**عشق زارني بعد حبك**

الحلقة الثانيه والاربعون

لااحلل النشر
**عشق زارني بعد حبك**حلقه 42
للكاتبه *سونيا ايلين*

الياس... ختام اني عصبي وصعب وغيور وقلبي اسود منسامحش بس قدامك نقعد شاد روحي بالسيف مرات كان نلقى نقتلك بس في حاجه مانعتني...اني نحبك ونموت فيك واول مرة نقولها لبنت اصلا اول مره نحسها ..اني نبيك بميزاتك وعيوبك نبيك بس لو انتي متبينيش واخده الموضوع لعب او في حد في قلبك نخليك وكل واحد يمشي في حاله...المهم اقعدي عند اهلك لما تقرري شن تبي تو نردك
قريتها ومركزتش الا ع كلمه نحبك لانه مقالهاليش في وجهي بكل قريتها قريب ٥٠ مره وفي كل مره كأني اول مره

نضت الصبح ضميت الحوش وفطرنا وكلمت عمتي مسكينه قعدت تتأسف ع خاطر عملت ولدها بس شن بندير راااجلي☹ العشيه جو خالاتي وقضيت وقت مع ايمان وصابرين ومع المغرب
ختام: ويسو
اسامه ياكل: شن تبي
ختام: نبي نروح
اسامه: كلمتي راجلك
ختام: اي قالي روحي مع اسامه
اسامه: وتي روحك
لميت حاجاتي وسلمت ع الكل وروحت دخلت لعمتي سلمت عليها وركبت جري فوق طلعت قفطان اسود طويل وظهره عريان وحتى صدره لبست التعليقه يلي خداهالي ودرت ميكاب قوي وعطرت الحوش وطفيت الاضواء لقيت شويه وقت قلت خلي ندير العشاء ونفجر دحيتين😂 بس بعدين بطلت قلت تولي ريحه الحوش اععع😊 فتحت التلاجه لقيت شويه فواكه وحطيت شيبس ومكسرات وقعمزت

مع الساعه ١٢
كنت نتفرج ع فيلم اجنبي لين سمعت صوت السياره دخلت طفيت الاضواء ودخلت لداري ..قصدي دارنا😉

الياس ...مابيتش نقعد في الحوش كساد وملل كسدت في المزرعه مع الشباب وبعدين روحت تحشمت منهم يقولو عريس وبايت بعيد ع مرته
روحت وكنت نشم في ريحه عطر جايه من فوق كدبت روحي لان منبه عليها انها ماتطلعش فتحت الباب وكانت بجد من الحوش مشيت طول للدار ولقيتها
ختام: اهلين
الياس... يااارب هدا شنو يستحيل تكون بجد بشر كانت قطعه من القمر شكل وجسم
الياس شاد روحه: علاش مروحه
ختام ببسمه :مروحه لراجلي
الياس قعمز ع السرير: مش قتلك متطلعيش بلا شورا
ختام :روح بيا اسامه
الياس: زمري😒
ختام: روحت ع خاطرك
الياس فتح الدولا ب ياخد في حوايجه :يسلم خاطرك قتلك اقعدي عند اهلك
ختام: ولبست ع خاطرك
الياس كنت نشغل في روحي باللبس وبأي شي باش منركعش قدامها
الياس: امم... ونحى تيشيرته
ختام :وعطرت ع خاطرك 😍
الياس: تمام
ختام شداته من يديه: وين ماشي
الياس يشوف للtv:ندوش
ختام عيونها دموع :باهي سامحني اني نعرف يلي حرقك لقطة صداني ليك مش الطلوع
الياس شافلها
ختام: اني كنت خايفه ومازلت خايفه يلي صار معاي مش شويه وانت تعرف اكتر من الكل قداش عانيت
الياس: اني مخليتكش وقفت معاك
ختام تمسح في دموعها: نعرف بس كنت محتاجه كلمه نسمعها منك كلمه نحس بالامان خفت تسيبني
الياس قرب منها: كلمه شنو
ختام ..كنت نتكلم وقلبي بيطلع من صدري كنت حاسه بالدم يجري في عروقي كنت حاسه....بانفاسه
ختام: كلمة نحبك
الياس :وبه
ختام :شكلي عكرتلك جوك وانت قاعد معصب خلي نمشي وخلاص
الياس شد يديها: وين ماشيه وقتلك منحبش نبدا موضوع وحد يقص عليا
ختام: حسيتك مضايق مني
الياس حط يديه ع وسطها :مضايق من هروبك وخوفك مضايق من راسك يلي زي الحيط وقرب اكتر لدرجه شفايفه لمسو شفايفها مضايق انك حارمتني منك وانتي ليا
ختام غمضت عيونها :خاااايفه تكرهني بس
الياس حط يديه ع راسها من خلف وقرب اكتر وديه التانيه في وسطها وشفيفه قراب لودنها:معنديش لاش نكرهك من الاخير نبي حاجه عمر منبيش حاجه لحظه وبس
ختام ..
الياس: تحبيني
ختام: ياالله قداش نحبك
الياس: نقدر نبوسك ولو اضايقتي نوخر
ختام: نقدر نبوسك ولو اضايقت ضمني لحضنك

الياس بعد كل يلي صار قدرت ناخد قبله من شفايف يلي نحب يلي دخلت حياتي بحياتها هيا
الياس يتنفس بسرعه: ياالله قداش ماحلوة
ختام مغمضه عيونها ودموعها ينزلو
الياس شد وجها وقرب منها :خيرك اضايقتي
ختام: بالعكس نبي ننسى كل يلي صارلي معاك
الياس: اسسس معاش تتفكري وحط يديها ع صدره لان اني ناسي ومش هامني مره وحده المهم قلبك ليا صح
ختام هزت راسها بمعنى: اي
الياس: باهي قوليلي شن في قلبك
ختام: انحبك وقرب بيها من السرير... نموت فيك وقعمزها... انت عمري يلي نبيه تكاها ع ضهرها
ختام: وانت متبي تقول شي
الياس باسها: بنقول بس ع طريقتي.... نخلي جسمك خريطه حب ليا وغدوه نقراهالك بالحرف....يتبع