**عشق زارني بعد حبك**

الحلقة الرابعة

لا احلل النشر لادنيا ولا اخرة ابدا
**عشق زارني بعد الحب**حلقه4
للكاتبه *سونيا ايلين*

اسامه: شن روح الطرف
ختام: تضحك من تحت لتحت
امي: اي روح قعدت متحشمه منه وهو تعقد لما دخلت اختك طوول طلع
اسامه :اكيد فنصت فيه ماهي فالحه
ختام: اسامه والله ظالمني😊
امي: خليك من اختك راني بنخطبلك سادك ندادك بصغارهم
ازهار:😅 قصدك بحفادهم
امي: تو نشوفلك كتكوته صغيره
اسامه: لا كتكوته لا شي شوفيلي دجاجه شارف وتبيض
امي: شن هو
ختام: عانز تخدم وبمعاشها
اسامه: مع انك تعصبي مرات لكن تفهمي ع الطاير
ختام: ههه

ايمن :روحت للحوش دوشت وتعشيت وقعمزت مع العيله
حكيم :ولدك بي فلس بيك واخد تعليقه مش رخيصة لازووردي
بوه :خلي ياخد مدام خاطب ياخد
عمتي سالمه: والله ختام تستاهل زين وقد
حكيم :واني تشوفولي القردة واختها
عمتي: بنات خالاتك قردات
حكيم: مش زي كنتكم
ايمن: يلعب بخاتمه في صبعه نصيب وربي راضي عليا

الياس: اهلا
ناديه: مرحبتين معاش نشوفو فيك
الياس: ااا بايته شكلك وين الصغار
ناديه: مع جداهم
غزل وغازي :خااالو
الياس: اهلا يا حلوين وقعد يلعب فيهم
امه :بحسره بالله سادك ولدي تزوج خلي نلعب صغارك
الياس: امي سكري ع الموضوع
امه :علاش نسكر ارمل والا صاحبتك فايتاتك
الياس: هههه
ناديه: والله كبرت راك
الياس مسح ع لحيته: قصدك معاش حلو
ناديه: عينك تبارك الرحمان عليك لكن خلاص تزوج حتى نتهنو ع امي
امه: كانك تبي رضاي تزوج
قرب منها وشد يديها امي بلا جو انتي راضيه وزياده
امه: ابتسمت وحطت يديها ع خده راضيه كان تجيب مرا ونشوف صغار
الياس :ناديه جيبي العشاء

الياس....تعشيت ودخلت لداري غيرت وحطيت راسي بنرقد
٣٥ سنه خلاص كبرت يلي في عمري متزوجين بصغارهم شن بندير قلبي مدقش مازال مادقش واصلا لمن بيدق من العمل للحوش مش شور نت وعلاقات

ختام.... حطيت راسي ع المخده وقعدت نفكر في ايمن ع قد منقول يحبني شويه الحمد لله اهلي مش منقصين شي بس هو مغرقنيييي

****قبل سنه****...

سندس: اااخ اخيرا طلعنا من المحاضره
ختام :خيرك لينا شهر في الجامعه قلقتي
سندس:كان نعرف الطب هكي اهو فته
ختام :ربي يعينا تعالي نمشو للكفتيريا جعت

فيصل: تلقاني قدام الكفتيريا
ايمن: تمام
ايمن....كنت ماشي لصاحبي في الجامعه قداش ليا عليه
فيصل :اهلين حمد لله ع سلامتك
ايمن: يسلمك يارب كيف الحو
فيصل: شياط ريق تسجيل ودوشه في القسم
ايمن :ههه محشي مع البنات
فيصل: نشوفلك وحده
ايمن: صحييييت
فيصل :علااش تبني مش عارف
ايمن :تجي بجوها
دخلنا الكفتيريا وطلبت نسكافي
سندس:وووك زحمه واني داهشه خشي داعكي انتي
ختام :حرام عليك شوزي عالي
سندس: بري وجيبي 7up
دخلت وكانت زحمه
ايمن ....كنت واقف نستنى في النسكافي لين رن في ودني صوت
ختام: خوي زوز طابونه
ايمن :الصوت دوخني قبلت التالي طلع الشكل جنان بنت ملامح هاديه طويله وضعيفه عيونها عسليات وانيييقه
ختام: عفوا في حاجه
ايمن: ااا لاشي
متاع الكفتيريا تفضل خوي
ختام :طلبي واتي
الولد: اي
ختام: اا شويه الفلوس في الشنطه
الشاب: تمام
ايمن :خلصو خلاص
ختام: شكرا تو نعطيك الفلوس
طلعت بنمد الفلوس
ايمن: عيب عاد
ختام: هدا حقك
ايمن: سلام اختي
قعمزت نفطر ومركزتش ع الموقف

ايمن: فيصل هدي وين تقرا وسنه شنو
فيصل :صار تجي بالجو
ايمن: ماشاء الله لفتتني
فيصل: زيد دور البنات الصغير كله ملفت
ايمن :لا هدي بروحها عيونها حلوات
فيصل: اها صار عيونها تو نسال ونقولك

بعد يومين كنت مقعمزة نرتب في الشيتات وسندس عندها موضوع

ايمن: وينها
فيصل: الجامعه كبيره اصبر تو نلقوها
ايمن: هديكا يلي مقعمزه ع الكنبه صح
فيصل: انت ادرى
ايمن: سلام توا تو نكلمك بعدين

ايمن :السلام عليكم
ختام :اهلا تفضل
ايمن :ممكن نقعمز
ختام :اا تبي المكان تو انوض
ايمن :لا قصدي نبيك في موضوع
ختام: تفضل
ايمن: والله الحق عجبتيني من يوم ابكفتيريا
ختام :ااا تفكرتك
ايمن اسمي.... وقعد يحكي ع روحه كان يحكي بثقه وطيب حكيتله شوي ع روحي
ايمن: بالك عطلتك
ختام :والله عندي محاضره وشيتات يبو الترجمه
ايمن: وينهم قبل ما نمشي
ختام :هادم
ايمن: تبي نروح بيهم وغدوه نجيبهملك مترجمات
ختام :حاق
ايمن :اي
ختام: نتعبك هكي
ايمن: لا ولو
ختام :تمام
ايمن :تمام نمشي توا ومتقعديش هني الجهة فاضيه
ختام :ببسمه تمام

دخلت للمحاضره وكنت نفكر فيه

ايمن؛ خديت الشيتات وطلعت حتى فيصل نسيته
ركبت السياره وروحت طووول
ايمن: هلا يام
امه: هلا وليدي تتغدى
ايمن :يركب في الدروج ع السريع لا بعدين
طول فتحت الشيتات وبديت انترجم وكانت هدي بدايه قصة حبي....يتبع