**عشق زارني بعد حبك**

الحلقة الثلاثون

لا احلل النشر
**عشق زارني بعد حبك**حلقه 30
للكاتبه*سونيا ايلين*

حطيت راسي ع المخدة حاولت نرقد رغم نعاسي بس حسرتي وجعتني نزلو دموعي تفكرت كيف كنت نتكلم اني وايمن ع العرس كيف بنديرو وان رح نسهرو للصبح ...الياس كان عندي مشاعر حلوة ليه نوع من الحب بس جفاه قتلني... يمكن مش جفا اني مش مستنيه منه يعاملني كزوجه بارك الله فيه انه استرني قعدت نفكر ونفكر ليييين غفيت

الله اكبر ...الله اكبر
سمعت صوت الادان نضت خديت كنتيرتي ومشيت نتوضى
ختام: ياربي بنطربق خلااص نبي الحمام كلاويا بيووووقفو معاش فيها طلعت كيف بنفتح الباب فتح الياس
ختام :معليشي
الياس مستغرب: لا عادي خيرك لابسه الفيلو لتوا
ختام بهزوه :نخلص حقه😒 ترى شويه
دخلت للحمام وفكرت ان بنتوضى كيف بنتوضى بي فيلو يارب بنهبل طلعت من الحمام بعد ربع ساعه من التفكير قلت معاش فيها
الياس...كنت مقعمز نسبح في الصاله لين نسمع في حاجه تخروش وجايه😅
ختام :الياس نبي نصلي😟
الياس: اهي الصلايه والقبله جهة الحيط
ختام: ماهو متوضيتش
الياس :مفيش ميه في الحمام
ختام :في بس منقدرش بالفيلو
الياس: شن تبي
ختام افتحلي السوريته
الياس :باهي تعالي
ختام كان قلبي يدق يعني صح بينا اتفاق بس منعرفش لاش قلبي يدق
مشيت عنده ولفيت للخلف وكيف حط يديه ع السوستا
ختام بخلعه: ااا شناطيا وين قبل
الياس :في الدار التانيه
ختام :بهي نبي ناخد منها حوايج
الياس :تعالي
مشينا للدار وفتحت شنطتي وهو واقف ع راسي
ختام :ياربي وينه القفطان
الياس :قريب يطربق من الضحك
ختام :اها لقيته
الياس :ههههه
ختام :باستغراب خيرك
الياس :شي
ختام :شن ضحكك
الياس: اني مش متزوج قبل بس في وحده يوم عرسها تلبس قفطان ولا برتقالي😅
لحظتها سخنت مع بعضي قلت شن قصده يعني يبيني نلبس روب والا شنو
الياس: هيا لفي خلي نفتح
لفيت وفتحلي السوستا وصوابعه مرو ع ظهري حسيت ان جسمي رعش
الياس اول مره نكون مع بنت بروحي واول مرة نقرب من بنت هكي واول مره نمرر صوابعي ع جسم بنت....واول مره نحس بقلبي هكي
ختام:شحرا
الياس: عفوا
خديت القفطان ومشيت للدوش دوشت ولبست في الحمام وطلعت للصاله بنصلي
الياس :صحه 😌
ختام :تسلم ..وفي خاطرها سبح حتى في الدار😒
صليت وكيف بنسبح
ترن ترن...
الياس :الو اسامه
اسامه: اهلين كيفك
الياس: الحمد لله
اسامه :حبيت نطمن عليكم بس
الياس يحك في راسه: يسلمك الامور تمام
اسامه :باهي مانا تصبحو ع خير
الياس: تسلم
ختام بخوف: شن في صايره حاجه
الياس :بعصبيه لا يسألو ع شن صار معانا ماهو متزوجين عاااد وبيطمنو وناض وخلاني مشى لداره وسكر الباب بالقوه
سمعت تسكيرة الباب غمضت عيوني ودموعي نزلو ع كل حد... ع اهلي يلي يحسابوني عروس وع راجلي يلي مش راجلي حسيت اني ظلمته معاي وع حالي
كملت صلاتي ودخلت للدار بكيت لييين رقدت

نضت الصبح مشيت للمطبخ وتيت الفطور ورجعت للدار معنديش نيه في شي بكل مشيت غيرت حوايجي وقعدت مكسده
الياس.... نضت مع ١٢ عاد.كيف عريس وساهر مع مرتي😎 مشيت للمطبخ لقيت سفره واتيه ومش ممسوسه قلت خلي نقلها تفطر
طق.طق
ختام :لحظه
الياس: صباح الخير
ختام :صاح النور
الياس: تعالي افطري
ختام :صحتين فطرت بكري
الياس :تمام
مشيت للمطبخ وكنت نعرف انها تكدب لان عيونها منفخات خديت درت قهوه ومعنديش نيه في شيء

ختام ...سمعته يحوس في المطبخ كنت نبي نمشيله بس تحشمت قعدت مقعمزه ليين جاء
ختام: تبي نديرلك حاجه
الياس يفركس في الدولاب: زي شنو
ختام :اي شي
الياس :اي خودي هدي اكويها خلي نمشي للجامع
ختام في خاطرها :نكره الكوي
الياس: الووو
ختام :هاتها
الياس :كنت شادها في يديا وجت وخدتها شفت حنتها صااابغه طبعا اني راجل ننهار مع الحنه
ختام :في حاجه
الياس: لا سلامتك
مشيت نكوي فيها وهو دخل يدوش
ترن ترن
ختام :الو
ايمان :غير خيرك تلهتي بس من يجري وراك
ختام عينك ياصايعه كنت في الصاله وجيت للدار
ايمان :نقولو مبروك
ختام :اكيد ☹☹وسمعت صوت زغاريد
ايمان :شن حلو الزواج
ختام: اي اكيد حلو☹
قعدت نهدرز عليها مشوار لين طلع الياس من الحمام
ختام: سلام ايمان
ايمان :سلام نتلاقو بعدين
ختام :سلمي ع الكل
ختام :صحه
الياس: يسلمك وين العربي جيبيه
ختام:😨😨😨😨😨😨😨
الياس :خيرك
ختام: لا شي تو نجيبه
مشيت للصاله وكانت الريحه قويه والمكوي حارقه السوريه والطاوله متاع الكوي 😰معاش عرفت شن اندير مشيت حطيتها في داره ورجعت للدار
الياس: وين العربي
ختام :قعمزت ع السرير في الدار التانيه
الياس: صحيتي تعبتك
ختام: لا عادي ...في خاطري هو اني شن درت حطيت المكوى وكوا بروحه
الياس:في ريحه في الحوش صح
ختام :بخوف ااا هدا بخور شكله
الياس :معاش اديريه تقولي حريق
طلع هو من هني واني قلت اكيد...
الياس: ختااااام
ختام:😓الياس هدا شنو كان شادها ووجهه قريب يطربق
ختام: لقيتها في الباكو هكي😓 شكلها محروقه من الاول
الياس:😠 تتسهوكي والطاوله ااا... بخور صار
ختام :مش مني المكوى سخون😒
الياس: سخوون ..اكيد بيسخن ويحرق الدنيا كان بتهدرزي ساعه وتنسيه
ختام :به خلاص كله عربي
الياس :صبرني يااارب
فتح الدولاب وخدا عربي تاني لبسه وطلع....يتبع