لا احلل النشر
**عشق زارني يعد حبك**حلقة22
للكاتبة *سونيا ايلين*
امي :وين ماشي في هالليل
اسامه: ماشي لاستراحه الياس وبنبات معندي لاش مروح
امي: خيرك يا بنتي ليك فتره مش ع بعضك
ختام: منبيش نتزوج خلااص افهمو
امي :هدا كله ع خاطر تحبي ايمن بنيتي العشره الباهيه هي يلي تقعد الحب يجي حتى بعد الزواج
ختام: لا نبي حب لا شي
امي: انتي شوفيه بعدين ساهل
الياس: مرحبا
اسامه: اهلا
الياس: خيرك شكلك مش تمام
اسامة: اختي متعبتني
اليايس: باستغراب منو ختام
اسامه :اي فسخت الخطوبه من خطيبها
الياس :ربي يعوضها خير منه
اسامه: والله ربي بعتلها واحد كويس خو نسيبي لكن دارت عزاء متبيش
الياس: خليها ع رتحتها
اسامه: لا تتزوج هادم امانه في رقبتي تتزوج مدام راجل كويس
الياس: سألتها علاش رفضت
اسامه: قالت معاش تبي بكل
الياس........
رقدت وكل شويه انوض مخلوعه من موضوع طارق نضت الصبح وقد ماحاولت نقنع نفسي نمشي للجامعه مقدرتش
بعد يومين...
كنت مقعمزه اني وازهار
اسامه :ديرو عشاء
امي: منو جاي
اسامه: موضوع جاي لي ختام
ختام: مش قلت منبيش
اسامه: اني نقرر تبي او لا مدام شفته كويس خلااااص تم
ختام : يا اسامه هدي حياتي واني منبيش نتزوج
اسامه: جو الافلام متاع حياتي وجو زايد فوتيه الشاب كويس ونعرفه اكتر من نفسي
امي خلاص يهديك الله تعبتيني وافقي وريحيني
دخلت لداري طووول بكيت ياربي سترك يارب شن هالورطه يارب هكي بننفضح وتنفضح معاي اختي ويضيع مستقبل ازهار يارب سترك
في الليل...
ازهار: رني ع اسامه السفره واتيه
ختام: سم الموت ان شاء الله
ازهار: تي خيرك بس والله كان جاني اهو زغرتت في شلامتي طرف زي علي
ختام :وحليتي فمك وخديتيه😒
ازهار :تو ندخل بدالك😂
امي :رني على خوك
اسامه: شن واتيه
امي: اي
اسامه: البسي حاجه باهيه وساوي وجهك منظرك تقولي في عزاء😡
دخلت للدارمعاش عرفت شن اندير قريييب نعيط وقفت قدام الدولاب وقلت خلاص اليوم بنقول لاسامه علي صار وكانه راجل يزوجني اني مدرتش غلط نتفضح قدام خوي ولا نتفضح قدام الناس وحتى لو قتلني نرتاح وياريت يقتلني
ازهار: ها اخترتي
ختام ابتسمت: اختاريلي
طلعتلي بلوزه عنابيه وسروال بيج ووشاخ ملون
لبستهم وقعمزت في الصاله
امي: يسلمها بنتي طالعه قمر
كنت حاسه اني لابسه كفن لان اكيد الليله مش فايته ع خير
اسامه: شن واتيه
ختام: لشن بالضبط
اسامه :تعالي هيا
مشيت للمربوعه ودخلت موطيه راسي مشفتش بكل
ختام السلام عليكم
......وعليكم السلام
قبل فتره....
الياس.....نزلتها في مكان قريب من حوشهم وتأكدت انها دخلت للحوش
الياس: الو يا مان
عبد المنعم :اهلين
الياس: ع السريع عندي وسخ غلط فيا
عبد المنعم: شن تبي بالضبط
الياس: تقدر تخفيه
عبد المنعم :شكله لبز هلبه
الياس: باسرع وقت
عبد المنعم :تمام فلوسك واتيه
الياس: الاسم نبعته في رساله والفلوس بعد ما نسمع خبره
عبدالمنعم: تمام يا شيخ
سكرت منه وطووول للحوش
سميره: اهلا وينك
الياس: هني ..شن جابك هني
سميره :بوي ههه تبي تتعشى
الياس :معنديش نيه
سميره: تمام
مشيت لداري وقعمزت ع السرير قعدت نفكر فيها مراحتش من بالي قد ماحاولت نقيمها مقدرتش يلي صارلها جبل ميتحملاش كيف بتتصرف كيف بدير وخطيبها شن بيقول وقتها قعدت يومين واني كل تفكيري فيها
بعد يومين ....
كنت مقعمز في الجنان نشرب في قهوة
امي :يلي واخد عقلك
الياس: مافي حد واخده
امي: خلاص ريحني وتزوج
الياس: ببسمه حزينه قلقتي مني
امي: لا انت اعز ولادي نبي نشوفك واخد بنت حلال وعندك ولاد
الياس: ربك كريم
بعد اسبوعين...
الياس: اهلا
اسامه: اهلين
الياس: خيرك شكلك مش تمام
اسامه: اختي متعبتني
الياس: منو ختام
اسامه: اي فسخت من خطيبها من غير ماتقول وتوا جايهاموضوع معنده متبيش مع انه كويس بكل
الياس: منو
اسامه :خو علي طارق راجل مزبوط وولد حلال
الياس: خليها ع راحتها
اسامه: مستحيل ..تتزوج يعني تتزوج حتى اني نبي نتهنى عليها وهو حد نوتق فيه
الياس: طبس راسه ورفعه تاني وابتسم واني توتق فيا وتعطيهالي
الصبح....
اسامه: الو ياعلي
علي :اهلا شن الجو
اسامه: تمام شن بنقولك راهومصارش من الموضوع
علي: اا فيها خيره حتى وفاء قالت متبيش
اسامه: سامحنا
علي: ولو هدي قسمه ونصيب
الوقت الحالي.....
دخلت للمربوعه وقلبي يدق خااايفه منعرفس علاش نحس في الكل قادرين يشوفو اني وحده مغتصبه بديت نخاف من اي نظره بديت نخاف ان نكون مع راجل
اسامه: قعمزي
ختام: السلام عليكم
الياس: وعليكم السلام......يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
