لا احلل النشر
**عشق زارني بعد حبك**حلقة39
للكاتبه*سونيا ايلين*
يانااااس حجزلي في نفس الدار
عمتي هيا بنتي بري اركبي مع راجلك ارتاحي
ختام😓
ركبو الكل واحني ركبنا طبعا كان واخدحجرة فرديه وهني كانت الصدمه انه سرييييير واحد
الياس....مشو الشباب حجزو غرف للعيله حجزت حجره لامي وخالتي وطبعا لاني متزوج ومتهني😁 خديت غرفه فرديه ليا ولي مرتي وخديتها حلوه بجد
الياس: اهي داركم
عمتي :يسلمكم برو ارتاحو
ختام :مع السلامه توا
ختام ...كنت ماشيه وساكته لان نعرف ان الغرفه مع بعض
الياس: وين ماشيه اهي الحجره
ختام: ههه نحسابها مازال😓
دخلت للغرفه وكانت تجنن حلوة
ختام :حلوة
الياس: للعرسان😎
ختام😨
الياس.. كنت ناوي نبدا صفحه جديده معاها كنت ناوي نحاول... في البدايه كان موضوع ستر وبس.. بس توا في شي في قلبي لي هالبنت في شي حلو وليت مدمن ع شوفتها حنحاول نكون زوج طبيعي لزوجه طبيعيه بس لازم نخليها تحبني
ماعرتش كيف نغير او اي شي قعدت نرتب في الحوايج في الدولاب ونشوفله متكي لايبي يرقد ولا يريحني
ختام :الياس متبيش تطلع😒
الياس: علاش😎
ختام :😊تغير جو مع ولاد خالاتك
الياس: لا نستنى فيك باش ننزلو مع بعض
ختام: به
خديت حوايجي ودخلت للدوش دوشت وغيرت لبست بلوزه قصيره وسروال
الياس: صحه
ختام: تسلم
وقفت قدام المرايا قعدت ندير في ميكاب ومره مره نشوفله نلقاه معاي بالخطوه
ختام: هاااي قريب تفتح مزين من كتر مامركز معاي😂
الياس :ياسرك ستوك😒
ختام بنطه: عينك جمالي رباني
كملت لبست وشاحي وسبادرو وقتله هيا
الياس: هكي بتطلعي
ختام: خيرني
الياس: قصيره
ختام تشوفله في عيونه :وشن فيها
الياس: تحشمي حتى قدامي
ختام: علاش
الياس: لاني راجلك
ختام: نحساب ع الورق بس
الياس قرب منها :حتى ولو
ختام :بنلبس بشت بشويه ع عصابك😛
الياس ...
ختام: هيا
نزلنا لوطه وكنا برواحنا لان الكل بيرتاح
الياس: شكله مافي حد نزل
ختام :اي
الياس ببسمه :تعالي ندهورو
ختام ببسمه: به
طلعنا بالسياره درنا ..طبعا اول مره ندهور فيها لان منعرفهاش كانت حلوه كنت اي حاجه نحط عيني عليها يشريهالي كنت نمشي بجنبه ونتمنى نشد يديه ونقوله نحس معاك بالثقه في نفسي لان نوثق فيك كانت طريقه كلامه واسلوبه وهدوءه يخلوني نتعلق فيه اكتر نتفكر يومها مروحناش للمغرب
ختام: خلاص ياسر معاش تاخدلي
الياس: لا ياسرك فلستي بيا
ختام :عينك انت تبي
الياس: بس كان تنقصي لسانك وتبطلي كلمه عينك
ختام تضحك: عينك منبطلهاش.
الياس قرب منها :عندك علم ضحكتك حلوة صوت وشكل
ختام قلبها قريب يوقف
الياس هيا
مشينا للفندق وطول للغرفه دخل دوش واني قعدت نتفرج ع الحاجات
الياس: نازل لوطه هيا كان بتنزلي
ختام :باهي نغير وننزل
الياس: نستناك
ختام: لا اسبقني تو نلحقك
قعدت نرتب في الحاجات يلي شريتهم واتكيت ع السرير معاش حسيت بروحي
عمتي: اهلين تي وين كنتو بس
الياس: دوره
خالته حواء :وين ختام
الياس: تغير وتجي
قعمزت مع الرجاله وعيني ع الباب امتى بتجي
زدت شويه وبعدين ركبت لقيتها راقده وبحوايجها غطيتها وغيرت وجيت جنبها
**يؤلمني قلبي حين اكون بجوارك ولا استطيع لمسك او قربك**
سرحت فيها مشوار في عيونها الدبلانه وفهما الصغير تمنيت لو عرفتها قبل وخطبتها وتزوجتها قبل ماتصير المشاكل هادي بس شن بندير قدر الله وماشاء فعل
ختام.. نضت في الليل لقيت روحي بحوايجي ولقيته جنبي تبو الحق تخلعت نظت جري للحمام غيرت ولبست بيجامه وجيت جنبه كان راقد زي الصغار ملامح وجهه ولحيته الكتيفه الطويله تجنن تمنيت لو ان كنت ليه بجد تمنيت لو نقرب منه ونقوله شكرا لانك دخلت حياتي تمنيت لو ....كان هو الاول في حياتي والاخير
كملنا الاسبوع كل يوم طلوع ودهواري مرات برواحنا ومرات مع بعض كان يحكيلي ع روحه كل يوم اكتر واني كل يوم نتعلق اكتر مرات لما نقعد بروحي نبكي لان مش قادره نقوله ع يلي في قلبي لان في بينا اتفاق خفت يقول اني ورطه بجد مرات نحسه يحبني لما يبدا يتكلم ومرات نقول نوهم في روحي
طبعا اكيد تبو تعرفو كيف نتصرفو لما نبدو في الدار برواحنا تقولي مانعرفوش بعض كل واحد في حاله
يوم التلاتاء...
الياس:شنو بتنزلي
ختام: به نغير ونجي
الياس: تمام تلقينا لوطه
غيرت لبست سكاميتشا سودا وعليها جاكيت ودرت ميكاب سنبل وطلعت قلت خلي نشوف عمتي مشيت خبطت ملقيت حد قلت خلي نشوف سميه لان حكم مقعمزتش معاهم كيف بنخبط نسمع ....
ابرار :شفتيها خداته مدورش حتى امه
سميه :خيرك امه شن بيصيرلها بعدين مرته وعرسان
ابرار :معاش تقولي هكي راك تحرقيييني
سميه :ابرار معاش تزوديها الراجل تزوج انسيه
ابرار: مستحيل قداش ليا نستنى فيه رفضت قداش واحد ع خاطره واخرها يجيب هادي
سميه: هو موعدك بشي وقالك شوفي نصيبك ومعتبرك اخته
ابرار: تبكي حرقني اقسم بالله حرقني لما تزوج راني نموووت فيه راهو كل شي ليا
سميه: لاحول ولا قوة الا بالله افهمي راهو متزوج
ابرار :مش حنرتاح لين يطلقها وناخده
كنت مصدومه في كلامها وطريقتها كنت شاكه انها تكرهني وانها معجبه بيه بس مش لهالحد نزلت لوطه لقيتهم مقعمزين عالبحر قعمزت مع عمتي وخالاته لين جيو البنات
سميه: اهلين تي وين رحتو بس
ختام ببسمه: دهواري
ابرار بسم: ورفعتي عمتك والا كنه حرفه من الاول
امها: اسكتي
مرديتش عليها لانها واضح معصبه
جا العشاء وكنت جعانه موت بس مقدرتس ناكل بعد يلي سمعته كنت نشوفلها وعينها ماتنقامش من عليه حسيت بغيره كان نلقى نفقصهملها ..بس قلت يالله هيا معصبه معصبه بعتت له رساله
**ممكن نتمشو عالبحر😍**
الياس... كنت نهدرز ووين تجي في بالي نفرح لين وصلتني رساله
الياس: هيا نستأدن
عبد الله :ولد خالته مازال بكري
الياس: ندير دوره ونجي
الياس: شنو عجبكم المكان
خالته :حلو مدامك مختاره
ابرار :حتى النار حلوة كان ع دوقك
ختام: بعيد الشر عليه منها😒
الياس: هيا نوضي
ختام بدلع: به
نضنا وبعدنا عليهم
ختام :وين بنمشو
الياس: مش تبي البحر
ختام :به
تمشينا وكان هو يهدرز واني ساكته بعدناوهلبه وقعمزنا
الياس: خيرك
ختام: شي
الياس: متقوليش شي نعرفك
ختام شافتله: انت عندك علم ان ابرار تحبك
الياس: علاش السؤال
ختام :عندك علم صار
الياس: اممم.. بس اني عادها اخت وبس
ختام طبست راسها
الياس: شن واجعك راسك والا كيف
ختام تلعب بالرمله: لاعادي
الياس تنفس :والا غرتي على راجلك
ختام 😨
الياس: شوفيلي جاي .. وشدلي وجهي كأنه اول مره تجي عيني في عينه كأنه قلبي حيطلع ويطلع كل شي فيه
الياس: ردي
ختام بتوتر: شنو
الياس قرب منها :والا تغاري
ختام: منعرفش
الياس: يعني شنو
ختام: منعرفش ...وكيف بتنوض يشد يديها
الياس: لما نبدا في موضوع منحبش من يقص عليا
ختام: عيونها دموع شنو
الياس: علاس للبكاء
ختام: منعرفش حني بينا اتفاق منبيش نعلق قلبي بيك وترخيني ونتعب روحي
الياس ضغط ع يديها ومن قالك قلبي مش بادي يتعلق بيك.....يتبع
أنت تقرأ
**عشق زارني بعد حبك**
Roman d'amourحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
