**عشق زارني بعد حبك**

الحلقة الحاديه عشر

لا احلل النشر
**عشق زارني بعد حبك**حلقة11
للكاتبه*سونيا ايلين*

وفاء: داهيه
ختام :حتى يلي جنبه حلو وسعره حلو😊
خديته وروحنا ولان كنت تعبانه صليت ورقدت طووول

فات الايام هديكا واني نطلع كل يوم نشري نواقصي حجزت الموالح متاع البيان ووصيت ع عصير فريش
وحلويات

يوم الخميس....
جو عماتي وخلاتي وبناتهم من الصبح لان الفضانيه العشيه كنت متوتره وداخله بعضي مره نظم ومره نحوس😂😂
سلمه :بنت عمتي بري قعمزي ماديري شي
ختام: لا خليني نتحرك باش ننسى
جت العشيه وبدا الحوش يزحم بخوالي وعمامي
ترن ترن...
ختام :ها ايمن شنو
ايمن: خيرك بس
ختام :شن تبي
ايمن: ههه اول مره نحسك متوتره
ختام :ههه قلبي بيطلع من صدري
ايمن :طلعو الرجاله شويه ويكونو عندكم
ختام: كدبه ووك عليا😨
ايمن: كان متبيش انردهم😅
ختام :عينك
ايمن: هدا فضانيه وترعشي مانا فاتحه كيف
ختام :طلعت خوافه😟
ايمن: اتكى ع السرير والخميس كيف
ختام :لا الخميس نهيج بالفيلو بعدين نروح لسريري😊😊
ايمن :يعطوك تخشي للحوش طووول ع سريري
ختام: انحبك هلبه
ايمن :واني مجنون بيك
ختام هي سكر خلي انمرعشهم😁
سكرت منه ومشيت قلت للعيله كملنا تجهيز لين جو
طبعا كنت ع اعصابي موووت مع انه نعرفه موضوع منتهي بس لازم من التوتر 😄فات الوقت وتمت الفضانيه ع خير واتفقو وقريب طرت من الفرحه
امي :هيا ياسرك بري للمزين
ختام :باهي هي خلي نقول لاسامه
كلمته وطلعت طول للمزين

مع المغرب بدا حوشنا يزحم والكل طارح ومغير عزمت صاحباتي وصاحبات ازهار وامي عزمت عمتي مريم وبناتها
اسامه: شنو وين ماشي
الياس :والله للحوش نكسد وفي الليل بنطلع للحوازه مدايرين عشاء
اسامه :لا عشاك عندي قعمز معاي
الياس: تسلم

المزين: تبارك الرحمااان حلوه
ختام: يسلمك
المزين: ربي يحفضك ويهنيك
طلعت هاتفي ونتصل بي اسامه ميردش
ختام: وفاء وين اسامه
وفاء :مشى يجيب في التورته
ختام: باهي نبي نروح المزين بتسكر كلمي علي
وفاء :علي كيف طلع يجيب الحار اكيد شويه ويجوك

سكرت منها وقعدت متحشمه لان المزين من الاول قتلي بعد المغرب تسكر
قعدت نتصل باسامه لين رد في الاخير
ختام: وينك اسامه
اسامه: عالق في الزحمه
ختام: اسامه المزين بتسكر والناس جت للحوش
اسامه: ماقلك حد تحجزي تورته من مكان في اخر الدنيا😠
ختام: والحل
اسامه :من الاخير نبي قريب ساعه تو نشوف حد يجيك
سكرت منه وقعدت متحشمه من المراء لان قلتلها ينروح بكري😣
اسامه: ياوالله حال علي حتى هو مش فاضي معاش قدامي حد الا

الياس... تحشمت من اسامه وقعدت والحق معنديش فيه جو البيانات كنت مقعمز ع الكرسي البرا ونلعب بهاتفي لييييين
ترن ترن...
الياس: وينك ياراجل مروح اني
اسامه: علقت في الزحمه اسمع ختام تبي تروح تمشيلها
الياس تمام وين مكانها
عطاني العنوان وكلمت اختي محصلتهاش معرفتش كيف نتصرف
الياس:اسامه التغطيه متشدش مقدرتش نكلم ناديه
اسامه: برا بروحك عندي تقة فيك زي خوي راك

اسامه: الو
ختام :شن صار
اسامه: شويه ويجيك الياس
ختام :اااه تمام
ختام ...قلبي صح كااان يدق بس لما سمعت اسم الياس غييييير
قعدت نستنى ومتوترة طبعا توتر البيان اختفى وتوا عندي توتر من شوفة الياس
الياس: الو اسامه كلمها تطلع
اسامه تمام
طلعت وطبعا ساعدتني المزين باش نركب
الياس: اهلين ببسمه
ختام: وقلبها قريب يطلع اهلا
الياس: مبارك عليك
ختام: تسلم

كنت طووول الطريق مش فاهمه خيرني ع لحظه كنت بنقوله ان عندي زحمه مشاعر ليه مش فاهمتها

الياس شخصيه صعبه وصفها يلي يشوفه يقول متكبر ومغرور
اااخ تمنيت ماشفتااااش تمنيت اليوم يكون لي ايمن وبس.....يتبع