**عشق زارني بعد حبك**

الحلقة السابعة والاربعون

لا احلل النشر
**عشق زارني بعد حبك**حلقة 47
الكاتبة*سونيا ايلين*

ترن ترن
ختام ..كان الياس يلي يتصل مقدرتش نرد عليه معرفتش علاش خوف او شنو معرفتش
ايمن :ختام انتي كنتي تعشقيني عشق ومتأكد ان لتوا مازال
ختام :نبي نطلع
ايمن قرب منها: عارفك زعلانه وحقك بس اني رجعت ناااادم
ترن ترن...
ختام تمسح في دموعها :الو
الياس: وينك مترديش
ختام: شويه وجايه
الياس :متعطليش اطلعي
ختام: تمام
ايمن :هدا اسامة صح مستعد نطلعله توا ونطلبك تاني مستعد نجي في الليل مع اهلي ولو توافقي العرس نديره بعد اسبوع وماتفكري في شيء المهم نولو مع بعض وانسيك الماضي
ختام: مستحيييل يصير شي بكل مستحيل نرجعو لبعض
ايمن :علاش
ختام: لان هدا مش ايمن يلي يتصل
ايمن: مانا منو
ختام :هدا راجلي ودفاته وطلعت

ايمن ....مصدووووم ..مستحيييل كيف وامتى تزوجت قصدي هيا كانت ليا وتحبني اني.. كيف تزوجت بعد كل يلي صار كييف طلعت من المكتب للبوابه طول

الياس :خيرك عطلتي
ختام: كنت انقل في محاضرة الاسبوع يلي فات
الياس: قيمي خمارك
ختام: لا عادي مرتاحه من الشمس

**صعب ان ترتب حياتك بعد فوضه دمرتها تمى ترجع تلك الفوضه لتدخل حياتك مجددا**

ايمن طلعت ةارا٨ا لقيتها ركبت مع شاب نش خوها يعني ماكانتش تقهر فيا يعني بجد تزوجت

ختام :نبي نمشي لاهلي
الياس: اللطف امس كنتي عندهم
ختام :تعبانه الحق
الياس :نرفعك تعايني
ختام لا نمشي لاهلي
الياس :تمام زي ماتبي ونجيك مع المغرب
ختام يستر الله

نزلت عند اهلي مابيتش ناكل بحجه ان فاطرة في الجامعه خديت حوايجي وتسبلت بالدوش
نتفكر وقتها بكيت في الحمام هلبه بكيت بجد وجعني قلبي موووت اصلا علاقتي بي ايمن قعدت معلقه سيبني فجاة و ماقدرتش نكرهه او ننساه يلي صار اني تنااااسيته وبس تمنيته مطلعش في وجهي تمنيته زي ماسيبني نساني ..علاااش كان عارف ان يحبني مفروض بعد عليا فترة وشاف روحه وبعدين رجع بس هو لا ..لوحني زي اي شي مستعمل ويبي التلويح طلعت من الدوش ومشيت اتكيت خديت هاتفي لقيت
الياس باعت رساله

** حاسك متغيرة معاي وهلبه كان منقص عليك حاجه سامحيني صح منعبرش هلبه بس والله مفروض تزوجتك من قبل لانك نورتي حياتي ...اني نحبك**

*جميله تلك القلوب التي تعطي لمن تحب ولا تبخل*

حسيت بروحي اخييي قصدي نبكي ع حد هو بكاني
وقتها زدت بكيت

الياس.. حطتها عند اهلها وروحت حاولت نرقد بس مكانها في حظني فاضي واني تعودت نرقدها بين يديا كانت متغيرة هديكا الفترة شويه قلت مرات اني السبب بعتت رساله قلت مرات تعبر ع يلي في داخلي
شويه و ترن ترن
الياس؛ الو
ختام: شنو يلي باعته
الياس :خيرها
ختام :انت مش مزعلني انت فرحتي اصلا
الياس: ابتسم
ختام :اني نحبك ومافيهاش شك راهو
الباس: حسيتك متغيره
ختام غمضت عيونها: يمكن هرمونات ملخبطه
الياس: باهي فاش اديري توا
ختام تمسح في دموعها: نلبس في عبايتي وبتروح
الياس: خليك تونجيك

كملت لمان حاجاتي وروحت معاه قعدت لليل عند عمتي لان عندها ضيوف او ممكن نتهرب منه لان حاسه اني غالطة فيه

مع الساعة ١١ ركبت لقيته راقد غيرت وعطرت جسمي ورقدت في حظنه
الياس حظنها: واخيرا روحتي ختام بهمس امم
الياس: تعبتي لوطه
ختام :عادي مش مشكله
الياس: ربي يهديهم خوالي يوم يجو يتعشو يجو الكل مع بعض
ختام: عاونتي سميه و ناديه بس الحق صغارها كل شويه يبكو وبنات خالاتك بايرات 😠
الياس: ياويلي من لسانك بس
ختام: اي حق
الياس: مرة تانيه تو نجيب شغالات يعولو غير اليوم داروها غمان
ختام: اااا باش يقولو مرت الياس بايره
الياس باسها ع رقبتها: لا لان المرة الجايه ان شاء الله تكوني حاول
ختام باساته ع شفايفه :ان شاء الله
الياس: انحبك موووت و........

بعد يومين...
ايمن: دبر راسك يا فيصل نبي رقمهااا
فيصل: منعرفش كيف بنجيبه
ايمن :منعرفش والله بنهبل امتى تزوجت وكيف قريب نختش
فيصل: فوتها باهي
ايمن: يمسح في دموعه منقدرش مكانها في قلبي
فيصل: واشراق
ايمن :خيرها ماخاصها شي
فيصل: اسمع تو ندور صاحبتها ونقلها نبي رقمها
ايمن :نوض به
فيصل: توا
ايمن: اي بالله عليك
طلعنا دورنا صاحبتها وبعد جهد لقيناها
ايمن: برالها واني قاعد هني
فيصل: تمام

فيصل :اهلين انسه سندس
سندش: اهلين بيك
فيصل: شن بنقولك نبي رقم ختام
سندس باستغراب: علاش
فيصل: البطاقه ملقيتهاش ونبي نقلها تجي اطلع وحده تانيه
سندس: تو نقللها
فيصل: لا والحق تغيب هلبه وهكي احتمال تنفصل اعطيني رقمها
سندس: تمام اكتب......092 592

ايمن: شن صار
فيصل: اهو الرقم وكيف بدير توا يا همي
ايمن: تو نتصرف لازم نطلعها من ورطتها لانها اكيد تزوجت بالغصب.... يتبع