لا احلل النشر
**عشق زارني بعد حبك**حلقه 20
للكاتبه*سونيا ايلين*
ختام بخوف: خيرك جبتني هني
الياس :انتي شن مدايره
ختام :شن مدايره ؟مامدايره شي
الياس :تكلمي بروحك خييير منقول لي اسامه
وقتها تفجرت من البكاء انهرت
الياس :تكلمي
ختام: والله مادرت شي اقسم بالله
الياس: ويلي في رقبتك
ختام :والله الا خداني من الكليه الصبح ورفعني والله قاومت وحاولت نهرب بس خدرني هو هو من قبل متعارك مع احمد وحالف انه يردهاله بس متوقعتش انه يدير هكي وحق ربي ماني مدايره حاجه
كانت تبكي بشكل هستيري كانت بجد توووجع القلب
ختام :بتقول لاسامه صح اا
الياس: تعرفي اسمه الكلب
ختام: اي حسين ...
الياس: خطيبك عنده علم
ختام: لا مسكره هاتفي من بكري
الياس: بنروح بيك لا شفتك ولا شفتيني
ختام :مش حتقول لي اسامه صح
الياس: لا شفتك ولا شفتيييني
وصلني لي مكان قريب من الحوش نزلت ومشيت للحوش غيرت ورقدت
ايمن ....من الصبح نتصل متردش قريييب هبلت معاش عرفت شن اندير قررت نمشيلهم
امي: تبي تتعشى
اسامه: لا طالع مع الياس
ايمن... وصلت لشارعهم لقيت اسامه كيييف طالع درست وعاودت اتصلت بيها لقيته مقفل
امي :ختام ختام نوضي
ختام بخلعة: شن في خيرك
امي: اسم الله عليك خيرك
ختام :نبي نرقد
امي: ايمن انتي مكلماته يجي
ختام: نطت من مكانها لا علاش خيره
ازهار :هيا القهوه واتيه باش ترفعيها
ختام :اسامه وين
امي: طلع مع الياس
سكرت الباب وقعدت نبكييي ع قهرتي ع يلي مقعمز في المربوعه وخااايفه ان الياس يقول لاسامه لانه موضوع كبييير
امي: خيرك لابسه توته
ختام :معنديش نيه نغير
امي: ساوي وشاحك به
ختام :به
ايمن ...كنت ع اعصابي نستنى فيها لين دخلت وردت الباب
ايمن :وينك ماترديش
ختام :تبكي
ايمن قرب منها :خيرك شن في
ختام: مفيش نصيب بينا
ايمن: شن هو فاش تخرفي
ختام بالعبره :حني مش لبعض برا تزوج.بنت ناس زيك اني خلاااص
ايمن شد وجها :انتي واعيه راهو عرسنا بعد فتره
ختام :قداش نحبني
ايمن: فكيني من الجو وتكلمي
ختام :انت تحبني هلبه صح
ايمن :عندك شك
ختام: لو قالولك ان في حد غلط فيا تاخدني
ايمن حدف هاتفه ع الصالون: تي خيرك اليوم تكلمييي
ختام ...كنت نعرف انه مستحيل يرضاها ع روحه وياخد مغتصبه علاش نوجع قلبي ويخليني من القصير ونسهلها علينا ونقوله مفيش نصيب
ايمن: نادي امك.بري
ختام بخوف: امي مليهاش علاقه
ايمن بعصبيه: من يلي ليه علاقه
ختام لو مسني حد عادي تاخدني
ايمن بخوف:فاش تخرفي حلي فمك وقولي خيييرك
تمنيت ان هدا كله مصارش تمنيت ان جاء وضميته عااادي زي قبل تمنيت نطلع نحلم مكانش قدامي الا انحي وشاحي
ايمن بصدمه: شن هدا من دار فيك هكي تكلمي
ختام منهارة: تاخدني توا.. والله صار غصب عني انت تعرف ان كنت ليك وقلبي ليك
ايمن ...كانت اكبر صدمه عمري ماتوقعت ان البنت يلي نحبها حد يقربها قبلي كنت نستنى في اللحظه يلي تولي حلالي كنت نبي اني نكون اول حد يلمسها
ايمن بغل :من دارفبك هكي
ختام بهمس: وطي صوتك اهلي ميعرفوش
ايمن :تكلمي
ختام: الولد يلي ضربته في الكليه
ايمن :اني من الاول قتلك البسي ملايه حظرتك شديتي في الموضه
ختام: هدا يلي قدرت عليه
ايمن :دموعه ينزلو نبي نروح
ختام :واني
ايمن :ربي يسامحني وخلاص
ختام: واني يا ايمن
ايمن: يبكي حولي ترا
طلع وطلعت روحي وراه حسيت اني زباله الكل ميبيهاش الكل قارفها
ايمن ..طلعت ركبت للسيارة ومصدوووم ع الاخير البنت يلي كانت ليا خلاااص توسخت طلعت هاتفي واتصلت بي صاحبي
ايمن: اهلين
رمزي: هلا
ايمن يمسح في دموعه :صاحبك هداكا قاعد ينظف
رمزي: مدام يتعاطى اكيد
ايمن: في كلب نبي ناكل كبده
رمزي: تمام اعطيني اسمه
ايمن :حسين.....
طلع ايمن مسحت دموعي وجري للحمام
قعمزت ع الارض وبكيت واني حاطه منشف باش مايسمعني حد
كنت متأسفه ع وضعي بس وجعني قلبي يلي كان يستنى في الفرح بطلووع الروح
طلعت ومشيت للدار
ازهار :غريبه اليوم مفيش هديه
ختام :مرات نسيبو
ازهار :علاش
ختام :طلع يحب بنت خاله
ازهار: كيف ومن قالك
ختام :هو مكانش متأكد بس توا تأكد
ازهار :متزعليش وضمتني تفجرت من البكاء كنت محتاااجه حضن
ختام: نبي نرقد بروحي
ازهار: به ناخد حاجاتي ونطلع
طلعت وطفيت الضيء واتكيت ع السرير وبكيييت ع حظي بدت الافكار تمشي وتجي معاش عرفت شن اندير بديت نفكر في الانتحار والهروب حالي حال اي وحده مغتصبه في الاخير حننفضح كان مش اليوم غدوه قطع تفكيري الهاتف
ترن ترن...
كان ايمن يتصل
ختام: تبكي نعم
ايمن :في السياره كيف حالك توا
ختام: زفت يا ايمن زفت
ايمن ...
ختام: خيرك ساكت
ايمن: معندي منقول تعبان ومصدوم ومش عارف شن الحل
ختام :خلااص عرفته بيقولها
ختام :خلاص
ايمن: يمسح في دموعه راني منقدرش والله مانقدر
ختام :باهي اني شن دنبي
ايمن: حتى اني يا ختام والله مانقدر
ختام :باهي نحاولو قصدي صعبه بس حبنا اكبر
ايمن: منقدرش حبي كل يوم بينقص ولو خديتك بنلومك طول الوقت ونعاقبك لين تكرهيني راهو وحنشك فيك رغم عني
ختام تبكي بالعبره: حرام عليك انحبك باهي شن اندييير ياربي نقتل روحي
ايمن :منعرفش اني الكلب تو نربيه والله لما يشوف وانتي
ختام: شنو
ايمن بعد سكوووت: كنتي احلى حاجه عندي عايش ليك
ختامتبكي وتمسح في دموعها: توا راك بتستاحشني نهون عليك واهلي شن بنقوللهم
ايمن :قولي ان اني مننفعش
ختام: والله نموت راني تعبانه راني نحبك والله مادنبي
ايمن :خلاص بالله معاش تصعبيها اني تو نقول لاهلي مفيش نصيب وانتي قولي اي شي حتى لو بتقولي اني فاسد عندك الادن
ختام: لكن اني انحبك
ايمن: حتى اني يشهد الله ان.حبيتك الله لايسامحني كان خليته عايش وانتي.... ربي يستر عليك....يتبع
أنت تقرأ
**عشق زارني بعد حبك**
Roman d'amourحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
