لا احلل النشر
**عشق زارني بعد حبك**حلقة14
للكاتبه *سونيا ايلين*
كان شاد يديا وكأني كنت في عالم تاني
ايمن :تهبل
ختام فتحت عيونها وكان وجهه قريب منها: انحبك
ايمن باس يديها: نموووت فيك
ختام :تمام خلي ننزل مع البنات اسامه ع جيه
ايمن: تمام
قعمزت شويه مع البنات واني نفكر في يلي صار لييين جاء اسامه طلعت وروحت
صليت وتغديت ورقدت جربت نرقد بس مقدرتش كل ما نغمض عيوني نتفكر بوسته وكيف يغار عليا ومستعد يقتل ع خاطري
مكانش قدامي الا...نتصل
ايمن: قلبي
ختام :ايوه
ايمن :مجانيش نوم
ختام ببسمه :وحتى اني
ايمن :علاش
ختام ؛منعرفش اول مره نحس روحي ترا كيف
ايمن: تعرفي بعد يلي صار حاس انك مرتي وعند اهلك
ختام :ههه كلها بوسه بس
ايمن: وربي عسل اول مرة نجرب حاجة هكي
ختام :واخر مرة للعرس
ايمن؛ يعطوك😎
فاتت هديكا الفتره هكي كل يوم يجي
وجونا رايق
كنت نتلامح في هداكا الشاب ونظرات الحقد معبيه عيونه
كنت نهدي في ايمن ونخليه يتجاهله
فاتت الايام ورجع مشى للصحراء
قعدت هديكا المده مكسده بلاه والله تعودت عليه هلبه كان لما يمشي نموت ولما يروح ادب فيا الروح....
رجعتلي الاحلام بي الياس كنت لما انوض انكون كأني في واقع بس نحاول منفكرش فيه
بالنسبه للكليه كنت للمحاضره طول ونحاول انقعمز جهة تكون زحمه كنت نشوف في هداكا الولد كان يلحق فيا من مكان لمكان وكل مره شكله يكون ابشع من يلي قبلها
بعد 4شهور...
بديت في امتحاناتي
امي: شن جاوبتي
ختام :ان شاء الله
امي :باهي تعالي تغدي
ختام :شويه نصلي ونغير
تغديت ودخلت رقدت
المغرب...
شفت هاتفي لقيت ايمن متصل رديت عليه
ختام :هلا حبي
ايمن :وينك
ختام: راقده شن في
ايمن :سلامتك بس كنت نبي نقولك روحت
ختام: الله
ايمن :والله
ختام بفرحه لاتوصف :حمد لله ع سلامتك استاحشتك غدوة نبي نشوفك
ايمن: اكيد لان مستاحش شفايفك موت
ختام :صايع
ايمن: قولي لاهلك بنجي في الليل
ختام: تمام
حكيت لامي انه بيجي وقتلي تو تكلم اسامه نضت الصبح لبست احلى ماعندي ومشيت للجامعه وقلبي يدق والله بجد انحبه.....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
