siya. Kay dali naman yatang napalitan sa puso niya si Jaxon.
✂️✂️✂️✂️✂️✂️✂️✂️✂️✂️✂️✂️✂️✂️✂️✂️
M👀dyAze's note ☕
٩(๛ ˘ ³˘)۶♥ Thank you for reading.
✔️ Please Like.
✔️ Please Vote.
💡 Also comment.
BINABASA MO ANG
LILAC (COMPLETED)
Romance👀Kapag nahuli mo ang iyong boyfriend na may ibang kinakalantari sa kama anong gagawin mo? A. Umiyak at Magsisigaw. B. Pagbuhol-buholin mo ang dalawa. C. Dedma walking. D. None of the above. E. Basahin niyo po para malaman. ☕ Novice writer po...
