لا احلل النشر
**عشق زارني بعد حبك**حلقة 45
للكاتبة*سونيا ايلين*
الياس: تلبسي لباس شرعي
ختام: ااا تعرفني منحباش
الياس :ختام اني مخليك ع راحتك لان نطلع معاك بس جامعه ومختلطه لباس شرعي تبي تمام مانبيش انسيها مره وحده
نضت مشيت للدار فكرت وبعدين قلت به المهم نضمن.القيد بعدين ساهل😄
بعد يومين...
نضت الصبح فطرنا وخليته يفطر دخلت لبست بلوزه وسروال ودرت شويه ميكاب وشوزي العالي ودرت مونيكير😂
الياس :😨هدا شنو
ختام.:خيرك
الياس عيونه قريب: يطلعو وين الملايه
ختام بصدمه:😭 في الدولاب
الياس: البسيها هيا
ختام :به
طلعنا واني كان نلقى نبطل قصدي قلت لصاحباتي انه فرهودي وجه حلو توا بنمشي هكي😒😓
الياس: وين سرحتي
ختام: هني
الياس: انزلي ونجيك مع ٣
ختام: تمام
الياس: مش ناسبه حاجه
ختام: شنو
الباس: قفازاتك
ختام😲: اا منحبهمش
الياس :واني نحبهم هاك ومعاش تنسيهم
دخلت لاجامعه واني قلبي معصووور كان عندي فيها دكريات حلوه ومره حاولت نتجنب هلبه اماكن باش منتفكرش وجعي
سندس: اووو والله ماعرفتك بكللل تي شنو هدا
ختام: شن بندير قالي هو او لا
سندس :معليشي المهم تطلعي تغير جو
ختام: تمام هيا خلي نجدد قيدي
مشينا جهة الاداره ومن حظي الحلو تسجيلي في مكتب فيصل
فيصل: شويه استنوني في المكتب
سندس: تمام
دخلت للمكتب تفكرت كيف كنت نجي غادي مع ايمن كيف باسني اول مره كيف كتن قلبي يدق كل مايقرب مني
فيصل: تفضلو
ختام: نبي نجدد القيد
فيصل: تمام بطاقتك
ختام :اهيا
فيصل: ختااام والله قلت صوتك مش غريب كيف حالك وشن اخبارك
ختام بتوتر :الحمد لله
فيصل: وينك حتى امتحاناتك فتيهم.
ختام :ضروف تو نبدا من اول وجديد
فيصل: تمام ارجعي نهايه الدوام خوديها لان عندي هلبه شغل توا
ختام :تمام سلام توا
سندس :خيرك
ختام :وااك حاسه اني غلطت
سندس: اللطف فاش
ختام :ان رديت عليه كان يسمع الياس يقتلني
سندس: ايح انتي بتقري وتصيرلك هلبه مواقف متكبريش الموضوع
ختام :يلا
فيصل: الو كيفك يا حلو
ايمن: تمام شن جوك
فيصل: والله الحمد لله
ايمن: شن فكرك فيا قلت اكيد غاطس بين البنات ناسيني
فيصل: ههه شن بندير بيك بس جت ختام تفكرتك
ايمن بنطه: شنو ؟؟؟جت للجامعه
فيصل: اي اليوم جت تجدد القيد
ايمن :اسمع شويه ونكون عندك
فيصل: تمام والله حسيتك مازال تبيها قلت بالك يتصلح وضعكم
ايمن :انت ادعي وبس
ايمن....حسيت دبت فيا الروح غلطت فيها هلبه وخليتها في مشكلتها وخطبت بس والله ماتنحت من قلبي وقاعد نحبها مادام رجعت تقرا الا برت من جرحها وان شاء الله تسامحني ونرجعو زي قبل
طلعت لبست لبسه كانت تحبها عليا وحلقت ومشيت للجامعه
سندس: ها شنو
ختام: بحزن نفس محاضرة السنه يلي فاتت مصعبها المعاوده
سندس: معليشي شن بديري تعرفتي ع بنات
ختام :لا
سندس: تعرفي لان مرات تغيبي تلقي المحاضرات
ختام :ايح عندي الشيتات
سندس: هيا نفطرو
ختام :به جعااانه
مشينا للكافي دخلت سندس خدتلنا الفطور
سندس: احكيلي متريحه
ختام: اكيد
سندس: يعني تحبيه
ختام: امم وهلبه
سندس: ربي يعقد عسلكم
ختام :اها اهو يتصل
الياس :اهلين حبيبي
ختام :ببسمه هلا عمري
الياس: شن جو محاضراتك
ختام: معاودات ☹☹
الياس :معليشي فاش اديري
ختام: نفطر
الياس :باهي اني جعان😎
ختام بخبت: تو نجيبلك وحده😛
الياس: عينك جعان ونبي ناكلك
ختام: به نروح وبعدين ساهل
الياس: من وين العقل بس
ختام: مش حرام فيك اني
الياس: باهي شن عندك توا
ختام :محاضره عملي وحافظتها بصم
الياس: باهي اني قدام الجامعه اطلعي
ختام :ااا باهي اهو جايه
سندس: شنو
ختام: جاني
سندس: سلام بتجي غدوه
ختام: يستر الله
سندس: سلام
مشيت جهة البوابه تفكرت قلت بالك نسيت هاتفي قعدت ندور في الشنطه وعيوني فيها ليييين هفت في خشمي ريحه ايمن حسيت روحي طلعت معاها حسيت قلبي نخصني
ايمن ...دخلت للجامعه وكنت خلاص مستاحش وحاط في راسي هلبه كلام ليها كنت نبي نقلها اني بعدتها عليا واني تعبت في بعدها اني حاولت ننساها بس بالعكس زاد شوقي ليها
الياس: هلا حبي
ختام :بهدوء هلا
الياس: خيرك
ختام :شي غير راسي يوجع فيا
الياس :شد يديها ااا بدينا في التعب من توا وجو معنديش جهد ليك وللغداء
ختام: لا والله
الياس: نبصر معاك توا نتغدو البرا تمام
ختام اتكت ع الكرسي وشافتله: تمام
كنت نشوفله ونسأل في روحي علاش تفكرت ايمن لما شميت عطره علااش زعما قاعد في شي في قلبي ليه....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
