لا احلل النشر
**عشق زارني بعد حبك**حلقة38
للكاتبه*سونيا ايلين*
ازهار :علااش متاعي☹😡
ختاام :عينك هادم حوايجي قبل مانتزوج😒
ازهار :مش قلتيلي ناخدهم☹😢😭
ختام: ورجعت في كلمتي شن تبيني نمشي لتونس بعبايه جداي😒😒
لميت حوايجي وروحنا دخلت طووول للدار ورتبت شنطتي
الياس. كنت نبي سبله ندخللها حااارة متزوج ومانهدرزش مع مرتي😂
طق طق
ختام :نعم
الياس: نبي حاجه من الدولاب
ختام :تفضل
الياس: شنو اللبس هدا كله
ختام اطبق وتحط في الشنطه: مش بنسافرو
الياس: اي بنسافرو اسبوع مش سنه
ختام :متعرفش شن يصير
الياس: هدا شريتيه جديد
ختام :لا متاعي واني بنت
الياس: اا ..خيرها كسوتك حلوه 😂ارفعي العبايه يلي من افريقيا الوسطى وقفاطينك😅
ختام 😒معاش تهزا
الياس: باهي تصبحي ع خير
طبعا ليلتها ماجانيش نوم دعيت ربي ان تتغير حياتي ان ننسى الماضي ونبدا صفحه جديده معاه هو مقرر يطلقني بس نحاول نملك قلبه بالك ميشوفش لنقصي☹
الفجر....
الياس.. نضت صليت الفجر وغيرت حوايجي استغربت خيرها مش بدوشتها خبطت الباب مافتحتش دخلتلها كانت راقده ولابسه قفطان بودري كت وقصير وشعرها مفتوح حسيت باحساس اي راجل لما يشوف مرا قدامه خصوصا انها مرته...
الياس: ختام ختام نوضي
ختام: شنو خيرك لابس
الياس: لان بنطلعو لتونس
ختام: ااا توا ..خيرك مقتليش نحسابه الصبح
الياس: نسيت هيا صلي ووتي روحك
نضت ع السريع دوشت وصليت وغيرت لبست بلوزه وسروال وخديت حاجاتي ونزلت لوطه
عمتي: هيا خوالك واتين
الياس: باهي اهي نازله
ختام :صباح الخير
عمتي: صباح النور بنيتي خلي نجيب المفاتيح
الياس: فطرتي
ختام: لا مش لازم
الياس: بري خودي حاجه كوليها
ختام :معنديش نيه
الياس: باهي لما تجوعي قولي ناخدلك في الطريق
ختام: تسلم
طلعنا وتلاقينا مع خواله وعمته في الطريق كنت نعسااانه موووت لان حكم مش راقده مرة مرة نغفى ماقدرتش نشوفله في المرايا مش عارفه علاش
الياس.. كنت مركز عليها كانت تشوف للروشن و ماشافتش جيهتي بكل
عند ايمن....
بعد مالبست الدبله زاد شوقي لختام زاد هلبه وبشكل وبجنون اتصلت برقمها كان مقفل جربت مره واتنين بس مقفل ماعرفتش شن اندير مانقدرش نمشي لحوشهم قلت خلي نمشي للجامعه مشيت وكانت شبه فاضيه لان السنه الجديده اسابيع وتبدا
فيصل: اووو عاش من شافك
ايمن :اهلين كيفك
فيصل: الحمد لله ليك وحشه
ايمن: تسلم خيرها فاضيه
فيصل: اعطيهم اسبوعين وتزحم تسجيل وجو
ايمن :نسألك معاش شفت ختام
فيصل: لا ..من وقت فسخت منها معاش جت حتى الامتحانات ماكملتهمش مع انها في الفصل الاول من اوائل الدفعه
وقتها عرفت ان يلي صار هدها ووقف حياتها
فيصل :علاش تسأل عليها مش كل واحد في حاله
ايمن دموعه في عيونه :منسيتهاش
فيصل: ربي يهديك نموت ونعرف علاش سيبتها
ايمن :....هيا سيبتني
**جميل داك الحب ادا مانمى داخل صدورنا ومؤلم حين نحاول قتله بأيدينا هو يموت.. وقلبي لا يموت....**
كملنا الطريق وعمتي جوها حلو وهدرزه
عمتي :شوف مرتك بالك جاعت
ختام: لا مخاطريش
الياس: اهو مطعم تو ندرسو فيه
وقفنا في مطعم ونزلنا الكل وطلبو فطور كنت مقعمزه ع الطاوله ونشوفله كيف يهدرز مع الرجال ياناس شكله حلو.. الشخص يلي تخيلته قبل يكون زوجي في الحلم توا اني على ذمته
عمتي: شن تعبتي
ختام :لا قضيتها نوم بس
خالته: اسمعي حليمه توا اركبي معانا خليهم عرسان وانتي خانقتهم
عمتي: والله قتله من الحوش نركب مع حد تاني قالي خليك
ابرار: ايح مش مقعمزه ع قلبها هي
ختام: لا عمتي انتي الخير والبركه كملي معانا
سميره بنت خالته :لا تعالي معانا خويله
خالته حدهم: اهو وصل الفطور
الياس: امي خودي دواك... والكريب مافيشي عسل ختام راهو
ختام :تسلم
**جميل ان تدرك تفاصيل في حياتي ضننتها غائبة عنك....**
فطرنا ومشينا للسيارات
الياس: يام تعالي هني وين ماشيه
عمتي: خليك وليدي انت ومرتك
ختام: علاش عمتي في حد ضايقك
خالته: لاضايقت لا شي اللطف عرسان خليكم براحتكم
الياس: ايوا خالتي تفهم في الجو😎
ركبنا وكنت جنبه ...يا ناس حشمة العالم نزلت عليا نتفكر متكلمناش هلبه حتى هو ماحاولش يهدرز او يفتح موضوع..
**الياس...جميل داك الهدوء حين اكون معكي واعجز عن الكلام عن الحديث كأني لا اريد سماع شيء الا هدوءك...**
وصلنا للعاصمه وحجزنا في فندق ع البحر
عمتي: شن حجزتلنا
الياس: اي انتي وخالتي حدهم مع بعض وخالتي حواء مع سميه وعمتي نجمه مع ابرار
ابرار :وواك علاش مش مع سميه😠
طبعا اني هربت التغطيه عليا 😨هرب الضي😱 الشحن وقف😲 يانااااس حجزلي معاه في نفس الحجرة😨😨.......يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
