**عشق زارني بعد حبك**

الحلقة الثانية عشر

لا احلل النشر
**عشق زارني بعد حبك**حلقة 12
للكاتبه*سونيا ايلين*

الياس ..شفتها مرتين بعد سنين ..في المرتين قدرت تخطف شي من صدري قدرت اطلعه وترفعه معاها
عمري متخيلت روحي نحب ويوم انحب انحب حاجة ملك غيري
كنت طريق كااامله سارح يوم قلبي قرر يطلع من صدري وصل متأخر

ختام ...كنت نتمى نغمض عين ونفتح عين نلقى روحي وصلت خلاااص لو نزيد شويه رح نفتح فمي بشي مش حلوووو

الياس... كنت كان نلقى نقلها بطلي راني اول مره نحب لحظتها بجد تمنيت انشوفها

ختام ...وصلنا ووقف السياره وبدا يبيب باش يطلعو وينزلوني كنت مترددة ان انديرها بس خلاااص خديت نفس وقررت ان ....نقيم البرنوص ع وجهي

الياس تمنيت متنزلش من السياره تمنيت تقعد معاي
قبلت للروشن لقيت النساوين طلعو عرفت لحظتها انه خلاص مش ليا ومش نصيبي وان حتنزل وتمشي لغيري قبلت راسي للمرايا وحاولت انشوفلها من تحت البرنوص وفجأة قاماته

ختام شفت من الروشن لقيتهم جايين خلاص مزال لحظه وننسى ريحته وعقلي قلي انقيم البرنوص وشفت لمرايته لقيت عيونه فيا

الياس....قاماته وشافتلي في المرايا جت عيني في عينها....اني شفتلها لان معجب بيها بس هي علااااش قماته وشافت للمرايا؟؟؟

ختام... لقيته يشوفلي وزي ماتمنيت حسيت ان نفسي زاااد و قريب قتله ان عندي شي ليه صنعه الحلم

فتح باب السياره رجعت نزلت البرنوس
ناديه: مبروك يا عروسه
ختام؛ تسلمي
نزلت من السياره والكل يزغرت ويدربك والعرس الحقاني في قلبي
الياس... نزلت من السياره وطووول حرقت العجل
وفاء :خيره غبرها
ناديه :عمره مادارها

ختام ...قصدي اللقطه هادي يديرها الزعلان بس والا لا
قولولي😂😂😂

دخلت للحوش وكان زحما سلمت ع امي وخالاتي وكانو اهله غادي سلمت ع عمتي واخته وكانو عماته وخالاته غادي
عمتي: تبارك الرحمان عليك بخروها
سميه: لا ياودي بيروح بيك
قعمزت شويه وجو غنا ورقيص

اسامه: ها الياس وينك
الياس: شن تبي حاجه
اسامه: مش ع اساس بتقعد
الياس لا والله طلعلي موضوع نكمله ونجي
سكرت منه ونحيت حوايحي ولبست شورت نزلت لوطه خديت عصير وطلعت للجنان
غمضت عيوني وقعدت نفكر في يلي صاااار كله وكيف قامت برنوصها وشافتلي خديت الطاسه ولوحتها بقوة جهدي وركبت فوق سكرت هاتفي ورقدت

ختام: قاعد حلو المكياج
ازهار :يس
قعدت نهدرز ع صاحباتي ونسيت يلي صار لييين سمعت صوت العاب زينه عرفت ان ايمن جا😍😍😍

الياس ...حاولت نرقد تقلبت وعاودت بس ماجاش نوم شن صارلي شن تلخبط فيا مفهمتش بكل لين سمعت صوت العاب ناريه وتبيب عرفت ان خطيبها وصل
.....ربي يهنيها

ختام: ايمن خيرك متحشم
ايمن: يمسح في وجهه بي كلينكس زحمه نسون
ختام :طلعت حشوم
ايمن: تو نشوفك يوم العرس كيف تو نردهولك
ختام :باهي اسكت خليني فرحانه

كملنا مراسم البيان لبسني الدبله وتعليقه وجايبين معاها عطور وحاجات وهديه بوه تاكم

ايمن: خلي نطلع
ختام: زيد اقعد
ايمن: عندك علم منقدرش نعلق على شكلك نخاف نغلط وندير مصيبه قدام الناس
ختام: ااا
ايمن :فكيني من حركات الدلع انروح بيك معاي
ختام :والله كان اسامه قال به لما نروح😂😂😂
ايمن وقف بيطلع: بلعوطه جايك يوم نفكرك في شطانتك
طبعا المسيقى كانت مفتوحه وحني مدايرين جو يلي يوشوشو في الودان😁

طلع ايمن وكملنا رقيص وجو وفرفشه

ناديه :مبروك ياعروسه
ختام :تسلمي علاش متعبه روحك
ناديه :ولو
طبعا الكل كان جايب هدايا وحاجات حلوه بس اكبر هديه كانت هي ايمن
ناديه تبارك الرحمان تهبل
عمتي مريم خساره والله تمنيتها لي الياس طالعه قمر
ناديه نصيب هي نكلمه باش يجي

الياس :كنت مكسد ع الtvوعقلي في مكان تاني
ترن ترن...
الياس: نعم
ناديه :تجينا
الياس :تمام

روحو اهل ايمن الكل وحتى صاحباتي

شفت ناديه تتصل بالهاتف نضت من مكاني ومشيت لداري

طبعا الكنشيلو مفتوح وباب الحوش حتى هو والدنيا كلها ضي يعني يلي في البرا يقدر يشوف من الداخل

كان قلبي بدق بقوه وبقوة هلبه كنت ناويه اندير ....

الياس.. وصلت قدام حوشهم وكلمت اختي تطلع وعيوني كانت ع الباب كأن كنت نستنى نشوف حاجه

عمتي مريم :ربي يهنيها
امي: يسلمك يارب عقبال الياس
عمتي مريم :ان شاء الله
ختام :مروحين مازال بكري
ناديه :ربي يهنيك تبارك الرحمان قمر
ختام :يسلمك
عمتي مريم: نصيب
ناديه :مع السلامه نشوفكم بخير وسلمنا

كانت سيارته واقفه البرا بس لان ظلام معرفتش شافني او لا
الياس.. شفتهم يسلمو ولعت السياره ورجعت قبلت لقيت بنت لابسه قفطان يجنن عليها وجه وشعر يجنن تسلم عليهم....مكانش قدامي شي نقوله الا ربي يهنيها

كمل البيان دخلت غيرت وكلمت ايمن ولانها ليلته هدرزنا بجد.. سكرت منه ومشيت ضميت معاهم الحوش للفجر بعدين طووول للنوم

يوم بياني كاااان من احلى الايام مكنتش نعرف وقتها اني نرسم في حياتي على رمله بتجي عاصفه تهد كل شيء.....يتبع