لا احلل النشر
**عشق زارني بعد حبك**حلقه34
للكاتبه *سونيا ايلين*
الياس :خيرك حسيتك مش تمام
ختام :لا شي
الياس: كان معجباتكش التعليقه نردها
ختام عيونها دموع: لا حلوة بس مليهاش داعي حني مصيرنا معروف سلام توا
نزلت وكنت كان نلقى نطربق دخلت للمزين ومشيت للحمام وقفت قدام المرايا تفكرت احمد وحبه وكيف سيبني... وسخفني الياس اني عقلي مع غيره وهو مضايق عليا طلعت وبدتلي المزين واني عقلي مش في راسي
الياس..ظ حطيتها في المزين ومشيت خديت هديه لي اسامه ودرت دوره ع البحر مع العصر مشيتلها
ايمن.. روحت للحوش تغديت وقعمزت مع اهلي شويه ومشيت لداري فتحت التاكم وتفرجت فيه تفكرت ختام وكيف لبستها دموعي خانوني ونزلو اول مره نبكي ع بنت بنت بجد حبيتها بس ماقدرتش ناخدها بعد ماخسرت شرفها ....سيبتها من هني وطول قلت لاهلي بخطبولي اشراق حاولت ننسى بيها ختام بس كل ماتكلمني نتفكرها نتفكر كلامها واسلوبها ..ضحكتها نتفكر شعرها وريحته نتفكر شفايفها وطعمتهم من الاخير بدل ما ننساها تعمقت فيها
ليا اكثر من شهرين مسمعتش خبر عليها غيرت الشفره باش معاش اتعب روحها وتتصل بيا لقيت روحي اني التعبان بجد ..مرات ننساهي لحظات بس اكتر وقتي نقول شن مدايره بعد مصيبتها وتوا جت ع بالي هلبه ولازم ننساها
ايمن :الو
اشراق: اهلا اهلا حمدلله ع سلامتك
ايمن: يسلمك
اشراق: ليك وحشه بجد
ايمن ...
اشراق :شن مستاحشتش
ايمن :انتي تعرفي
**من الصعب ان نقتل مشاعر داخل صدورنا وجدت لتكون للابد...ومن الاصعب ان نولد مشاعر ليست موجوده اصلا...**
قعدت نهدرز عليها او تقدرو تقولو سايرتها وسكرت نضت لبست ووتيت روحي لان اليوم ....بياني
الياس :كملتي
ختام :اي
الياس: اطلعي به
خديت برنوسي وكيف بنطلع نلقاه قدامي
الياس: هاتي يديك
شدلي يديا ووصلني للسياره كنا طريق كامله ساكتين وكل واحد عنده سبب سكوته
اني كانت مشاعري ملخبطه وكلها ناضت لايمن لان بجد نعشقه والياس سبب سكوته..
الياس... طبعي صعب وعصبي بس من النوع يلي نكبد ونكبد للموت كنت ساكت لان نعرف ان بنروح للحوش بلاها صح ماكناش نهدرزو هلبه بس في الاخير تبقى مرتي ولو على الورق
وصلنا للحوش وكانت عمتي وناديه وخالاته غادي
عمتي: الصلاه ع النبي
خالته: ياهكي الكنون يالا
ابرار :عاد مش للدرجه هادي يسلم الستوك😒
ناديه :هيا واتين
ختام: نبي حاجات من فوق
عمتي: ركب مرتك
ركبت وكان شاد يديا لاني لابسه عربي كنت نحس بدفء يديه بنبضهم بحرارتهم كأنه مش شاد يديا كأنه ضامني كلي
دخلت للحوش ونحيت البرموس ومشيت للدار
الياس... مشيت لداري طلعت عربي ولبسته وعطرت وطلعت
الياس :شن مازال
ختام: اها نحط هادي بس
الياس.. كانت تجنن بمعنى الكلمه طالعه ملكه ا
لا يمل من الفرجه فيها
الياس؛ ختام
ختام :تسكر في الشنطه نعم
الياس قرب منها: لما نتكلم شوفيلي
ختام :ايوا
الياس: تفضلي
ختام :شنو
الياس :هدا هديه ليك
ختام :مش جبت تعليقه بكري
الياس: اي بس هدا مني ليك
ختام :عيونها دموع
الياس: لاش البكاء
ختام: شي
الياس :خيرك مش عاجبتني
ختام: شي بس شكرا ع كل شي درته ليا
الياس: اسسس مافيش شكر بينا
ختام :سامحني تعبتك معاي من الاول سامحني ورطك في مشاكلي
الياس: علاش جبتي السيره هدي انسيها
ختام: هكي لانك كل مااديرلي حاجه حلوة قلبي يوجعني
الياس: علاش
ختام :بصدق انت مفيش زيك وربي يبعتلك يلي تسعدك بجد
الياس ابتسم: امين
ختام تمسح في دموعها
الياس: لبزتي مكياجك
ختام :حاق كنت واقفه ع المرايا وهو وراي
ختام :بلعوط
الياس: تحشمي راني اكبر منك
ختام: تساوي في قصتها عارفاتك شيباني
الياس ابتسم :عندك علم انك حلوه
ختام:😨
الياس: قصديي العربي طالع حلو
ختام: تسلم
لميت حاجاتي وطلعت
الياس... طلعنا من الحوش وركبت جنبي تفكرت كيف وصلتها في بيانها وكيف شافتلي في المرايا حبيت نسألها بس حسيته مش وقته بس شعور حلو انها راكبه جنبي ولاننا جيران ماطالش الاحساس هدا
ختام: اااخ مستاااحشه هيا انزل
الياس:.ختام حتى حوشك بيستاحشك
ختام :تسلم
**هناك مشاعر تأتينا في زحمه مشاعر تمنعنا من فهمها....يتبع**
ايمن لبست وتأنقت ومشيت كانو اهلي فرحانين.. من الاول رفضت نلبس اني بس امي اصرت وحتى هيا
ايمن ببسمه هاديه مبروك
اشراق تسلم خيرك مابيتش تدخل
ايمن طلع الدبله برواحنا خير
اشراق😍
ايمن هاتي يديك
لبستها الخاتم وحسيت بخنقه بغصه كأني ربطت حياتي بحد غلط
اني ظلمت ختام لما سيبتها وظلمت اشراق لما خديتها وظلمت روحي لما ظلمتهم الزوز...
ياريت لو نقدر نمسحك من قلبي ياريت لو نقدر ننساك بس للاسف في حاجات تقعد تنغص علينا حياتنا للموت اسمها....ذكريات حزينه....يتبع
.
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
