**عشق زارني بعد حبك**

الحلقة الثانيه والثلاثون

لا احلل النشر
**عشق زارني بعد خبك**حلقة32
للكاتبه*سونيا ايلين*

الياس .. لما كلمتني ناديه منعرفش علاش روحت جري منعرفش علاش نبي نعيش دور العريس منعرفش علاش فيا فرح وحزن في نفس الوقت

دخلت فتحت الباب بالشويه ومشيت لدارها كانت تشوف للمرايه متاع وحده عجبه بروحها...واني نشوفلها وكأني.... معجب
ختام :مش حرام الجمال هدا بلا راجل
الياس: حاط يديه في جيوبه شن اني حيط في الحوش
ختام:😨😨😨
الياس: واتيه كان بتنزلي ومشى لداره
ختام: به
مكانش قصدي انقص من رجولته بالعكس كان قصدي ان لو كنت متزوجه وزوجي بجد زوجي

الياس ...مشيت للدار واني كان نلقى نكسر اي شي شن قصدها يعني مش راجل
ختام :الياس
الياس: نعم
ختام: نبي نقولك حاجه
الياس ينحي في تشيرته: نعم
ختام: هكي من ورا الباب
الياس: نعم اهو فتحت
ختام:😨😨
الياس: خيرك
ختام لاشي وكيف بتمشي
الياس :تعالي جاي شن تبي
ختام طبست راسها :زعلت مني
الياس: لا عادي
ختام :انت فهمت قصدي غلط وع العموم انت احسن راجل قابلته لتوا لان يلي درته ميديره حد وكيف بنمشي شدلي يديا
الياس: فهميني قصدك الصح
ختام:😨
الياس :كان واتيه هيا
مشيت من بحداه واني قلبي بيطلع من صدري كيف شدي يديا تمنيت لو ان هلبه غلطات ماصاروش في حياتي ☹

**اصعب المواقف ان يكون لك مشاعر لشخص تعلم انه من المستحيلات ان يبادلك نصفها...**

كملنا ونزلنا لوطه كان اهلي موجودين سلمت ع الكل واني بين الفرح والحزن وبعدين قعمزنا مع بعض كان يبتسم والتوتر هارب منه حسيته ريلاكس
عمتي :تعالى قص الكيكه
الياس: لا فكوني من جو النسون
ناديه: تكلمي ختام
ختام: هيا بيبي😶
الياس :😒
ناض وشد يديا وقصينا الكيك مع بعض وباش تكمل المسرحيه وكلني ونوكلك
ابرار: بنت عمته الياس اول طرف ليا
الياس :باهي اعطيعولها يا ناديةا
برار :يسلم ولد خالي😍
ختام🤐
طلع الياس وكملنا اجواء البيان وكانت حلوة بوجود اهلي

مع الساعه ١٢....
ختام :نعاونكم
ناديه: اركبي اكيد راجلك والعه فيه النار
ركبت واني في خاطري اما نار بالله 😓ربي يكون في عوني وعونه

دخلت للحوش ومشيت لداري حاولت نفتح السوريتا بس مابتش
الياس سمعتها دخلت للحوش وكنت نبي اي سبله انكلمها بيها مشيت لدارها وفتحت الباب

ختام :هاي خبط😡
الياس :اسف تبي نساعدك
ختام :به افتحلي
الياس :تعالي....خيرك معصبه
ختام :شي ...من هي البنت يلي تبي كيكه
الياس :بنت عمتي
ختام :باسله
الياس :علاش
ختام :مفروض تحشمت حتى مني قصدي واقفه جنبك اني مش حيط
الياس: نحساب بينا اتفاق😎
ختام: هدا كله مفتحتهاش😒
الياس :كملت متبي شي
ختام :لا
الياس... مشيت للدار واتكيت غمضت عيوني ياربي اني مش صغير عمري35ساكن مع مرا هي في دار واني في دار في يوم كان عندي شعور ليها بس انهد رغم هدا كل منشوفها يجيني نفس الشعور قعدت نفكر ونفكر في الاخير قررت ان نقوللها نحاولو نكونو زوجين طبيعين رغم يلي صار ويا تصيب ياتخيب

ختام ...غيرت واتكيت وقعدت نفكر هدي تاني ليله معاه في حوش اول حب ليا حبيب المراهقه احلامي بيه قبل مش ببلاش... الياس اكتر راجل شفت فيه الرجوله قلبي صح تعلق بي ايمن بس سيبني رغم انه عارف اني شنو والياس ع خاطر اهلي وسمعتي ضحى بروحه وخداني صح عندي ليه مشاعر بس بعد تفكير قررت نقوله ان لازم ....

الصبح نضت دوشت وغيرت ووتيت الفطور كنت لابسه قفطان موريتاني تاني لان منقدرش نلبس ارواب يلي خدوهم خواتي...
الياس ...نضت الصبح طلعت من الدار لقيتها موتيه الفطور قعمزت نفطر وكانت ساكته فطرنا ومشيت للصاله نتفرج وعقلي معاها لين جت
الياس :تعالي شويه
ختام :نعم
الياس: قعمزي
ختام: في حاجه
الياس: اسمعي ختام حني توا متزوجين صح يعني مفيش داعي تقضي كامل يومك في الدار قصدي عادي تقدري تهدرزي معاي معاش نبيك تشوفيلي ع اساس صاحب خوك او طلعتك.من مشكله نبيك تشوفيلي عادي
ختام :ان شاء الله اصلا حتى اني امس كنت بنقولك صح بينا اتفاق بس نقدرو نلغوه
الياس بفرحه داخليه: كيف يعني شن تبي
ختام: لا متفهمنيش غلط اني منبيش نقولك نحاولو نكونو زوجين عارفه انه صعب علينا الزوز بس مايمنعش نحاولو نكونو اصدقاء لان انت متبيش توا اطلقني ومستحيل نعيشو كل واحد في حاله وحني في حوش واحد
الياس.... تمنيتها قالت نحاولو او لمحت حتى شويه كنت بجد حنحاول بس شكلها معندها شي ليا والافضل نكونو مجرد ....اصدقاء....يتبع