لا احلل النشر لا دنيا ولا اخره
**عشق زارني بعد حبك**حلقة53
للكاتبه *سونيا ايلين*
بعد ايام بديت نقرا لامتحاني صح مش زي قبل بس اقل شي نصفي حتى ع خاطر اهلي ..بالنسبه لي ايمن معاش اتصل
امي :يابنات نوضو هيا
ازهار :شن في
امي :وفاء جابت بنيه
ختام نطت من مكانها :اااا حاق
امي :هيا البسو خلي نمشولها
نضت لبست عبايه ووشاح وطبعا وجهي ميه فقط ومشينا للمصحه
امي: تبارك الرحمان غزاله
اسامه: تشبهلي😍
ختام: ان شاء الله لا😒
اسامه :شن حسك قلتي
ازهار:من زيها تطلع لخالها عينه خضر
امي: امتى بتروحي
وفاء: نستنى في المرور وبنطلع مليييت
علي :خلي نمشيلهم نشوف اجراءات الخروج
قعدنا حني حدا البنت وكأنها عمرها شهر وحني نتعركو من بيشدها
الممرضه:😁 حرام عليكم خدودها دابو
امي :اطلقو البنت
ختام: تهبل كيوووت
علي: تمام هكي
موضف الريسبشن :تمام
اسامه: اووو الياس كيفك
الياس :تمام فاش ادير هني
اسامه :اختي زادت بنت وانت
الياس: مبارك عليكم الحاجه تعبت امس دخلتها هني
اسامه: لاباس والله ما سمعنا
الياس: الضغط ارتفع والله
اسامه: لا باس عليها
ازهار: شوفي خدودها حمر تجنن
وفاء: تي هاتي الفرخه حمر من البوسان الزايد
اسامه: هيا شنو
امي :روح بالبنات للحوش واني قاعده مع اختك
ختام :يااام شن بنديرو في الحوش هي شويه وبتروح نروحو معاها ويجينا بعدين
وفاء: اي اصلا نبيهم يفرشولي الدار
امي: به
اسامة ام الياس راقده هني
ختام :بخوف خيرها
اسامه: بداية جلطه
ختام: وينها
اسامه: هيا يام بري مع بنتك شوفوها.... مشينا واني نبكي الحق انحبها هلبه دارتني كيف بنتها واني قصرت معاش اتصلت بيها باش ننسى الياس
دخلت للحجرة وكانت متكيه وجنبها ناديه وخلته وهو مقعمز وعاطي بظهره كنت مستاااحشه وخانتني دمعتي
عمتي: تعالي بنيتي
ختام تبكي: لاباس عليك والله خفت عليك
عمتي تبكي :والله فااااقداتك كانت امي وناديه يبكو حتى هما
الياس.... كنت نقعمز ونحاول نبان طبيييعي باش منزعلش امي لين دخلت ختام وسمعت صوتها ياالله قداش صوتها ليه قدرة يهز كياني طاحت في حظن امي وتبكي مقدرتش نتحمل طلعت برا
عمتي: الله غالب يا بنتي والله كنتي نوارة الحوش
ختام تبكي
امي: ناصيبات
ناديه: خلاص ختام
كنت نبكي لان هما عيلتي التانيه ورب العيله ميبينيييش☹
قعمزنا مشوار لين اتصل اسامه قال وفاء بتطلع خدينا الادن وطلعنا
الياس: صحيتي عمتي
امي :حني عيله وحده
كنت نشوفله ونشوفله بحب الدنيا بس هو ولاااا كأني موجوده
الياس... كنت شاد روحي بالسيف ومنبيس نتلامح منها شي والله قلبي كان ينتفض نفض من هلبه حاجات خفت انشوفلها ونغلط
مشينا خدينا وفاء وطلعنا طبعا بعد بروده جيهتي طارت النيه حتى من البيبي
مشينا لحوش وفاء وكان اهل زوجها غادي حاولت ننسى يلي صار ونغير جو مع الناس
بعد ايام ....
طبعا قعدنا عند وفاء باش نلهو بي البيبي وع اساس نافس😅 وامتحاني الاول بعد اسبوع نحاول نقرا بس طلاقي ودخول ايمن لحياتي ومرواحت الياس وشوفته كلهم اسباب ان نسرح
ايمن معاااش بان بكل وع كلام سندس قالت حدد عرسه بعد شهرين تبو الحق ماحسيت بشي بكل بالعكس فرحتله اقل شي واحد فينا يكمل حياته صح وهكي قعدت اني والياس💔
الياس ....روحت بامي بعد رقدت يومين الحمد لله حالها احسن بس لازم تحااافظ هلبه كان الحوش ديمه زحمه في الماشي والجاي بالدات ان معارفنا هلبه
في الليل...
ناديه :وااك تعبت موووت
عمتي: يعطيك صحتك بنتي
خالته :وخيتي توا بنتك بتروح لازم تلقي حل
عمتي: والله ياريت يرد مرته والله طيبه وبنت ناس
ناديه :ياريت حرام عليه مسكينه صغيره
عمتي :والله تعقد بعدها حتى شقته معاد ركبها
خالته: ربي يهدي ويحنن قلوبهم
كنت كيف بنطلع من الدار ونسمع في كلامهم اني كنت مقرر قرار في داخلي وناوي انديره..... لين سمعت الباب يخبط
...... السلام عليكم
الياس باستغرب وعليكم السلام تفضل خوي......يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
