**عشق زارني بعد حبك**

الحلقة الاربعون

لا احلل النشر لا دنيا ولا اخرة
**عشق زارني بعد حبك**حلقة 40
للكاتبه *سونيا ايلين*

كان مقعمز جنبي شد يديا وجا قدامي وقرب مني
الياس: ومن قالك اني مش معلق
ختام :يعني
الياس تنهد :انت ملخبطتني ليك مده من اول ماشفتك في الكليه بس كنت نكدب في روحي قلت اكيد نتوهم ولما شفتك في بيانك وكيف قمتي الطرحه ع وجهك وشفتيلي ولتوا منعرفش علاش والله روحت ع اعصابي حسيت قلبي نااار والعه فيه وزادت ولعت لما روحت بأهلي وانتي لابسه القفطان وتشوفيلي تمنيت نفهمك وقتها بس قلت نصيب...

ختام... كنت مصدومه مصدومه بجد اصلا قريب نجلطت من الصدمه اني كنت نتخيل فيه وقتها وهو نفس الشيء
ختام :باهي علاش متكلمتش
الياس: وقتها مكنتش مفكر نورط روحي مع مرا
ختام ودموعها نزلو: وعلاش ورطت روحك بيا واني في ورطه
الياس: وقتها والله نسيت كل شي وجاء في بالي اسامه وقلت كان عرف ممكن يقتلك وقتها بجد كنت ناوي نسترك ونطلقك
ختام بخوف وتوا
الياس طبس راسه :الموضوع مش هين عليا والا ع اي راجل بس في قلبي شي ليك وهلبه مش شويه شي يخليني ننسى ونبي نكون معاك وبس
ختام تمسح في دموعها يعني حطلقني صح
الياس ضغط ع يديها :اكيد لا ومستحيل نوجعك ونوجع صاحبي
ختام انهارت بكاء
الياس: تي خيرك عاد
ختام: شي
الياس: باهي تعالي جاي وضمني لصدره
ضميته وضغطت بقواااا كأنه بيهرب مني ضميته وكان نلقى نسكن صدره ضميته وكان حضنه دافي بجد حضن يبيني ناخد حضن طول الوقت
الياس اششش :خلاص
ختام: نحمد ربي انك موجود في حياتي يا الياس
الياس شد وجها يمسحلها في دموعهاوابتسم :اسكتي به والله مش مصدق ان فرخه زيك سكنت قلبي
ختام: وخيرني ميطلعش عليا
الياس قرب منها :لا يطلع عليك وزياده وباسها ع جبينها...هيا تنوضي
ختام :به
رجعنا للفندق ومشينا لدارنا طوول طبعا اني كنت خايفه موت من موضوع انه يقربني خفت من التجربه وخوفي الاكبر انه يكرهني بعدها لهدا كنت ناويه نصده

من الصعب ان يكون قلبك عاشق لشخص كل حواسك معه الا جسدك..

ركبنا فوق واني فرحانه وقلبي يدق من الخوووف خديت حوايجي ومشيت للحمام غيرت باش يغير هو براحته وطبعا كان فتح tv معناها كمل تغيير😊 لبست قفطان تحت الركبه ونص كم الستر يارب😂
خديت هاتفي وقعمزت من جيهتي وهو كان متكي

سبحان الله اعترفنا لبعض البرا بس لما ندخلو للدار نولي جمود كلمت امي مشوار قلتلها غدوه مروحين سكرت منها واتكيت لان خلاص نعسانه غمضت عيوني وقعدت نفكر في كلامه يلي قاله وفي خوفي ان نصده لان موضوع الاغتصاب يخلي بصمه في النفس رغم ع النفس... نزلو دموعي ان منقدرش نكون زوجه طبيعة
وفجأة حسيت بيه قرب مني وصمني ضمني بقوه
الياس يوشوش في ودني: خيرك ساكته
ختام :مصدومه😨
الياس مبتسم: خيرك يبستي مع بعضك😁
ختام: شي
الياس: نحول
ختام: لا.. قصدي منعرفش
الياس بهمس: مش قتلك معاش تبكي
ختام تمسح في دموعها: ياريت

الياس عارفك فاش تفكري متخافيش مش ح نغصبك وكل شي في وقته حلو
كنت محتاجه كلمه كلمه زي هدي
الياس: عارفه باش حاسس
ختام: شنو
الياس: اني متزوج بجد
وقتها فرحت في داخلي رغم خوفي دعيت ربي ان يكمل موضوعنا ع خيير
نضنا الصبح لبسنا وودعنا تونس
ختام :تعالي عمتي معانا
عمت:ي لا بنيتي نركب مع حدهم خودو راحتكم
ختام :ع راحتك
ركبنا وطلعنا كنت ضامه يديا ببعض
الياس: شنو خيرك شادتها غادي
ختام باستغراب :شن هي
الياس: يديك
ختام: اا ههه
الياس: كشخي.. هاتيها جاي
ختام :اها
شد يديا وباسها وحطها ع صدره واني مقدرتش ندير شي الا نسرح فيه

قداش ماحلوووو وهو يسوق بيد واليد التانيه شاده يديا كملنا الطريق وحني نضحكو وجونا حلو كنت قدامه كيف المرايا...

قداش ماحلوه الفرحه في ع يلي نحب ان نحس انه يضحك من قلبه بعد ماكان الحزن والخوف ساكنين فيه والاحلى ان اني سبب فرحته....يتبع.