**عشق زارني بعد حبك**

الحلقة الواحد والاربعون

لا احلل النشر
**عشق زارني بعد حبك**حلقة 41
للكاتبه *سونيا ايلين*

وصلنا للحوش قعمزنا مشوار مع عمتي وبعدين ركبنا
الياس: اااخ واخيرا الاستقرار
ختام :ههه
دخلت للدار وهو وراي
ختام: يا نعم
الياس قعمز ع السرير: يانعمين داري ولت
ختام ببسمه: شنو يعني
الياس: يعني تعالي جاي وشد يديا وجبدني عنده كنت اني واقفه وهو مقعمز ع حاشيه السرير
الياس ببسمه: شنو مافيشش حمد لله ع سلامتك زوجي
ختام عينك: ماهو كنا مع بعض
الياس شدها من وسطها وقربها ليه هلللبه:مش قتلك معاش تقوليها عينك
ختام: باهي خلاص حول هي
الياس وقف وهو شادها من وسطها: باهي وكان منحولش شن بديري
ختام: الياس بجد
الياس: مش مرتي وحبيبتي وعمري وقرب هلبه مني لدرجه انفاسه في وجهي
ختام :مش قتلي خودي وقتك
الياس يتكلم في ودنها: والله حاره عايش مع غزال منقدرش انطوله
ختام... لحظتها تفكرت كيف هداكا الوسخ شدلي يديا وباستي غصب عني
ختام: حول منقدرش ودفيته ومشيت للحمام

الياس.. مدرتش حاجه غلط هي مرتي ونحبها ونبيها تكون مرتي ..اني نبي ننسى الموضوع ونبدا بيها باش تنسى بس هي مش عاطيتني فرصه غيرت حوايجي وطلعت من الحوش

طلعت من الحمام بعد سمعته سكر الباب بقوه مشيت للدار بكيت ع حظي كيف معاش عندي نيه للحاجه هادي غيرت وصليت و قلت خلي نتصل بيه اتصلت مرة و٢ و١٠ بس بلا فايده كسدت نزلت بحدى عمتي رتبت معاها الحوش وبعدين قلت خلي نمشي لاهلي
عاودت اتصلت بس ميردش بكل لبست وخديت الادن من عمتي ومشيت لاهلي
الياس.. مشيت للبحر قعمزت كانت تتصل وتعاود ع قد ماكان خاطري نرد ع قد موجعني صدها ليا لحظتها شكيت قلت مرات متحبنيش وتساير فيا مرات قلبها معلق بخطيبها مازال مليون فكره جت في راسي

امي :والله استاحشتك يا بنت
ختام مقعمزه وضامه :امها حتى اني
امي :ها شن قولي الحق متعبتيش الراجل معاك
ختام :لا حرام عليكم
ازهار :مرة تانيه ارفعيني معاك
ختام: ان شاء الله اسامه وين مانا
امي :طلع للعمل
ختام :خلي نكلم وفاء تجي

الياس: اهلين يام
عمتي: اهلين
الياس: شن مكسده بروحك
عمتي: اختك كانت هني كيف روحت
الياس :ختام منزلتش
عمتي :لا مرتك عند اهلها
الياس ؛شن هوااا كيف تطلع بلا شوره
عمتي بخوف: خدت الادن مني
الياس بعصبيه :هدي متفهمش اني راجلها اني نحكم فيها وطلع
عمتي: يهديك الله من بكري تتصل انت مقفل
الياس: ان شاء الله منردش بكل كسايرها علاش عااافسين البراااا
ركبت السياره واني حامق اصلا من الاول قلبي معبا عليها
ختام: باهي شفتك قبل مانروح
اسامه: ليك وحشه
وفاء: خلي نكلم علي هو هداكا
طق طق..
عمتي :بالك هو جا
اسامه: اهلين ياشيخ حمد لله ع سلامتك
الياس: تسلم
امي: هدا راجلك بيروح بيك
ختام بفرح:خلي نوتي روحي
دخلت خديت حاجاتي وطلعت
ختام: اهلين
الياس عيونه بيطربقو :اسامه خلينا شويه
اسامه :في حاجه
الياس: لا
اسامه: تمام
ختام: الي..
الياس وقف وسكر الباب وشدها من يديها انتي خير دعوتك اا مليون مره مقايلك رجليك مايعفسوش برا الحوش
ختام :اني اتصلت بيك انت متردش بنقولك..
الياس ضغط ع يديها: ان شاء الله منردش سنه الطلوع بلا شوره ممنوع
ختام :عيونها دموع اسفه
الياس طلقها وخدا هاتفه:اسفه هادي دوري وين تصرفيها
ختام وقفت قدام الباب: باهي بتقعد زعلان مني منقدرش نقعد معاك وانت زعلان
الياس شافلها في عيونها :من قالك مروح بيك اقعدي عند اهلك لين تقلقي ..سلام
قعدت مصدووومه معرفتش شن ندير او شن نقول
اسامه: ختااام خير امك انتي
ختام: مدرت شي جيت لاهلي
اسامه: بلا شوره
امي :عيب يابنتي عليك
ختام: تبكي بالله خلااص
اسامه: والله غير وصاني منضربكش باقي وربي لكاسر رجليك
مشيت لداري تفجرت بكاء

كلما احسست ان الدنيا ابتسمت لي عادت وكشرت في وجهي

الياس.. روحت للحوش ركبت طول لشقتي دوشت واتكيت قعدت نفكر فيها بجد عصبتني من الصبح بس بين صدها وطلوعها.... صدها ليا احر

قعدت نبكي ..خفت ان نخسره حتى هو تفكرت كيف خسرت ايمن خفت نخسره رنيت مره و٢ بس ميردش

الياس...قعدت شاد الهاتف في يدي ونشوفلها كيف تتصل كنت نبي نرد ونكمل ع باقيها بس تفكرت شن صارلها المره يلي فاتت استهديت بالرحمان وقلت خلاص معاااش فيها لازم نقوللها يلي في خاطري ....وبعتت رساله

ختام... كانو دموعي زي المطر وين نتصل وميردش قلت مرات راقد بس متأكده انه حاااقرني وقفت اتصال لان عيوني سحقوني واني لما نبكي هلبه نمرض كيف بنحط الهاتف جنبي توصلني رساله قلبي دق وبطني وجعتني بجد قلت اكيد بيقولي .....فتحت الرساله وانصدمت من يلي لقيته.....يتبع