**عشق زارني بعد حبك**

الحلقة الثالثة الثلاثون

لا احلل النشر
**عشق زارني بعد حبك**حلقة33
للكاتبه*سونيا ايلين*

**اصعب الاشياء ان نخفي امور في قلوبنا والاخر له نفس الشعور **
الياس :باهي بري البسي خلي نديرو دوره زي العرسان
ختام: به
مشيت للدار وسكرتها وبكيييت وجعني كيف طيب لايكفي انه ساعدني وسترني وفوقها مايبيش يحسسني اني غريبه ووجعني قلبي نحساب عنده حاجه ليا في قلبه بس شكلي نتوهم وقتها قررت ان....

الياس... كنت ناوي ان نحاولو مع بعض هي صح مغتصبه بس شي صار فوق رغبتها يعني مش حنعاقبها عليه بس الباين ان معندهاش شي جيهتي وقتها قررت ان...

فتحت دولابي وكان مافيشي شي يتلبس بكل يعني كسوتي كنت حوله وشريت حاجات اطفش مشيت خديت عبايه ووشاح لبستهم وخلاص

الياس ..دخلت لداري طلعت سروال بيج وتيشيرت عنابي وخديت خاتمي وساعتي وطلعت
الياس: ختام واتيه
ختام :اي😨
الياس: هيا
طلعت وراه وفي خاطري نقول شن لاااابسه بس نبان زي امه ندمت ع الساعه يلي مشريتش فيها حاجات حلوه☹
طلعنا ومشينا لمطعم تغدينا غادي وبعدين مشينا للبحر درنا دوره وقعمزنا
الياس: تعرفي تعومي
ختام: yes
الباس: تدخلي
ختام :لا عبايتي تفسد
الياس: بالله عليك من شاريلك حوايجك😂😂
ختام بنطه: خيرهم مش حلوات
الياس: مش عارف

قعد هكي مشوار وحكالي ع روحه يعني كاصدقاء بدينا نتعرفو كان يتكلم واني نشوفله ملامح وجهه حلوه واحلى حاجه شفايفه لما يتكلم ويبتسم في نفس الوقت حلواااات
ختام: يعني عمرك ما حبيت
الياس: لا حبيت اكيد
ختام البسمه اختفت :به شن صار
الياس: فاش
ختام: في يلي حبيتها
الياس: اما وحده هما هلبه😎
ختام:😨نحسابك عمرك ماحبيت
الياس شافلها :علاش حتى القرد يحب واني غزال
ختام: ههه من قالك
الياس: امي
ختام: ههه كل قرد في عين امه غزال وكيف بتنوض شدلها يديها
ختام: خيرك اي
الياس: يعني مش عاجبك
ختام: لا
الياس طلقها ونفض يديه :حتى انت صح حلوة بس مش من نوعي المفضل
كان الكلام بصفتنا اصدقاء مقبول بس واحد ناوي ع نيه اكيد الكلام يغيظ
كملنا الهدرزه وكانت اغلبها استفزاز ليا يعني طلع روميو واني مش عارفه
تعشينا البرا وروحنا
ختام :عمتي خيرها متبيش تروح
الياس: كلمتها امس قالت لا ع اساس شهر عسل وجو بينا وشافلها😎
ختام ..منعرفش في لحظات يوازي في كلمات لما يقولها يشوفلي في عيني تكون ليها معنى واضح بس كل منفكر فيها نتفكر ان بينا اتفاق

غيرت ورقدت وكان تفكيري فيه مولي هلبه غميت راسي ورقدت
قعدنا هاديكا الفتره هكي اشباه زوجين وخلاص مرات ننسى الموضوع ومرات نقول ياريتني زوجه بجد الياس كل المواصفات الحلوه فيه والف بنت تتمناه اما اني.... حتى راجلي مفكرش يقربني☹

بعد اسبوعين..
طق طق
الياس: ادخلي
ختام :صباح الخير
الياس: صباح النور شنو وهو يلعب بهاتفه
ختام: اليوم بندخل ع اهلي
الياس: شن هو مفهمتش
ختام: اليوم بنمشي لاهلي نزورهم
الياس :مازال بكري قلهم هما يجوك
ختام: ميجيش هكي السبر
الياس: اليوم مش فاضي
ختام: قتلك عمتي بنمشو اليوم واني بنمشي نلبس باش ترفعني للمزين وطلعت
مشيت لبست عبايتي ومشيت لعمتي قلتلها ان بنطلع باش ناخد هدايا لاهلي ونفوت للمزين
ختام: هيا تمشي معانا تغيري جو
عمت:ي لا يابنتي برو فرهدو برواحكم
ختام :باهي متوصي ع شي
عمتي: اي نوصيك ع وليدي ديري بالك منه صح كتوم وعصبي بس والله طيب
ختام ببسمه: ان شاء الله
الياس: بالله قوليلها اطيب لان لتوا مدقتش تاطييها😎
ختام :اااا مش قتلي مطيبيش قاعده عروس😒
الياس: وانتي صدقتي
عمتي: ههه ربي يهنيكم
الياس :متبي شي
عمتي: خود الحاجه الباهيه لاهلها
الياس: اكيد وطلعنا
الياس: ها وين تبي تمشي
ختام :منعرفش بس كلهم مسكرات
الياس :اكيد حتى حني طالعين في القايله 😒
ختام: هااا
لقينا كدا محل مفتوح خديت هدايا لخواتي واسامه قال هو بياخدله
ختام: مزال امي
الياس: باهي تو نمشو لشارع الذهب تاخدي من غادي
ختام: لا مش لازم دهب حتى قفطان
الياس: هكي الاصول
مشينا لمحلات الدهب وطبعا زي اي بنت نحب اندور المحلات الكل ع اساس مش عاجبني شي وفي الاخير نحصل من اول محل
الياس: وواك منحبش الدوران سقديني
ختام: به ندخلو لهدا
دخلت للمحل وكان اخر محل ولازم ناخد منه تبو الحق المحلات كلها تهبل بس نحب اندووور😄
الياس: شن عجبك شي
ختام: اممم التعليقه هدي
الياس: شوفهالنا ياشيخ
الشاب: هدي بي....
ختام :فوتها غاليه
الياس: تمام لفهالنا
ختام :علاش غاليه والله
الياس شافلها :عادي ام اسامه حبيبي مايغلى عليه شي😎
لما قال حبيبي سخنت وكأنه قالهالي
الشاب: تفضل
الياس: تسلم
الياس :شوفي حاجه ليك توا
ختام: لا مش لازم يلي جبته في العرس كافي
الياس: هادي هديه عيب ماتمشيش لاهلك بلا هديه
ختام: تسلم قعدت اندور في حاجه سنبل وفجأة سمعت
ايمن: اهلين
عبد الحكيم: اوووو نورتنا حمد لله ع سلامتك
ايمن: تسلم
كان صوت حبيبي كان صوت الراجل يلي اخترته من بين الكل... كان صوت من بكا عليا وبكاني.. كان صوت من هرب وخلاني... كان صوت *ايمن*
عبد الحكيم :توا وصلت
ايمن: لا الصبح مشيت للحوش وقلت خلي نسلم ع خوي
عبد الحكيم: تسلم ..شويه شوية نشوف الزباين
كأن كل شي وقف عندي ورجعت ختام القديمه يلي معلقه بي ايمن
عبد الحكيم: عجباتك حاجه مدام
ختام.. مقدرتش نتكلم لان حيعرف صوتي وممكن نولي في مشكله هزيت براسي بمعنى لا
الياس :قرب منها شن عجبك
ختام همست في ودنه :اختارلي انت
الياس: اعطيني التعليقه هدي ..حلوه
ختام: هزت راسها بمعنى اي
الياس: لفهانا
لفها واني حاولت نلتفت للخلف ع اساس نشوف في الدهب فعلا كان ايمن عرفته من ظهره خدينا الحاجات ومشينا للسيارة الله ع الدنيا قداش صغيره
كنت اغلب الطريق سرحانه لين وصلت للمزين
الياس: انزلي هيا
ختام: تسلم وكيف بنفتح الباب
الياس:....يتبع