**عشق زارني بعد حبك**

الحلقة الحلقة الخامسة والعشرون

لا احلل النشر
**عشق زارني بعد حبك **حلقة 25
للكلتبه *سونيا ايلين*

عمتي مريم: تبارك الرحمان زينها يهبل
خالته فضه :والله صبرت ونلت
الياس: مبتسم
ناديه :توا امتى بتلبسها
الياس :باستغراب لاملبسها لاشي
عمتي: علاش وليدي مانا كيف
الياس وقف: تو ناخد دبله وتمشي تاديه تلبسهالها وتم
ناديه قصدك مافيش بيان
الياس: تعرفوني منحبش الجو هادا

طلعت من بحداهم وركبت فوق دوشت وقعدت نفكر فااااش اندير كيف ورطت روحي.. ماهو كنت مرتاح وعايش زي مانبي ختام صح حلوه وتجنن بس مافيش راجل يرضى ياخد فضلت غيره وبالدليل خطيبها قعدت نفكر وتبتت قراري انه مجرد ستر ع اخت صاحبي لان كان مدرتش هكي هي مستحيل تحكي لخوها ويا اما تتزوج وتنفضح يا اما تنتحر وكله صعب

ختام ...مليت من العيشه معاش نحب نقرا بكل ولا ناكل ولا نحب انشوف حد معاش نبي حد كنت نبكي كل ماتكون فاتحه عيوني
خديت هاتفي وشفت رقم ايمن عيوني تعبو دمووووع يلي انحبه وعطيته قلبي لوحني في اول مشكله ماحاولش يوقف معاي ماحولش يسترني رغم زعلي منه انرن عليه لاني مشتاقه لاني انحبه كنت متأكده انه رقمه مقفل بس انرن كنت حاطه يدي ع فمي ونرن ونسمع الرقم المطلوب مقفل نرن ونعاود ونقول بالك نكدب وصلت لليأس لرغبه الموت كان كله مخلط وضعفي قوى شيطاني

الياس.. طلعت سهرت مع صحابي وكان كل تفكيري فيها وكيف بكت كنت كل مانتفكرها قلبي يضايق لان قسيت عليها قلت خلي انرن ونكلمها

ختام... مبطلتش رن بكل كنت في حاله هستيريه مصيبتي كبيره بس خسارتي لاحمد مش اقل منها وفجأة...
ترن ترن..
ختام :الو
الياس: بعصبيه خيرا ام الهاتف مشغول
ختام تمسح في دموعها: نكلم في صاحبتي
الياس: توا صااااحبتك الساعة 1
ختام :مصدومه اي شن فيها
الياس: اسمعي يابنت الناس اني ورطت روحي معاك ويا تحترمي نفسك وتحمدي ربك وتعقلي يا خلي نطلع من الموضوع وتحلي مصيبتك بروحك
ختام :كنت مدمره اي.. بس الياس كمل ع الباقي
الياس: الوووو لما نتكلم ردي تسمعي فيااا
ختام....
الياس: الوووو
طووووووط
الياس يا عن شكلك تسكري في وجهي تو نوريك

ختام ..سكرت عليه واني خلاص مقرره ان خلاص معاش نبي شي شفت للهاتف وكان يتصل ويعاود

الياس ..خديت مفاتيحي وطلعت طووول روحت وقعدت نتصل بس الابله متردش واني موتي وجنوني من حد يحقرني كتبتلها رساله وبعتتها

&*يابنت الناس الناس حاولت نسترك وانتي ناويه الفضيحه مدام انتي هكي بري نضفي عارك بيديك**

مشيت للمطبخ وخديت كل دواء فيه طلعته ومشيت للحمام وشربته كنت مش في عقلي طلعت ومشيت للدار وبديت نحس في وجع بس وجع قلبي اكبر
اتكيت ع السرير وشفت الهاتف ضوا وكأنه رساله خديته وكنت في داخلي نقول اكيد ايمن كيف بنفتحها تسكر الهاتف وتسكرو عيوني

الفجر ...
امي: ختام هيا نوضي الفجر ختام ختام يااسامه تعالى شوووف اختك
اسامه: بخوف خيييرها
ازهار: تبكي ياربي ياربي
اسامه رافعها :للمستشفى
طلع بيا اسامه للمستشفى وقالوله شاربه دواء عرف اني منتحره ووضعي صعب ومقبلونيش في المستشفى
اسامه....كانت حضيع مني وحسيت اني السبب مرحمتهاش فسخت من هني وغصبتها تتزوج من هني اختي الصغيرة طلع قلبها ضعيييف وايمانها اضعف..

حجزتلها اسعاف واتصلت بي علي باش يجيب جوازها بس تقولي ميت زيه زي وفاء ماكانش قدامي الا الياس

الياس... ماجانيش النوم عصبت منها وندمت ان بعتت الرساله كتبتها واني معصب وفشيت غلي بس بعدها قلت مرات تهدرز مع صاحبتها تمنيت لو نقدر نمسحها لانها جارحه واني لما نعصب معاش نركز قعدت هكي لييين ...
ترن ترن
الياس باستغراب: اسامه ان شاء الله خير
اسامه :الياس ختام تعبت عاينتها قالو زايده نبي نرفعها لي تونس حجزت اسعاف نبيك تجيبلي الجوازات بالله
الياس بخلعه: تمام هيا شويه ونكون عندك
قعدت نمسح ع راسي مش عارف كيف بندير لبست وخديت جوازي وحاجاتي وطلعت لحوشهم
اسامه: الو
امي منهاره :شن صار
اسامه :وتي الجوازات طالع لي تونس
امي :ووووك بنتي ووووك
اسامه :مافي شي المهم جاي الياس اعطيه الجوازات وحاجات لي بنتك وماتقوليش واخده داوء قتله زايده
امي: وووك بنيتي انتحرت
اسامه: راك تقولي لي حد والله ننفضخو

ركبت امي حطت حوايج والجوازات في صاكو لين جا الياس اعطتهمله

الياس: كنت طاير في الطريق وصلت خديت الحاجات وطول للمستشفى
الياس: شن في شن صار
اسامه بتوتر: زايده كان منلحقوهاش تتفجر
اسامه: اهي طلعت
الياس تمام هيا
اسامه بتمشي
الياس اكيد
اسامه بارك الله فيك ياصاحبي
ركبوني الاسعاف وهما وراي

بعد ٣ ساعات وصلنا لمصحه في تونس دخلوني ودارولي تنضيف وضعي كان صعب بس انعيش

اسامه. مقدرتش انقوله منتحره صعبه هو صاحبي وخوي بس هادي اختي مانقدرش انطلعها مريضه نفسيا

طلع الدكتور وقال ان وضعي تمام وبيحطوني في غرفه بروحي وطبعا الياس فهم ان مش زايده بس معرفش شن القصه
اسامه: وين
الياس: ماشي للحمام
الياس ..عرفت ان لا زايده لا شي بس اسامه مقالش للسبب قلت نسأل الدكتور وخلاص سألته قالي واخده حبوب ومحاولة انتحار
هني انصدمت ووجعني قلبي وأنبني ضميري لاني السبب لما بعتت الرساله قلت اكيييد قرتها

مشيت للحجره لقيت اسامه مش في الممر عرفت ان دخللها

ختام: كنت متمنيه نموت نرتاح ونريح
اسامه: علاش شن في
ختام: شي قتلك منبيش نتزوج
اسامه: هدا كله ع خاطر الواطي
ختام: تمسح في دموعها لا بس مانبيش
اسامه: الياس راجل كويس ويقدرك اني لامتى بنقعد شاغل روحي بيكم حتى اني بنتزوج
ختام ...
اسامه: والله خوفتيني معاش تعاوديها

قعد يهدرز عليا مشوار وبعدين طبع
الياس: كيف حالها
اسامه: الحمد لله اسمع خليك هني خلي نشوف الاستعلامات وانسأل الدكتور امتى تطلع
الياس :تمام ندخل نتحمدلها السلامه
اسامه: تمام

ختام.. طلع اسامه وقعدت نبكي قلي مشغول علينا ويبي يتزوج كان نقوله ع مصيبتي احتمال معاش يتزوج لاني بنولي هم ع قلبه

طق طق
ختام: تفضل
الياس: السلام عليكم
ختام:😨😨😨😨....يتبع