لا احلل النشر
**عشق زارني بعد.حبك** حلقة 55
للكاتبه *سونيا ايلين*
الياس... ركبت لشقتي فوق وليا فتره معاش دخلتها اتكيت ع السرير وقعدت نفكر في كلامه وشن قال ابتسمت حسيت انها حبتني اكتر مما حباته قعدت في الدار كل مكان فيها عندي معاها قصة حب كنت متفكر كل لبسه لبستهالي وشن المناسبه وشن درنا بس عصبتني لما كلماته بعد ما طلقنا 😠هدا غير منبه عليها معاش ترد ع الهاتف 😡بس راسها حيط ومتفهمش😡 كنت ناوي قرار بس توا خلاااااص قررت تنفيده خديت هاتفي وقلت خلي نكلمها
ختام :وفاء سكتي بنتك خلي نقرا😓
وفاء: مابتش شكلها ممغوصه
ختام: ازهار ياهمي نقصي في الحصله
ازهار تتفرج متكيه وحاطه رجليها ع المخده:
مخصكش كان عينك قعدتي في الحوش😛
امي :وين بتقعد بروحها ...بري اقري في دار اختك
ختام :بالك علي يجي يبي حوايجه
وفاء تهز بالبنت واقفه: لا خداهم ونزل لوطه اكيد توا في الحلم الرابع
ازهار: حتى الراجل هججناه😂
مشيت لدار نوم وفاء وسكرت الباب غصني قلبي تفكرت دار نومي واتاتها تفكرت كيف نرقد ع السرير واني في حظنه تفكرت كيف انلبسه حوايجه نزلو دموعي وبعدين مسحتهم قلت لاااا نبي نقرا وننجح خلاص خديت الشيت وكيف بديت نسمع
ترن ترن
شفت الهاتف وكان رقم الياس مش مصدقه عيوني كنت نحك في عيوني بالك نحلم فتحت الخط كان قلبي يدك زي الدربوكه
ختام بهدوء: الو
الياس: السلام عليكم
ختام: وعليكم السلام
الياس قداااش ليا ع سماع صوتها وهي تكلم فيا قداش مستاحش همسها في ودني
ختام :كيف حال عمتي
الياس: تمام الحمد لله
ختام دموعها ينزلو:شن فكرك فيا
الياس: والله ركبت فوق فتحت الدولاب لقيت حوايجك فيه😎
ختام😍😍
الياس: تعالي غدوه ارفعيهم
ختام مصدووومه
الياس: الو
ختام بعصبيه: ولع فيهم
الياس :معنديش وين نحرقهم
ختام: ولع في الدار كلها ولا نقولك الشقه كلها باش تنساني
الياس: ومن قال اني متفكرك اصلا بعدين الشقه نبيها باش نوصل فيه
ختام :شن بتوصل😨😨
الياس: بمبلي غاز.... يعني شن بنوصل عروسه
ختام: الياس انت تسمع في روحك فاش تقول اني منسيتكش
الياس: اسمعي فكيني من الحو اني ناسيك وغدوه تعالي ارفعي دبشك كله وتو نكلم اسامه وسكر الخط
قعدت شاده هاتفي نقول اكيد نحلم لوحت الشيتات ع طوووول يديا وتفجرت بكاء
الياس: الو
اسامه: اهلين وين مغطس
الياس: في الحوش انت وين
اسامه: مكسد بروحي في الحوش ..العيله عند نسيبي
الياس: تمام وتي الشاهي وبنجيك
فاتت اسود ليله عليا اني كنت متأكده انه مش حيتزوج بعدي بس طلع ميحبنيش زي منحبه ليلتها طارت النيه من القرايه ومن العيشه كلها
نضت الصبح عيوني زي الصينين
امي :خيرك بسم الله عيونك هكي
ختام تبكي :شي
وفاء: ختام اسامه لوطه قلك انزلي
ختام: شن يبي
وفاء: منعرفش البسي وانزلي
ختام: شنو في
اسامه معصب: كلمني الياس امس وقالي تجي تاخدي حوايجك
ختام انهااارت بكاء :بالله فكني منبيهمش منبيييش نمشي
اسامه: كان جبتيهم من الاول اهو ماصلرش هكي
وصلنا لحوشه
الياس: تفضلو
اسامه: لا خليني هني هيا اركبي سقديني لمي قشيشك
ختام.....
ركبت فوق ولقيت الشقه مفتوحه كانت مرتبه ومعطره وحاط فيها تحف جديده اااخ يعني حق ناوي يتزوج
اسامه: تمام هكي
الياس يضحك: اي
اسامه: خلي نمشي نجيب الراجل ونجي وانت برا😂 الحق الشقه مرات تولع فيها
الياس: ههه 😅😅😅
اسامه: اركب
الياس: لا خليني هني لين تجي
اسامه ضربه ع كتفه: راك لتوا عندي راجلها ونوتق
الياس ضمه: تسلم وانت خوي
اسامه: لكن من توا معاااش تعاودها
الياس: لا التوبه حتى اني تبهدلت
ترن ترن...
اسامه: هيا باي الجماعه تتصل شويه ونجي
كنت نلم في حوايجي واني نبكي مش مصدقه انه ممكن يغيرني
الياس :احم
ختام نزلت خمارها وتلم وعينها في الشنطه: شن جابك مش حناخد شي زايد
الياس: خفت تولعي في الشقه😁
ختام: لا متخافش😒
الياس: تو نجيب فيها مرا تولعها
ختام: ان شاء الله تولع فيكم الزوز
الياس: شن قلتي
ختام :منكلمش فيك
الياس قعمز ع كرسي الزيانه: بنسألك سؤال بالله
ختام :تفضل
الياس: زعما السرير نخليه هني والا من جيهة الروشن احلى😂
ختام😠 كنت ماسكه روحي بالسيف مابيتش نوري ضعفي لاكن طفح الكيييل
ختام: انت خيرك متحسش اا معندكش قلب ليا كم شهر قاتله روحي ع خاطرك وانت ولا هامك لا وتسأل فيا وين تبي تخمدها الكلبه يلي بتجيبها😠
الياس وقف وقرب منها :معاش تقولي عليها كلبه😁
ختام: كلبه ونص وستييين كلبه😡
الياس :ع راحتك كلبه كلبة😅
ختام :حول خلي نكمل انلم
الياس: وكان محولتش
ختام: حول....يتبع
أنت تقرأ
**عشق زارني بعد حبك**
Roman d'amourحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
