لا احلل النشر
**عشق زارني بعد حبك**حلقة17
للكاتبه *سونيا ايلين*
ايمن :تعالي قعمزي
ختام :ايوااا
ايمن :هادم ليك
ختام :شن هما
خديت منهوالكيسه ولقيتهم شكولا ومكسرات وعطر
ختام:صحيت علاش متعب روحك
ايمن شد يديها :تعبك راحه وباسها...عندك علم ريحه المربوعه تجنن
ختام: هدا عطرك يلي جبته المره يلي فاتت
ايمن: لما تولي عندي نبي نشم ريحتك من اخر الدنيا
قربت منه ونزلت ع ركابي وقربت: بندوخك
ايمن :عندك علم شطانتك مهبلتني
ختام ضرباته ع رجله: مش شطانه هدا حب شعب مايفهمش في الرومانسيه
ايمن: وين ماشيه
ختام : بنجيب الماما
ايمن: ههه تعالي قبل شويه
ختام :يانعم
ايمن شد يديها ورفع راسه فوق :ياربي بالله بتقعدي هكي بعد العرس تسمعي الكلام
ختام :والله نسمع غير اسأل اسامه😄
ايمن :قرب منها نبي نشوف شعرك
ختام :لازم ماهو شفته قبل
ايمن: يجنن منشبعش منه ونحالي الوشاح
ايمن.... كانت اجمل مارأت عيني داك الحب والطيبه والشفافيه استطيع ان اراها في عينها...
قربت وشميته
ايمن :ريحته تجنن
ختام: خلي نجيب الماما خير ماتتعشى شعري
ازهار توتي في السفره:...خفي روحك قبل مايجي خوك
ختام: اي بالله
ازهار :شوفي جاي ترا
ختام: شن في
ازهار: والله بايسك حتى روجك ملحوس يا مصخه
ختام😨😨😨
رفعت العشاء وقعمزت بحداه
ايمن: كأنه نو
ختام :نقوي في المكيف
ايمن: لا عليك بالك نو نحي وشاحك
ختام :تعشى وروح
تعشينا ولان اسامه دلعني ومروحش تعشينا جو عرسان وكلني ونوكلك😊
ايمن :هيا عطلت خلي انروح
ختام: به
ايمن: بتستاحشيني
ختام: من توا
ايمن :غمضي عيونك
ختام: فكني منك
ايمن :بجد غمضي وقبلي للحيط
غمضت وقبلت للحيط لين حسيت بيديه محاوطه رقبتي فتحت عيوني كان جايبلي تعليقه
ختام: ااا علاش المره يلي فاتت جبت خاتم
ايمن :مش خساره فيك ..حلوه
ختام :تجنن
ايمن: نعرفك تحبي الفراشات يا فراشه
ختام: نحبك
ايمن :ربي يخليك ليا...تونبوسك ع خدك عادي
ختام:.هزت راسها بمعنى به
ايمن :خلااااص خلي نروح توا وكان فضيت تو نجيك للكليه
ختام: تساويله في سوريته اللون هدا معاش تلبسه وسكر سوريتك
ايمن يضحك :علاش
ختام ضرياته ع صدره؛ نغاااار وطووول للحوش
ايمن :من عيوني هيا سلام
طلع ايمن واني طول غيرت وغسلت وجهي كأن مافي شي صار
علي :تمام توا
اسامه: توا الراجل روح من بكري
علي: ههه سلام توا
دخلت لي داري
امي :علاش جايبلك رايحه خلاص قوليله معاش يجيب
ختام: مايغلى عليا شي
ازهار :العله مش في العطر العله في التعليقه يلي في رقبتك يا عافنه
امي: جابلك دهب تاني
ختام :اي تعليقه بسيطه
امها: بسيطه شنو فلستي بيه
ازهار :عندهم محل لا فلس لاشي
امي :نحيها من رقبتك خير مايجي خوك
اسامه :هلا يا خوي
الياس: اهلا بيك
اسامه :نقولو مبروك
الياس: شريتها خلاص
اسامه :هدا هو حط فلوسك في السيارات راك تتزوج
الياس: ههه دير زي عمتك مريم توا...مبكري خيرك مجيتش للحوازه
اسامه: كان عندنا النسيب الجديد
الياس :ااا والله كبرت وانخطبت الكتكوته
اسامه: اي شفت كيف
الياس :ربي يهنيها....يتبع
الصبح نضت لبست ومشيت للجامعه حضرت محاضرتي وطلعت لقيت قلبي يستنى فيا قعدنا نهدرزو مشوار وشاد يديا
حسين : يدخن وينفخ فيه
عمر :فوتها الجامعة معبيه بنات علاش هي
حسين ينفخ في الدخان :مستحييييل اولا حلوة تجنن من الاخير.. طرف تانيا لانها سكرت راسها ولازم مش انكسره لازم انهرسه ..وتالتا الكلب يلي شاداته لما نوجعه عليها
عمر: شن ناوي
حسين شي بعد مانربيها تو نقولك
ختام: هيا بنمشي
ايمن: تمام
ختام شدت في يديه بقوه: غدوة بتجي
ايمن :شن رايك
ختام: نبيك كل يوم وكل شويه
ايمن قرب منها :ياحليلي نروح بيك والا ندير عمله قدام الناس
ختام وقفت: هيا باي
طلعت ركبت السياره وروحنا
غيرت حوايجي وصليت وتغديت كلمته شويه ورقدت
ختام :منعرفش نعوم
....اني نعرف
ختام: بتردد انخاف والله
....:حتى معاي ومد يديه
ختام :نخاف نغرق ظلام لوطه
الياس :كان غرقتي اني نطلعك
ازهار :نوضي ياهمي المغرب يدن
ختام: مبرد دمك خليتيني نشوف شن بيصير
ازهار :اني نعاند في العشاء وانتي تحلمي
ختام :يجنن يحليلي معرفتش خيرني نحلم بيه
ازهار :هلبه تحبي زوز😒 نوضي سبقتك
نضت مسحت ع وجهي ياناس كأنه واقع منعرفش علاش نحلم بيه
مشيت فتحت دولابي وطلعت كيسه فتحتها كان فيها الكندره يلي شراهالي زمان شديتها تأملت فيها وابتسمت ورجعتها يارب اني انحب ايمن وهو ان شاء الله يحصل حد يحبه
تعشينا وضميت الكوجينا ودخلت كلمت ايمن نتفكر يومها سهرنا وكانت المكالمه ضحك من قلبي
نضت زي العاده لبست وطلعت مع اسامه
اسامه: نجيك مع ٣
ختام: اي بس ياريت تجيبني موخر لان بكري هلبه وصاحباتي ماجوش
اسامه: حتى اني عمل شن مازال شهرين وترتاحي وتريحي
ختام: تمام
نزلت ودخلت الجامعه الحركه حكم مفيش قلت خلي نمشي للقاعه
كانت قاعتنا خارجيه وبابه القدامي مسكر قلت انلف من الجهة التانيه واني كيف بندخل نلقى الولد
ختام بخوف:حول شن تبي
حسين كان شكله مش مصحصح: نبيك انتي
ختام: بالله امشي فكني من المشاكل ع الصبح
حسين بنمشي بس رافعك معاي
شدني من يدي وغملي فمي معاش حسيت بشي لييين نسمع فيه يقولي انزلي.....يتبع
أنت تقرأ
**عشق زارني بعد حبك**
Romantizmحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
