لااحلل النشر
**عشق زارني بعد خبك**حلقه27
للكاتبه*سونياايلين*
شفت رقمه كان هو مابيتش انرد بعد يلي قريته درته صامت ورقدت
وجعني كلامه قالي* عاري* اني مغلطش شي صار رغم عني ومش بكيفي وعايرني بيه عمري مارح نسامحه او حننساها كنت حاطتله في قلبي مكان بس مسحه بيديه تمنيت لو نقدر نرفضه ونقول منبيشي لانه جرح كرامتي واني مش ناقصه هم بس شن بندير مجبوره( يا هو يالعار)
الياس ...روحت من الاستراحه كيف بندخل لي امي لقيت سميره بنت خالتي معاها ركبت غيرت واتكيت قلت خلي نتصل بيها لان قاعد نحس بتأنيب الضمير البنت كانت مرات تموت بسببي رنيت وماردتش حطيت الهاتف جنبي ورقدت وقررت معااااش نتصل بيها هكي المفروض يصير
الصبح نضت كل مره يجي يتحمد حد ع سلامتي وحتى اهله جو وهدرزو ع برنامج العرس واتفقو ع عرس مشترك واني كأني مش موجوده
عمتي :مانا خير ان شاء الله
امي: ان شاء الله من غدوه تطلع تكسي
عمتي :هوني كان تبي يجي الياس يطلعها
ختام :مفيش داعي مرات مش فاضي
عمتي؛ لا وين والله طاير من الفرحه بيك
ختام...في خاطرها زي الحق😒
اسامه: ختام
وفاء :نعم
اسامه: نادي اختك تلبس وشاح وتجي
نادتني وفاء مشيت نلبس واني نسب ونلعن صح بيطلعني من ورطه بس هو ورطه بحد داتها لان نعرف انه زواج كدب ونفسيتي زفت
مشيت للمربوعه وطبعا سي اسامه مولي يفهم في الاصول ويطلع😅
الياس: اهلين
ختام :قعمزت اهلا
الياس :امس اتصلت مرديتيش
ختام :رقدت
الياس :مشفتيهاش الصبح
ختام :شفتها
الياس: وعلاش مارديتيش
ختام: الياس قصدي انت ماتحبنيش وع اساس ستر لفضيحتي بس.. علاش تتصل؟
الياس شافلها نظره :جديه كنت نبي نقولك بنجيبلك الدبله شن مقاسك
ختام ...
الياس :خودي اهي دبلتك وحطها ع الطاوله
خنقتني العبره وقتها تفكرت كيف لبسني احمد وقعد شاديديا وكل ميشوفها يبوسها وهدا حدفها ع الطاوله
الياس:😊 قيسيها
ختام :نسألك بالله لو كنت بتخطب بنت هكي تحدفها حدف😒
الياس: اولا اني محدفتهاش اني حطيتها ع الطاوله تانيا اني ماكنتش ناوي نتزوج انت طلعتي قدامي بمشكلتك وابتسم
ختام :عادي تقدر توخر مش مجبور
الياس اتكى ع الصالون :للاسف منقدرش عطيت كلمه لصاحبي ومنقدرش نرجع فيها
ختام :تمام متبي شي
الياس :شاف للدبله وشافلها قيسيها
ختام :خديت الباكو وقستها
الياس :شنو
ختام :باهيه وطلعت
الياس ..وووك شكلها حصله حتى ماقالتش شكرا😒
ختام مشيت للصاله وقعمزت واني ناسيه الدبله في صبعي
ناديه :ختام هدي جابها الياس
ختام: ااا اي لبسهالي توا
خالته وعمتي :رووووري
امي :مبارك
عمتي: والله كنا ناوين نديرو بيان قال ميحبش الدوشه وتو تلبسها ناديه
ختام ..في خاطرها يااااريتها لبستهالي ناديه😢
ناديه: طلع رومنسي ويبي بروحه
عمتي :مبروك بنيتي
ختام: تسلمو
قعمزو شويه وروحو
وفاء :يا عن جوك اتهبللل
ازهار: تجنن غليظه ورزينه
ختام: باهي هي
مشيت لداري نحيتها وحطيتها في الدولاب وشفت دبلت ايمن صح دبلة الياس تجنن بس دبله ايمن غييير
طبعا من غدوه بديت انكسي ولان مدايره عمليه زايده 😂طلعو خواتي بدالي
وفاء تساوي في وشاحها: حماره واطلعي بروحك
ختام :مريضه اسمعي من توا حيبيلي قفاطين
وفاء: شن هوااا عروس تلبس قفاطين
ختام: ماهو مايحبش التوت والارواب😊
وفاء :قصدك حتى ارواب لا
ختام: اي جيبيلي قفاطين وملابس داخليه داكنه تمام
ازهار ربي يكون في عونك😂😅
طلعو واني اتكيت قبل كنت مخططه نلبس قصير وعريان وميكب وجو بس توا لانه زواج ع الماشي بناخد قفاطين☹ علاش الحرام😄
فات الاسبوع عليا اني طلوع وشري طبعا خواتي درهت كبدهم وين حاجة شينه نشريها في اللبس وطبعا الميكب خداته وفاء لانها دواقه
وفاء :شوفي الفيلو هدا محلاه
ازهار: يجنن
ختام:😢
وفاء :عجبك صح
ختام :منبيش نتزوج
ازهار: وووك منكده
بعد طلوع الروح دخلت قسته دخلت بروحي كااان قمه الجمال بكيييت وقتها ع حظي وجعني حالي ملبستاش لاحمد وبنلبسه لغيره وكأني مش لابساته
وجعني حالي حتى حقي في الفرحه تسلب مني
الياس :شنو اما احلى
ناديه :الدارالبيضاء تجنن
الياس :يام شنو
عمتي :ان شاء الله ترقدو ع بساط المهم تتزوج
الياس: هههه باهي
ناديه :شن خليتهم يديرو فوق
الياس: يركبو في المطبخ والاتات الباقي العصر
ناديه :تمام كل غدوه باش نشوفه ونجيبو تحف
الياس: تمام خلي نركب فوق
ركبت فوق ولقيت العمال لاهين دخلت للبلكونه وابتسمت بجد حسيت بلهفة العرس والعريس بس خساره مش حيكمل شي مجرد اثاث ولبس جديد وبس....
أنت تقرأ
**عشق زارني بعد حبك**
Lãng mạnحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
