**عشق زارني بعد حبك**

الحلقة الثالثة والعشرون

لا احلل النشر
**عشق زارني بعد حبك**حلقة 23
للكاتبه*سونيا ايلين*

ختام :السلام عليكم
الياس: وعليكم السلام
كنت منزله راسي وحسيت روحي سمعت صوت غلط
قمته وطلع حق صوت الياس😲
قلبي خلاص قريب يطلع معاش فهمت شي قلت خلاص هدا بيفضحني اكيد بيحكي لاسامه ع كل شي
اسامه: اهي قدامك كان عندك شروط قولها وحتى هي تقول شروطها
الياس: باهي اطلع خلي نعرف نقول شروطي😎
اسامه: باهي ماشي نجيب الشاهي
كنت مصدومه ومش فاهمه شي... شن جيبه ...وعلاش جاي ...وشروط شنو
الياس: كيف حالك ختام
ختام :الحمد لله علاش جاي
الياس: ابتسم جاي نخطب
ختام :شن فاش تقول😨
الياس: يلي سمعتيه
ختام: اني منبيش نتزوج
الياس: نعرف بس شن بندير كان مجيتش اهو جا طارق وخطبك وتزوجك وصارت قصه
ختام: اصلا كنت بنرفض
الياس: اتكى ع الصالون وابتسم طالعه هكي وبترفضي مانا كان تبي تتزوجي شن تلبسي😒
ختام :ياربي ودموعها نزلو
الياس خلاص توا مش اكبر همك موضوع الزواح اهو ريحتك منه....انتي مش حاكيه لي حد علي صار
ختام :لا
الياس: وخطيبك كيف سيبك
ختام...
الياس: نتكلم
ختام: قتله
الياس: به
ختام: شن به رده فعله كنت متوقعتها
الياس :وردة فعلي توقعتيها
ختام ...
الياسة: اعطيني رقم هاتفك
ختام :علاش
الياس: مش بنبدو مخطوبين خلاص معناها بنهدرزو
ختام : 092.....
الياس: تمام
اسامه :شن تفاهمتو
الياس: ان شاء الله خديت رقمها باش نقلها ع باقي شروطي
اسامه: تمام
مشيت لداري قعمزت حاولت نستوعب يلي صار بس لا مجااال للفهم
امي :خوك قال الياس مقعمز في المربوعه
ختام :اي
ازهار :الله احلفي الطرف يبيك
ختام: اي
كنت نحلم بيه من قبل كان يزورني في المنام بس عمري متخيلت انه يكون واااقع....

غيرت وقعمزت في الدار نحاول نفهم لين جا اسامه
اسامه: شنو موافقه
ختام: يعني كان نرفض بتخليني
اسامه: نهايه الاسبوع بيجيب اهله وبعدين العرس طول جو بيان وحوسه معاش نبيه وطلع
ختام: بعصبيه تبوني نوافق عرس لااااااا
ازهار :باهي علاش البكاء توا مش حب طفوله وعيتي تحلمي بيه
ختام: اي بس ياريته في ضرف تاني وخير من هكي
ازهار: كان ع الحب تو تحبيه اصلا تكوني حماااره كان قعدتي تفكري في ايمن ومعاك الياس
ختام :ايمن شنو بالله

الياس...طلعت من عندهم ركبت السيارة ومشيت للبحر طبعا اني من النوع الكتوم وعند البعض نفخه وشايف روحي معرفتش شن درت او لاش درت هكي علاش ورطت روحي مع هالبنت مش عارف بس بعدين اقنعت نفسي ان موضوعها ستر وبس(من ستر مؤمنا ستره الله يوم القيامه)

الياس: نايضه
امه: اي كيف خديت دواي
الياس: يام بنقلك حاجه
امه؛ نعم ان شاء الله خير
الياس: في وحده عاجبتني والحق اليوم كلمت خوها
امه: بفرحه الحمد لله يااارب ربي يكمل ع خير
الياس: ببسمه متبيش تعرفي منو
امه: منو يا وليدي
الياس: ختام اخت اسامه
امه: الله اكبر والله شفتها في البيان تحسرت قلت ياريت ناخدهالك ماشاء الله عليها زين وجسم
الياس :خلاص بري انتي وناديه وخلاتي واخطبوها

حطيت راسي ع المخده حاولت نستوعب يلي صار بس ماعرفتش فكرت وفكرت في الاخير غمضت عيوني وقلت ربي ستر عليا وغفيت ياالله قداش كنت مستاحشه النوم وناااعسه رقدت نوووم عميييق

الصبح...
ازهار: انوضها
امي؛ لا خليها اكيد امس سهرت تقرا

نضت الصبح وزي كل صبح نشوف هاتفي بالك نلقى رنه من ايمن او مسج بس للاسف لا☹

امي: صباحو
ختام :صباحو
امي: بنتي بتمشي للجامعه ليك فتره معاش مشيتي
ختام: عندي امتحان
امي: وماكش قاريه
ختام: ايح معاش نبي نقرى
دخلت لبست ونوضت اسامه وطلعنا
اسامه :خيرك لاويتهم
ختام: شي
اسامه؛ تمام نجيك ٣
ختام :بخوف لللا نكمل الامتحان ونروح.طول
اسامه: خيرك مش قبل تحبي تقعمزي مع صاحباتك
ختام: تعبانه معاش نحب نقعد
نزلت ومشيت للقاعة تعرفو واني نمشي خااايفه انه يطلعلي تاني رغم انه مات بس للاسف خلا فيا زلزال عمره ماحيتنحى وصلت للباب لقيته مسكر مبينش نمشي للباب التاني خفت ننهار اكتر مااني منهاااارة قعدو دموعي ينزلو وخلاااص....

سندس: ااا الحلوة جت وضمتني
انصاف: اخي عليك ع خاطر الواطي تبطلي قرايتك
ختام بخوف: شنو من الواطي
سندس: ايمن ع خاطر سيبك اضيعي مستقبلك فوتيه يجوك غيره

وقتها حسيت روحيي تنفست تعرفو انحس في الناس كلها تعرف اني مغتصبة وان الكل يأشر عليا بيديه
ختام بندخل للقاعة
سندس: مازال الامتحان انديرو دورة بيك ليك اكثر من شهر ماجيتيش

كأن داك الخطأحدت الامس كأن الوقت لم يمر
لان حياتي وقفت عند ذاك الموقف....يتبع