**عشق زارني بعد حبك**

الحلقة الثامنه

لا احلل النشر
**عشق زارني بعد الحب**حلقه8
للكاتبه *سونيا ايلين*

نضت في الليل وخااطري نرن عليه ونقوله فرحانه بس قلت لا خلي الصبح وخلاص
نضت الصبح لبست ومشيت للجامعه مع اسامه
دخلت للمحاضره وبعدين طلعت مشيت قعمزت في نفس المكان وطلعت هاتفي بنتصل لقيته
**الرقم المطلوب مقفل**
جربت مره واتنين بس مفيش فااايده روحت وحاولت بس مقفللل

ايمن....نضت الصبح كلمت المدير ناخد اجازة رفض عصبت الهاتف مسكر رقمها مش حااافضه ملقيتش حل الا نكلم امي

امي :صباح الورد
ايمن: صباح النور كيفك
امي: الحمد لله
ايمن: امي موضوع امس كلميهم اليوم شوفي ردهم
امه: اللطف تو يقولو مستعجل
ايمن :كلميهم وخلاص
امه :تمام

ايمن :شن بيصبرني اسبوعين
صاحبه: خيرك
ايمن: عصبت مني امس
صاحبه: عاد كترت امس هلبه
ايمن :المشكله رقمامش حااافظه
صاحبه:توا تحمل وخلاص

ختام....العشية كنت خلاص مستااحشه ونبي نسمع صوته ومليون فكره في راسي قلت مرات صارتله حاجه

ازهار: تستاااهلي قتلك ردي عليه
ختام :متزيديش ع وضعي
امي: نضتي
ختام :شن في
امي: اتصلت المرا
ختام :بخوف متقوليش بطلت
امي :لا تبي تعرف ردك شن
ختام: قوليلها اي
امي: باهي شويه وتو تعاود
قعدت لاااصقه في امي لين
ترن ترن...
امي: خلي نرد
ختام :اصبري نفتح السبيكر
امي :مرحبتين
عمتي :وبيك وخيتي سكرت منك وولدي اتصل يبي يعرف الرد
امي :لا موافقه البنت خلاص ان شاء الله
عمتي: ررروري باهي مبروك عليهم مانا يروح بعدها بيوم فضانيه وبيان
ختام :تنقز
امي: ان شاء الله
عمتي: مانا سلام توا خلي انسكر لانه من بكري انتضار معنداش صبر بكل
امي: ربي يحفضه
سكرت امي وعنقتها وطررررت من الفرحه مشيت نتصل بيه لقيته مقفل استغربت قلت مانا من وين يكلم في امه
فاتو اسبوعين عليا زي الزفت..

بعد اسبوعين..
سندس: تعالي معانا
ختام :لا نمشي للدكتور ناخد شيت منه
سندس:تمام
مشيت من بحداهم ومشيت جهة الاداره حجرة الدكتور
ايمن :سلام توا
فيصل :هو هداكا
ايمن: اسبوعين مسمعتش صوتها
فيصل: ربي يهنيكم
ايمن :توا بندورها عاد
ختام ....كنت ماشيه وفجأة تلامحته هو
فيصل: مدورهاش هوني وراك
قبلت طول يالله احلى صدفه
ختام :كنت نقرب وقلبي قريب يطلع من صدري
فيصل: اهلين دكتوره
ختام: اهلا
ايمن مد يديه: كيف حالك
ختام :شاده دموعها بالسيييف الحمد لله
فيصل: تفضلو لي مكتبي تو انقعمز في المكتب المقابل
ايمن: صحيت
دخلت قدامه وهو وراي وسسكر الباب
شفته قعمزت ع الكرسي نبكييي
ايمن :خيرك
ختام😭
ايمن :بطلييي بكا خيرك
ختام :وينك اسبوعين مدورش
ايمن :اخر مره اني اتصل مرديتيش فشخت الهاتف ع الحيط
ختام :انت عصبتني
ايمن :درتها بصاره وانتي هبله صدقتي
ختام :اي صدقت عاد تقولي شوفي نصيبك وتسكر
ايمن: جت ع راسي اسبوعين محروم منك
ختام :تمسح في دموعها
ايمن :خلاص اسسس
ختام :امتى روحت
ايمن: من المطار عدل عندك
ختام :مروحتش للحوش
ايمن :والله ماعفسته شوفي سرافتي كيف
كان شعره الاسود طاول وحلو ولحيته حتى هي
ايمن ^شن شين عاد
ختام :خلي نطلعو وكيف ينوقف شد يديا ع الكرسي يا ناس خلااااص
ختام :حول
ايمن :راضيني
ختام:انت راضيني
ايمن :بنراضيك اكيد بس انتي راضيني
ختام: حول تو يدخل حد
ايمن قرب منها: مايدخل حد صاحبي وفاهم الجو
ختام :باهي شنو يعني
ايمن: مستاحش وحني شبه مخطوبين وزاااد قرب
ختام: وخر بعد الخطوبه ساهل
ايمن :نعرف بعد الحطوبه كوووله مباح عندي نبي توا😎
ختام فهمت قصده :اسمع انت النفط لعب في راسك وبتطلع شدها من يديها وضمها
ايمن....معرفتش كيف درت هكي بس كان لازم اندير لان مستاحش موت

ختام :هاااي وين هاد وضرباته ع صدره وطلعت جريييي
ايمن وخر شعره بيديه: مهبوله وهبلتني
ختام....طلعت البرا وكنت نقطر عرق اول مره نكون مع راجل بروحنا
حسين:هاي ياحلوه
ختام ...
حسين يمشي جنبها :غير اعطيني وجه ياحب
ختام :حول لو سمحت
حسن :تي مغناطيس انتي وبنلصق
ختام.:تي حول
حسن :استغل ان الساحه فاضيه تي خير امك هاتي بوسه وبري وشدها من يديها
ختام :حول براا
حسين :فكيني من جو متربيه
ايمن :تي حول يا...
ختام :ايمن دير بالك
ايمن: بري للسياره وعطاها المفتاح
حسين: تي شن خصك يا ولد...
ايمن: تو نوريك شن خصني طاااف طاااف طاااف
مشيت جري لي البركيدجو من الخوف معرفتش سيارته درت الالآرم ضوتت وركبت
حسين: انت خيرك واجع راسك
ايمن :سكر فمك.ومعاش تجي شورها فاهم هدي تخصني
وكمل ضربه
طبعا تجمع الامن وحزها
فيصل: خيرك شن في
ايمن: الواطي كان شادلها يديها
فيصل: هدا وسخ متاع حبوب ومشاكل مش مزبوط بكل
ايمن :يبعد علينا ويتمشكل
فيصل :حصل خير
ايمن :خلي نشوفها
فيصل: سلام

ايمن...مشيت نجري للسياره لقيتها فصتها ركبت
ختام :شن صار
ايمن :بسيطه خلاص
ختام :حي وجهك.مضروب
ايمن يمسح في وجهه :عادي حصل خير
ختام.:كله مني صح
ايمن :كله من لبسك
ختام.:خيره
ايمن: من اليوم البسي عبايات خلاص
ختام:.ع خاطر وسخ زيه نغير حياتي مستحيل
ايمن: والله لما شفته قريب هبلت
ختام:.تغار
ايمن: شد يديها وباسها نموووت مش نغار
ايمن ...تمنيتها حلالي ومعاي تروح
ختام.:حسيت برجولته وهدا الاحساس يقتلني
ترن ترن..
ختام: اسامه وصل
ايمن :بري طالع وراك بالسياره
ختام: سلام.
ايمن: انحبك....يتبع