Beautiful Nightmare (COMPLETED)

Chapter 51: Letting you go

Chapter 51: Letting you go

 

Sometimes, loving a person doesn't necessarily mean that you must have them by your side. Sometimes, letting go the person is the only way for them to find their own happiness.

 

Andrei's POV

 

"Andrei may itatanong ako!"

Muli kong tinanggal ang headset ko at inis na humarap kay Yuna, "Ano ba kasi yon?!!" Naiirita ko ng sabi dito. Kasi naman, simula pagsakay namin dito sa private plane ng mga Monteverde ay wala syang tigil ng usap. Iritang-irita na ko sa kanya. Tatlong araw ko syang kasama! Isang lugar at iisang kwarto lang ang tinuluyan namin! At ang nakakairita, habang naliligo sya, nakanta sya ng hindi ko maintindihan na mga salita.

"Bakit ayaw mo na si Tito Dave ang maghatid sa girlfriend mo noong nag-dinner tayo sa inyo?" I just shrugged. Ayokong sagutin ang tanong nya. Hindi ko sya pinansin at sinuot nalang muli ang headset sa taenga ko. Naramdaman ko na din ang pagkatahimik nito sa tabi ko. Ipinikit ko nalang ang dalawa kong mata para makapag-isip kong anong sasabihin ko kay Janelle kung bakit ako nawala ng mga ilang araw. Nabalitaan ko rin ang pag-uwi na ni Calvix sa Pilipinas. I should be on guard now. Naalala ko rin ang ginawang paghatid ni Dad kay Janelle. Wala naman sigurong ginawa si Dad sa kanya hindi ba?

Iminulat ko ang aking mga mata at tumingin nalang sa bintana. Hinding-hindi ko makakalimutan ang araw na iyon. Ang makita ko ang sarili kong ama na nakikipagtalik sa ibang babae sa mismong opisina nito. Halos manlumo ako sa nasaksihan kong pangyayaring iyon. Kung hindi ako nagkakamali, mas bata o kasing-edad ko lang ang babaeng kinasiping ni Dad. She's blonde and I can say that more sexier than my Mom. Para kasi talaga sa kin, wala ng mas se-sexy pa kay Mama. Durog na durog akong sumakay ng sasakyan ko noon para makalayo. Kasabay noon ang pagtulo ng mga luha ko. My dad's cheating on my Mom! Pinalampas ko noon ang unang beses pero ilang ulit na naulit ang pambabae nito na ilang ulit ko ring nasaksihan.

Kaya ganoon nalang ang takot ko noong inihatid ni Dad si Janelle sa bahay nila. I'm scared that my Dad would find her attractive. Mahilig sa bata ang ama ko. Ayun ang napansin ko sa lahat ng mga siniping nyang babae. Alam kong matagal na ring alam ni Dad ang nalalaman ko sa ginawa nyang pambabae. At alam nya ring hindi ko kaya itong sabihin kay Mama dahil ayokong masira ang pamilya namin. Paano nalang ang dalawa kong nakakabatang kapatid? Ayokong masira kami. Mabuti ng ilihim na lang.

"Hmmm..." Kunot noo akong napatingin kay Yuna na napansandal ang ulo sa may balikat ko, "Ehem. Hindi ako unan." Sabi ko. Pero as usual, hindi nakinig ang babaeng to at nilakasan pa ang hilik. Napa-iling nalang ako. For sure may nararamdaman na sa akin ang babaeng to. Napangisi nalang ako. Wala eh. Wala tayong magagawa dyan. Nasobrahan ang pagkabiyaya sa akin ng diyos ng ka-gwapuhan.

"Andrei..." Nilingon ko sya at nakita ang mukha nya na himbing na himbing sa pagtulog, "She's cheating on you."

 

A-Ano ba ang pinagsasabi nitong babaeng to?!

**

(Bro! Ano? Mamayang gabi may performance si Gio at Seth, 8pm.)

"Talaga? Saan ba yan?"

(Sa club ni Alexa. May bibisita daw kasi na mga producers. Eh malay mo makuha yung dalawa as singers. Bwahaha! Pakiramdam ko nasusuka ako ah!)

"Haha! Yaan na. Mataas ang pangarap eh. Ge, tulog lang ako." Binabaan ko na si Clarence. Ibinato ko ang cellphone ko sa kama ko at sya ring higa ko dito. Tinitigan ko lang ang kisame. Bakit kaya hindi na naman nya sinasagot ang mga tawag at texts ko? Sinubukan kong i-dial muli ang number ni Janelle at tinawagan. Pero nabigo na naman ako at hindi na naman nya ito sinagot.