**عشق زارني بعد حبك**

الحلقة السادسة والخمسون

لا احلل النشر لا دنيا ولا اخرة

**عشق زارني بعد حبك**حلقة56
للكاتبه *سونيا ايلين*

ختام: حول
الياس قرب وقاملها خماره
ختام :حول وهات الحصله جاي
الياس: قصدك قعدتي تلبسي هكي بعدي
ختام :مخصكش
الياس: ع خاطري
ختام عيونها دموع: مش ع خاطرك
الياس قرب منها: هيا فرغي السرير نبيه فاضي لان بنوصل الليله😎
ختام :يعني نسيتني
الياس :مش عارف
ختام :بتوصل ومش عارف نسيتي او لا
الياس :وانتي نسيتيني
ختام: اي
الياس: وعلاش الدموع
ختام: مخصكش
الياس قربها منه لين جسمه في جسمها: شن قتلك ع طولت اللسان
ختام :حول
الياس يهمس في ودنها: قولي قاعدة تحبيني
ختام تبكي: علاش باش نوجع روحي
الياس: باش توجعيني اني
ختام :لامس كنت نحبك ونموت فيك لامس تفكرت دار نومنا وحظنك لامس تفكرت وجهك
الياس: وتوا
ختام: توا نكرهك موت
الياس حط خشمه ع خشمها :علاش
ختام تبكي :لانك بتبدلني
الياس ضغط ع وسطه وزاد قربها لييه: من قال اني بدلتك اصلا مش لين ننساك قبل اني من يوم سيبتك واني مبهدل هبلت وجنيت بعدك هربت باش ننساك لقيت طيفك وراي اني تعدبت بعدك
ختام تبكي بالعبره: انت عدبتني وعدبت روحك
الياس: اااخ توا نحس في روحي نتنفس تو انحس في روحي الياس بجد
ختام :دموعها ينزلو
الياس: اسسس علاش البكاء
ختام: مش فاهمه شي مش فاهمه فاش اندير اني هني وانت ناوي تتزوج
الياس باسها ع شفايفها
ختام تتنفس انفاسه
الياس: توا فهمتي
ختام....
الياس :قاعدات حلوات كيف قبل
ختام :مش فاهمه
الياس تكاها ع الحيط :وباسها تاني وتالت وعاشر وتوا
ختام :خلاص
الياس: نتعب معاك اني
ختام...
الياس حط يديه ع رقبتها استاحشتها وباسها
ختام ..
الياس :استاحشت نصنع طبعة ع رقبتك
ختام :خلاص معاش قدارة نوقف
ترن ترن...
الياس: ها
اسامه: وينك هيا
الياس: نازل
ختام :شن في
الياس: وخرمنها ووخر شعره ومسح شفايفه نازل بنوصل
ختام :فاش تقول انت بتهبلني
الياس شدها من نصها: والله العظيم نازل بنقرا فاتحتي
ختام: ناوي تجلطني
الياس باسها ع شفايفها :نقراها عليك ع حبي ومرتي
ختام: احلف واسامه عارف
الياس: والله وهو جاب الشيخ
ختام ضماته: الحمد لله يارب
الياس: انحبك هيا وخري خلي نقراها ونكملو بعدين ختام:هيا انزل
قعدت نحمد في ربي ومش مصدقه انه حنرجعو لبعض كانت احلى ساعه في حياتي قعدت نلهي في روحي بترتيب الحوايج لين سمعت الباب تسكر
الياس :مبتسم تعالي في حظني
ختام جرت ونطت في حظنه وهو دار بيها دوره
ختام: مش مصدقه
الياس: ولا اني
الياس نزلها :تباركلك امي
ختام :ااا خلي ننزللها
الياس: لا مشت عند خالتي الصبح قالت باش ناخدو راحتنا
ختام :يسلمها
الياس قرب منها يديه في وسطها و جبهته ع جبهتها: باهي نحي الملايه خلي ناخدو راحتنا لان مستاحش موووت
ختام :عينك لما نشحورك
الياس:مصحك حرام عليك ليا شهور متشحور
ختام :نمشي للمزين
الياس: تي يا ستي نبيك حتى هكي
ختام :عينك
الياس: هيا به اليوم يومك
طلعنا رفعني لمحل خديت قفطان سكري ونظام فيلو بس اقل نفخه ورفعني للمزين هدا الكلام مع ٢ طبعا شحورته مطلعتش من المزين الا في الليل
الياس: هيا اطلعي دهشتيني
ختام: تمام
طلعت لقيته واقف قدام المزين شد يديا وركبت السياره
ختام: ااا مزينها
الياس: اكيد كيف عاد عريس😎
وصلنا للحوش واني قلبي يدق من الفرحه تقول اول مره
الياس:اصبري وقامها
ختام: ههه مجنون
الياس: بيك مجنون
ختام:الله امتى درته كله
كان مزين الحوش اضواء وورد وجايب عشاء حلو وتورته
ختام: هدا كله لاش
الياس ضمها :نسيتي ليله عرسنا مكانتش زي مانبي
ختام :وتوا
الياس باسها ع شفايفها: توا بندير يلي نبيه كله
فتح اغنيه سلو رقصنا
الياس :نحبك
ختام: كأني نحلم
الياس: وحلو
ختام: يجنن
الياس تعالي.
ختام: اها شنو
الياس :هاتي يديك...عندك علم حنتك تجنن ريحه وشكل ومتعبتني فوق تعبي
ختام :درتها ع خاطرك
الياس :هدا ع خاطرك
ختام :ااا علاش دبله جديده
الياس: الاولى ملبستهالكش اني ...لبسها وباس يديها بطول العمر
ختام :وااااك منك
الياس: باهي مستاحش اني كيف الحل
ختام :اني مش حنقول شي
الياس باسها ع شفايفها: يعني ندير يلي نبيه
ختام :منعرفش
الياس باسها ع رقبتها نفتح السوستا هني والا في الدار......ياسركم بنفسد جيل بحاله معاي😅😂😂😂

بعد فترة....
دخلت للامتحانات ونجحت بفضل الله و الياس كنت نقرا بنيه وجهد وكان زي المدرس الصعب قرايه وبسسس....في شويه عيييب طبعا بما اننا عشاق منصبروش😍

بعد شهور....
الياس :واااك منك
ختام :اصبر شويه بس
الياس: ليك ساعه وربع تقولي شويه
ختام :اها كملت
الياس: مش عارف علاش ماشيه لمزين كان بتعدلي بعدها
ختام حطت يديه ع رقبته: نحط لمستي الخاصه
الياس باسها
ختام: اخي عليك
الياس :حتى اني نحط لمستي الخاصه
ختام: هيا به خلي نلحق ع العشاء
الياس:😂😂 ههه صار العشاء متبيش تشوفي ابرار كيف بالفيلو
ختام :نعرفها😒 المهم العشاء😄
الياس: مش كان خديتها اهو ونساتك في الحوش
ختام: تسهوك حني فيها اهي بالفيلو روح بيه
الياس: زعما
ختام :زيد تسهوك بعدين متقولش نبيك حرمااااان
الياس: ههه نبصر خيرك... بعدين في عروسه احلى منك
ختام :حاق
الياس ضمها: اكيد
ختام :نحبك
الياس :حضن يضحك وانتي بطنك زي الكوره
ختام :ااا قصدك سمونيه هلبه
الياس: عسل كيف ما انتي هانت شن مازال وتجيبي ولي العهد
ختام :ان شاء الله
الياس: هيا به
ختام: اها كملت... هات يديك باش منطيحش من الدروج الياس باس يديها منخليكش اطيحي اني شادك

هادي قصتي قصه ختام حب طفوله لبنت ١٤ سنه حلمت ان نركب دروج معاه وتوا زوج وبعد شهر اب لولدي الحمد لله ان ربي عوضني بمن احب .......النهايه

للكاتبه**سونيا المختار**