لا احلل النشر
**عشق زارني بعد حبك**حلقة54
للكاتبه*سونيا ايلين*
ايمن: السلام عليكم
الياس باستغراب :وعليكم السلام تفضل خوي
ايمن :نتكلمو شويه
الياس :تفضل ادخل
ايمن: اكيد معرفتنيش... اني ايمن
الياس وعيونه قريب يطلعو ووقف: اطلع البرا
ايمن وقف قدامه :اني عافس بساطك عيب تلزني
الياس :والله لانك عافس بساطي ماصليتكش بالرصاص
ايمن :اسمع الياس اني مش حناخد منك عشره دقايق وطالع ومرات العشرة دقايق تصلح كل شي
الياس: قول شن تبي هيا
ايمن: نبدا من الاول... اني ختام كنت نبيها وشاريها والدليل مشيت للحوش طووول بنت ناس ومتربيه بعدين صار ضرف انت اعلم بيه وخلاني نسيبها وفي هادي اني مش راجل غبت فترة ومعاش تبعت اخبارها وخطبت بس قلبي مكانش مرتاح دورت وسالت عرفت انها تزوجاتك شهادة بالله الا نحسابها تزوجت غصب لهدا دورت رقهما وكلمتها والله مابت ترد بس اني كترت ووقت ردت قتلي معااااش انكلمها بس اني لاني مستوعبتش فكرة انها تحب غيري قلتلها اني نحبها ومنسيتهاش قتلي انها نستني ومرتاحه معاك وتبيك وتحبك قتلي لو قاعد انحبها زي قبل ننساها لانهامتهنيه معاك وتعشقك والله ياخوي ع قد ما زعلت لانها حباتك ع قد مافرحت لانها لقت راجل يستاهلها لان اني منستاهلهاش قتلي ننساها وماتبيش مشاكل ووقتها بعتلها ان حتى اني منبيش مشاكل ومادام مرتاحه معاك نخليكم ونمشي في حالي والله وقتها الا رسايل بس ومرة لاغير
الياس :وبه يعني ...الملخص... سقدني
ايمن :سمعت من مده انكم اطلقتو نحساب مشاكل عاديه دورت رقمها وبعد طلوع الروح ردت كلمتها قلتلها ان نبيها ومستعد نخطبها مابتش ورفضت اني مشيت حتى للجامعه هلبه مرات نبي نكلمها لان ماتردش ع الهاتف والله تقول ماتعرفني وقتها عرفت ان اني مش في قلبها بس مع هدا مامليتش من فتره تعبتها اتصال وبعد طلوع الروح ردت وحكم تهزيب قلتلها نجيب اهلي ونخطب ونعوضها قتلي جمله خلتني نحتقر نفسي
***قتلي يوم لمسني كلب غصب عني لوحتني وتوا لما لمسني راجل وبرضاي تبييني ***قتلي لو نقعد اخر راجل مستحيل تتزوجني وقتلي ان اني سبب طلاقكم
الياس....ع قد ماكان خاطري نصليه بكلاشن ع قد مافرحت انه جاء وقالي ع قد مافرحت ان طلعت بريئه وتحبني
الياس تنهد :توا جاي
ايمن :اسمع والله مافات وقت والبنت وتبيك وان شاء الله تسامحوني بس وربي مانحسابها تحبك اكتر مني اصلا عمري متوقعت ان قلبها لغيري وتوا في هالحظه اني مش في مخططها.... ووقف
ايمن :اني طالع ومعاش بنشوفك بس نتمنى ترجعو لبعض ونبي نقولك انها طلعت من قلبي خلاااص وتوا بنتزوج وطالع بعته للخارج
الياس وقف :ربي يهنيك
ايمن مد يديه: انت راجل حق وخت..... ابتسم قصدي زوجتك محظوظه بيك
ايمن.....طلعت ركبت السياره وبعدت ع شارعهم وبعدها وقفتها نزلو دموعي كان اصعب كلام وموقف نعيشه في حياتي كلها بس باش نرجعهم مستعد ندير اي شي المهم ختام تفرح وترجع زي قبل
ايمن :الو
اشراق: ها حبي
ايمن مسح دمعته وابتسم: عندك علم نبي نتعلم نعشقك
اشراق ضحكت: ياارت
ايمن ولع السياره :نبي نعشقك ونعوضك ع كل شي وولع السياره وطلع
**جميل ان نغلق دفتر ماضينا ونحاول فتح دفتر جديد لنكتب في بدايته بسم الله.**.....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
