**عشق زارني بعد حبك**

الحلقة الخامسة

لا احلل النشر لا دنيا ولا اخرة
**عشق زارني بعد الحب**حلقة5
للكاتبه*سونيا ايلين*

روحت للحوش غيرت ورقدت مع العصر نضت صليت وقعدت مكسده عاد شيتات عند الراجل😊

ايمن ....منضتش من عليهم لييين كملت

نضت الصبح طلعت لبسه حلوه مش عارفه علاش اهتميت بنفسي وحاجه في داخلي متغيره
اسامه: تو نجيك وللمحاضره طوول فاهمه
ختام: تمام
دخلت للكليه وطول للقاعه

ايمن ..نضت الصبح لبست وتأنقت ومشيت لما وصلت مكلمتش فيصل دخلت وقعمزت في نفس مكانها

سندس: نمشو نهدرزو ع البنات شويه
ختام: لا بنمشي للحمام اسبقيني وتو نجي
فاتت سندس واني جري معرفتش قلب علاش رفعني لنفس المكان يلي شفته فيه

ايمن ...كنت مطبس راسي محسيتش بها قمت راسي وكانت جايه عندي ياالله تجنن

ختام :اهلا
ايمن: اهلين
ختام: من بكري هني
ايمن مبتسم: اي
ختام: تعبتك سوري
ايمن: تعبك راحه...هادم شيتاتك
ختام :اا ترجمتهم حق صحيت
ايمن: نعزمك ع كافي
ختام: علاش
ايمن: الحق من اول ماشفتك عجبتبني الحق وبعد ماتعرفت عليك زاد اعجابي
ختام ....
ايمن: عادي تكون بينا علاقه
ختام :كيف يعني علاقة شنو
ايمن :يعني...نكون ..حبيب
ختام :سلام عندي محاضره

مشيت من بحداه واني بنطييير من الفرحه تبو الحق عجبني حسيته جنتل وطرف

قعد كل يوم يجيني يتسبل بأي شي باش يوقف معاي لييين وليت نكون في انتظاره

ايمن ...منعرفش البنت قلبتلي عقلي في ايام حلوه وصغيره واسلوب جداب من الاخير فرصه لا تعوض
قعدت نمشي كل يوم باش نشوفها

بعد ٢٩ يوم...
ايمن: ماشاء الله عليك
ختام :حتى انت تسلم
ايمن :تعودت عليك هلبه
ختام: حتى اني اول مره نهدرز مع شاب
ايمن :وان شاء الله اخر واحد
ختام😶
ايمن: اهلك عادي يعطوك وانتي تقري
ختام: منعرفش علاش
ايمن: لان نبي نرفعك منهم
ختام:😶😶 بجد
ايمن: والله خايف نمشي للحقول ونروح نلقاك طرتي
ختام: ههه لا عاد مش بالسرعه هدي
ايمن :بجد والله تعلقت بيك وهلبه حتى اهلي ملاحظين ان متغير امي قتلي في وحده لاعبه بعقلك
ختام :لا اني ملعبتش بعقلك
ايمن قعمز :انتي لعبتي بقلبي ختام اني انحبك
ختام ...كانت اول مره حد يقوهالي سخنت مع بعضي لان حتى اني...شكلي نحبه
ايمن :شنو سكتي
ختام: شن بنقول
ايمن :قولي كلمه تبرد القلب
ختام: غدوه نبي نشوفك لان بنستاحشك
ايمن: وقف وقعد يمسح ع راسه واني بنهبل باش نشوفك
ختام: سلام باهي
ايمن: خوخه غدوه البسي البسه يلي شفتك بيها اول مره
ختام: نسيتها
ايمن :حاق باهي خلاص
سكرت منه وقعدت انقز زي الهبله
ازهار :خيرك
ختام: جيبيلي ميه الطرف يحبنيي
ازهار: حاااق مهبوله
ختام: الله

رقدت ونضت الصبح باش نمشي ...طلعت لبستي يلي شفته بيها اول مرة عمري ماننساها
اسامه :هيا عطلت
حطيت وشاحي ولبست شوزي وطلعت

ايمن: متبي شي يام
امه: وين طالع اقعد معاي اليوم بتمشي للحقول
ايمن: طالع لي فيصل
امه: ههه فيصل كل يوم صار
ايمن :هه اي
امه :باهي افطر فيصل مش هارب
ايمن: نفطر معاه

طلعت من الحوش وطووول للجامعه
ختام ...كنت بندخل للمحاضره بس قلبي مخلانيش مشيت وقعمزت وين ديمه نتلاقو حبيت نقعد معاه اكتر وقت والحق قلبي واجعني لان معاش بنشوفه شهر واني....تعودت عليه

ايمن... دخلت للجامعه وطول لي مكانا لقيتها مقعمزه تستنى فيا قربت منها ياالله قداش هدوء
ايمن: صار نسيتي اللبسه
ختام :هدي قصدك لبستها صدفه
ايمن: من حظي
ختام...😟
ايمن :خيرك
ختام :لازم تمشي
ايمن :اكيد هدا عملي
ختام😟
ايمن :علاش اضايقتي
ختام: لا غير هكي
ايمن :يعني مش حتستاحشيني
ختام :مرات
ايمن: علاش بتستاحشيني
ختام :منعرفش
ايمن: يعني تحبيني
ختام :انوض ونخليك
ايمن: انحبك ونموووت فيك تعودت عليك سحرتيني بنمشي وقلبي تعلق فيك
ختام: تمشي وتجي ع خير
ايمن: بهي متبيش تقولي شي
ختام: دير بالك ع روحك كويييس
ايمن :كلمه ترد الررروح
ختام :ااخ منك وين البيرو
(ايا حبا سكنت قلبي فأشعلت نارا بصدري....اريدك ان تكون معي ان تكون نصيبي وقدري)
ايمن :الله اكبر صار القلب والع
ختام :ضرباته بالبيرو ع يديه برا روح
ايمن :رفع حواجبه بمعنى لا
ختام :اسكت مانا
ايمن: اسمعي اني معنديش عليه وجيج البنات
ختام :اني وجيج
ايمن: قصدي نمشي ونجي للكليه تخرجت معاش نحبها
ختام :ااا مانا كيف بنشوفو بعض
ايمن: نروح من الحقول نجيب اهلي وبدل منشوفك في الجامعه زي المراهق تبدي في حوشي ومعاي
ختام ....عمري ما تخيلت ان نحب وننخطب طووول قصدي حسيته يبصر😅
ايمن :هاااي وين سرحتى
ختام :معاك
ايمن :شن رايك
ختام :تمام
قعدنا مشوار بعدين خلاص بيروح
ايمن؛ متبي شي
ختام :خلاص
ايمن :شن بندير امي تبي نقعد معاها قبل ما نمشي
ختام: تمام
ايمن: نسلم عليك
ختام :حاضر
ايمن ....ضميت يديها لي يديا كانت ناعمه تمنيت مانطلقهاااش انحبها وهلبه
ايمن؛ ديري بالك ع روحك ومن الحوش للقاعه طووول
ختام: تمام
ايمن :انحبك
ختام :متعطلش
ايمن:30 يوم متفكريش فيهم متبي تقولي شي
ختام: انحبك
طلع للكليه واني قعدت نبكي وبعدين دخلت لاخر محاضره وطلعت نستنى في اسامه

اسامة :وااك منها بتجلطني كان مش قهره نولع فيها الخربه
ترن ترن
اسامه :اهلين باشا
الياس: هلا بيك
اسامه :الخربه وقفت ونبي نروح بي ختام
الياس: تمام

ختام: قعدت نستنى فيه وعطل كيف بنتصل بيه يرن الهاتف
ختام :وينك عطلت
اسامه :اطلعي سياره بيضاء عاليه
ختام :شريتها اليوم😂
اسامه اطلعب بلا باسله😒
ختام :تمام

الياس: كنت مروح من العمل تعبان ومش مركز صاحبي ومنقدرش انرده ...كنت نلعب بالهاتف لين قالي اسامه ولع السياره اهي جت قمت راسي و........يتبع