لا احلل النشر
**عشق زارني بعد حبك**حلقه 18
للكاتبة *سونيا ايلين*
ختام :حول شن تبي فياا
حسين: شن نبي فيك تو نقولك
ختام :حول ابعد
كان اقوى مني اقوى بهلبه عامل الخوف الصدمه خلوني نضعف قاومت بيديا بس كان اقوى مني
حسين: اقعدي عالقله تكملي بسرعه وتروحي
ختام: حول حرررام عليك بالله ابعد
حسين: اني تنفخي عليا ااا من تحسابي روحك اا
ختام :حوووول بالله حول حرام عليك راني بنت نااااس
حسين لف يديا ورا ظهري بنت ناس وحلوة هلبه وماحسيت بشي الا وحاجه غمت ع نفسي ورقدت
بعد ساعه ونص...
فتحت عيوني...فتحتهم وياريتني مافتحتهم كنت مكسره مكسره بجد قمت راسي بس رجع ع المخده حطيت يدي ع صدري مسيت ...لقيت روحي بلا حوايج
رغم عني رفعت راسي انصدمت وحطيت يديا ع فمي وقلبي كااان بيطلع من صدري
ختام ياويلي شن صاااارلي اني وين ياربي ياربي ياربي
كنت ننزف وموجوعه موت حاولت نوقف من الفراش مقدرتش كريت روحي بالسيف باش لبست من فوق يارب يطلع حلم قعدت نضرب في وجهي بس كان واقع تفجرت من البكاااء
حسين ....كملت منها وشبعت زي مانبي لوحت حوايجها بجنبها وحطيتلها.....وخديت المشروب وطلعت من بحداها
خديت حوايجي وكنت ننزف بشكل لقيته حاط....بجنب الحوايج خديته واستعملته غصب عني
حسين... حسيت بيها ناضت لان سمعت صوت بكاها ههه زدت عبيت كاس وشربته ومشيتلها
ختام :يا واطي ياكلب
حسين يشرب: قتلك خليهاا بجوي تجيك احلى
ختام: وااااطي
حسين: تبي تروحي والا انزيدو مازال وقت
انفجرت من البكاء خلاااص
حسين: نوضي لمي قشيشك وقولي لي خطيبك معاش يطول ايديه هههه هدا كان قعد خطيبك
نوووضي
في الطريق كنت ساكته مقدرتش لا نبكي لا شي الوجع خلاني ع السايلنت
حسين: انزلي يا مدام وسلمي ع خطيبك
نزلت كانت الساعة ١١مشيت جرييي للحمام
دخلت وسكرته وقعدت نبكي نبكي نبكيييي من الصدمه من الكارته يلي صارتلي حاولت نكدب الموقف قلت بالك ماصار شي
طلعت من الحمام ومشيت قعمزت في مكان شبه خالي قعدت نبكي كل شي ادمر حياتي انوثتي.. سمعتي حتى ايمن خسرته طلعت الهاتف من الشنطه لقيته متصل ٧ مرات مقدرتش انرد لان بنضعف ونقوله كلمت اسامه وجا روح بيا
اسامه: خيرك صفرا
ختام: مريضه شويه
اسامه: نفوت نعاينك
ختام: لا تو ناكل نولي خير
**
هناك مواقف قاتله تتمنى الصراخ فيها لسنه لكن الضروف تحتم عليك قتل صرختك داخل صدرك والاكتفاء بالصمت**
امي: تتغدي
ختام: لا منبيش
اسامه: مش تعبانه كولي
ختام: لا تو نبي اندوش
دخلت للدار وكنت زي المجنونه نطلع في حوايجي خديتهم ومشيت للدوش جرييي
فتحت الشيشمه ونزلت ع ركابي وخديت المنشف باش كتمت صوتي وبديت نعيط بقوه حسي عيطت عيطت بس مافي شي قدر يصلح يلي صار مافي شي رجعلي شرفي قعدت اندوش ونمسح في جسمي ونرجع اندوش وكأن مكنتش نبي نطلع من الدوش
ازهار :هيا ختام اطلعي
ختام تمسح في دموعها: في حمام تاني
ازهار :اسامه يبي يدخل
ختام: باهي
سكرت الشيشمه وسكرت عيوني ياويلي كيف بندير لمن بنحكيييي خديت المنشف ولفيته ع جسمي وشفت للمرايه
ختام: ااااا وحطت يدي: ع فمي هدا شنو ياربي ووك كيف بندير وين بنمش بروحي وقتها صدقت يلي صارلي وقتها تأكدت انه اغتصبني
كانت رقبتي وصدري زرق من العنف
اسامه يخبط في الباب هيااا اطلعي
ختام به ياربي كيف بندير رقبتي ووواضحه يارب استرني يااارب لبست حوايجي ولفيت المنشف ع راسي
اسامه: سنه
ختام: طلعت ها
مشيت للدار وكنت بالسيف نمشي طلعت وشاح ولفيته ع راسي واتكيت ودموعي ينزلو
يارب اكيد نحلم يارب مستقبلي ضاااع حياتي ضاعت كل شي تبخر كنت نمسح في دموعي كيف بنقول لاهلي كيف بنتزوج مش حنقدر نقول لي ايمن ان في حد مسني قبله يارب وقتها معاش عرفت كيف نتصرف قلت نمشي لي سندس بالك تساعدني مسحت دموعي ونضت لبست
امي: وين ماشيه
ختام :نمشي لي سندس مشوار
ازهار: استني نمشي معاك
ختام :لا تبيني في موضوع
امي: خيرك مش عاجبني شكلك
ختام: لا غير ال.....متعبتني
امي: اقعدي مانا وتجي هيا تو نكلم امها تجي معاها
ختام: لا تو نمشي اصلا عازمتني للعشاء
طلعت من الحوش وقفت قدام الباب ودموعي خلاص وقتها عرفت شعور البنات يلي يتعرضو فعلا للاغتصاب اول فكره تجي في بالهم الهروب
قعدت نمشي في الطريق ونفكر في اهلي وقرايتي وايمن يلي مابطلش اتصال سكرت الهاتف وكملت الطريق
الياس: بتقعدي تتعشي
ناديه :اي
الياس: تمام ناخد من برا ماتعبيش روحك
ناديه: ريحتني
خديت ساعتي وخاتمي وقفت قدام المرايا ساويت رقبة السوريه ولبست النظاره وطلعت
كنت ماشيه ونحس جسمي بارد كأن روحي بتطلع صقعاااانه مووووت شفت سياره قربت مني خفت انه هو محسيتش بروحي الا واني ...
ركبت السياره وولعت كيف طلعت من فتحتنا قابلتني الكتكوته تلقائيا ابتسمت وقلبي دق علاااش مش عارف
علاش خطر على بالي نسلم فجأة طاحت....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
