لا احلل النشر
**عشق زارني بعد حبك**حلقه29
للكاتبه *سونيا ايلين*
الياس.... كانت الصاله زحمه ونسون هلبه بس بجد حسيت روحي عريس قمت الطرحه وكانت تحفه قربت منها وبستها ع جبينها
ختام شدلي راسي وباسلي جبيني كااان قلبي قريب يطلع ونفسي تغير
قعمزنا شويه وكنت قريييب نبكي الكل يضحك ومبتسم ويزغرد حتى هو كان مبتسم بس اني نعرف انه مجرد كدب حتى فرحة امي وخواتي صنعها الكدب
الياس :شنو نطلعو
عمتي: هيا ربي يهنيكم
وقف ونزلي الطرحه وسلمت ع اهلي وكنت نبكي وجعني حالي اني درت عرس وفرحت الكل واني زعلانه تمنيت نروح مع راجلي نتعشو ونعيشو زي اي زوجين من الاخير تمنيت نكون زوجه بجد
ركبنا للسياره واني قلبي يدق قرييييب يطلع
الياس :مرتاحه
ختام :اي
ناديه :سكر الباب
سكر الباب وركب جنبي وكانت زحمه سيارات كأنه جايب جيش معاه😉
الياس ..توكلنا على الله وكيف بيمشي
طق طق
الياس: اهلا
اسامه: شنو ختام متبيش تسلمي
هني قلبي وجعني قريب متت صح كان صعب ودراه كبد بس يحبنا ويخاف علينا
كان الروشن مفتوح مديت يديا وشدها
اسامه: كان نعرفك بتبكي اهو ماجيتش
الياس: خلاص حسستيني اني رافعك للصين
ختام:😢
اسامه: خلاص اسسس دير بالك عليها
الياس: في عيوني
اسامه: باهي سكري الروشن
طلعنا بالسياره ولان حكم جيران ممشيناش طووول للحوش درنا دوره في المنطقه باش يديروله موكب حلو
الياس: شويه بس نفتح الكنشيلو
فتح الكنشيلو ودخل السيارة ورجع سكره والدنيا بتنقلب بره فتحلي الباب وو..
الياس: هاتي يديك
نزلت من السياره واني شديت يديه كان شعور غريب توتر وخوف ورعب من المستقبل
الياس... شديت يديها وركبنا الدروج كانت ترعش مع بعضها بس بجد شعور حلو لان اول مره نشد يدين بنت
الياس: تفضلي
ختام...
الياس: شويه تو نجيك الشباب بيقلعو الشارع
ختام :به
نزل لوطه واني قعمزت ع السرير قصدي وحده مع زوجها تتوتر اني كيف حيكون شعوري واني مش عارفه شن يستنى فيا
قعدت نشوف للدار كيف شكلها روعه وكبيييره تجنن شويه وسمعت السيارات بيبو وبعدو وقلبي قعد يدق لييين تفتح الباب
الياس....سلمت ع صحابي واني راسم بسمه كدابه على وجهي طلعو من هني ركبت فوق تبو الحق جو العرس والفاتحه وامي وصحابي كيف فرحانين فرحني تمنيت لو اني متزوج بجد واليوم ليلتي مع شريكه عمري حسيت بغصه وندم ان دخلت في موضوع زي هدا تنهدت وقلت قدر الله وماشاء فعل ودخلت للحوش مشيت طوول للمطبخ
ختام سمعت الباب تفتح حسيت قلبي زادت دقاته بس مجاش للدار معاش عرفت شن اندير نبي نغير ونغسل وجهي خلاص قلقت شويه لييين جا
الياس :ختام تعالي تعشي
ختام مطبسه راسها :معنديش نيه
الياس: هيا من الصبح مش واكله نوضي
نضت وطبعا الفيلو كان كبير نحيت الكندره خفت نجي كدس لانه مش حيشدلي يديا زي اي زوجين بجد ☹
مشيت للمطبخ وكان موتي سفره العشاء
الياس :قعمزي
ختام: به
قعمزت وبديت ناكل بس من
كنت متحشمه تمنيته يطلع من بحداي باش ناكل براااحتي😅
الياس :خودي راحتك تمام
طلع واني بديت ناكل لان.جعااانه موت كملت كليت وغطيت الاكل وطلعت مشيت للدار لقيته مقعمز ع السرير وااك معاش عرفت شن بندير ونبي الحمااام ياناس
الياس حسيتها متوتره وماتلكلش كويس خديت الادن ومشيت للدار باش ناخد حوايجي تفكرت ان جايبلها هديه قعدت انرتب فيها لييين حسيتها جت....
طق طق
الياس: تعالي
ختام: نعم
الياس: تفضلي
ختام :شنو
الياس: ايفون وشفره جديده
ختام :علاش عندي هاتف
الياس :نعرف بس نبيك تغيريه تمام
ختام :شكرا
الياس ..شفتها في الصاله كانت حلوه بس لما ولت في حوشي احلى قدرت نتأمل في زينها كل شي فيها حلو
كان الفيلو مكشوف و...
ختام ..كنت ميته حشمه قصدي لابسه فيلو قدامه ومن حظي الحلو... عريان
الياس: تمام انتي ارقدي هني واني في الدار التانيه
خدا حوايجه وطلع وسكر الباب
ختام:حاولت انحي الفيلو بس وااك ياربي كيف بنفتح السوريته ياحليلي قعدت نتعارك معاها ولا قالت تنفتح
الياس.. خديت حوايجي ومشيت لداري غيرت ورقدت ماحاولتش نفكر بكل لان رح نتعب
قعدت هكي ع قد ماحاولت نفتحها مكرت ولا قالت تنزل معاش قعدلي حل الا .....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
