**عشق زارني بعد حبك**

الحلقة السابعة

لا احلل النشر
**عشق زارني بعد الحب**حلقة 7
للكاتبة*سونيا ايلين*

سكرت منه ونشيت للحمام كل ما نغسل وجهي يزيدو دموعي
ازهار :اطلعي هيا
طلعت من الحمام دخلت طلعت قفطان قصير دانتيل ع البيج وسشورت قصتي ومشيت للمطبخ
وفاء :ايو ايوا طالعه حلوه
ختام ....
وفاء: خيرك متبيش
ختام: نبي نمووت
اسامه: تعالي جاي
ختام: نعم
اسامه: بري ديري شويه زواق زي يلي اديري فيه في العرس
امي :لا حتى هكي حلوه
اسامه اسمعي انتي والفرخه اختك المكياج لوحوه راني فاهم جو البنااات كله
طلعت وخليته يرفس
دخلت للدار وبعتتله مسج
**ايمن اني بجد نحبك ونبيك تعودت عليك وكبدت قلبي ميتحملش نفقدك بجد انحبك**

ايمن **ربي يهنيك صدقيني يلي خطبك اكيييد شاريك**

توقعت يبعتلي ارفضي اني نبيك بس قتل الامل فيا
وفاء: هااي الناس وصلو
ختام: به
وفاء: اطلعي شن به
وقفت قدام المرايه ومسحت دموعي ودرت بودره وقلس وماسكارا وطلعت

امي؛ بالجوده بيكم
المرا: وبيك ياحنه
اخته: وين العروس
وفاء :شويه وتجي ختام حشومه
كنت نسمع فيهم خديت نفس عميق ودخلت
المراء :تبارك الرحمااان تجنن
اخته: عرف يختار وخي
امي :يسلمكم
سلمت و قعمزت سايرتهم
امي: من بعتكم
المرا :والله هو شايفها وعجباته وشكروها الناس لما سألنا وشكروكم كعيله
امي: يسلمكم
المرا :حني جينا نشوفوها والحق عجبتنا كان وافقت انديرو البيان بعد ميروح وليدي
امي: ان شاء الله
المرا :والله يخدم الحمد لله بحوشه وسيارته
امي :باهي ربي يكمل ع خير
اخته :شن يا عروسه مقلتيش شن رايك
ختام :الشور شور اهلي
المرا :ربي يكملك عقلك بنيتي عرف يختار وليدي
امي :يسلمك
المرا :خلاص كان موافقين خلي انقوله الحق مستعجل والحق باش يروح طول انديرو فضانيه وتلبيسه
امي: وهو سليمته وين
المرا: والله ولدي يخدم في الصحراء شهر بشهر

هنيييي اني جمدت معقوووله يخدم زي ايمن قلبي قعد يدق
امي: ربي يوفقه باهي
ختام تقرص في وفاء:اسأليهم شن اسمه
وفاء :باهي ربي يفتحها في وجهه...شن اسمه وليدكم
امه :ايمن ال......عمره ٣٠ مهندس نفط

يا ناس قرييييب اغمى عليا تعابير وجهي تغيرو قريب قعمزت في حجرها من الفرحه😅

يابناااات سبحان مغير الاحوااال في تانيه وليت نضحك وجو حلو كيف عاد عروسه 😊
هدرزو شويه وبعدين ناضو
امه:هوني اسألو علينا وردو
امي :ان شاء الله
طلعو من هني واني طول للدار انقز ع السرير
**حتجوز حاااتجاااوز ..حتجوز حاااتجااوز**
ازهار :ربي يتبت عقلك خيرك
نزلت ضميتها :ايمن هو نفسه
ازهار: شن هو
ختام :ايمن بعت اهله باش يشوفونييي
ازهار: اااا وكنتي منكدتها علينا
ختام: الله احلى حاجه صارتلي بكللل
ترن ترن...
ازهار :ايمن ردي
ختام عينه تو نوريه كان مدوختاش 😒

ايمن... كنت نقعمز ع اعصابي نقول زعما شن وضعها شن قالت عرفت ان اني نفسه او لا الحق خلعتها هلبه روحت امي وقتلي عيله ما شاء الله والبنت خيااال بس اتصلت وماتردش

اسامه: تو نسأل عليه
امي :والله المرا ارتحتلها
اسامه: عيلتهم معروفه وبنتك شن رايها
وفاء: ختام ختاااام
ختام: ايوا جيت ها
امي : شن رايك باش نعرف شن انقول
ختام :موافقه اكيد
اسامه مستغرب:مش بكري تبكي وتقولي صغيره وقرايه
ختام: لا ماهو اقتنعت خلاص 😊
اسامه: كان مشفتكش بكري اهو قلت تعرفيه
ازهار :ومن وين بتعرفه هو طول الوقت في الصحراء
اسامه :ناض باهي شوفي بنتك وتأكدي منها لان عقلها صغير
ختام: خلاص موااافقه😍
اسامه: تمام متبو شي
امي: وين ماشي
اسامه: ماشي عند الياس
امي: باهي وسلم ع امه ومتعطلش

تدخلت لداري ولقيته متصل قريب ٢٤ مره بس تو يشوف مش حنرد طلعت درت بيتزا طبعا جعااانه وحطينا تعشينا وهو يتصل

في الليل....
ازهار :لوحي الكتاب وردي
ختام :عينه تو نربيه
ازهار :ردي حرام عليك
ختام :اوووف
ايمن.... كنت ع اعصابي معرفتش علاش متردش خفت وعصبت قلت زعما اهلها رفضو معاااش فهمت لين
تفتح الخط....
ايمن :الو ختام خيرك مترديش
ختام :نعم شن تبي
ايمن :خيرك تتكلمي هكي
ختام :كيف تبيني نتكلم مش كل شي تم بينا علاش تتصل
ايمن :من قال تم
ختام: متهبلنيش انت مبكري قلت نشوف نصيبي ويلي جا خير منك
ايمن :به ومن جاك
ختام: يلي جا جا المهم رفضته وتم
ايمن: فاش تقولي اني بعتت اهلي
ختام: نعرف انهم اهلك بس انت قتلي نشوف غيرك
ايمن: تشوفي عينك نقتلك ونقتله
ختام: لا نقتل لا سو اسامه رفض
ايمن :شن هو علاش
ختام تضحك بالذويه لانك اكبر مني فرق 11 سنه
ايمن: انتي شايفه روحك كيف تتكلمي
ختام: اي واقفه قدام المرايا وهي باي توا لان وراي عمل😎 قصدي قرايه😅
ازهار: حرام عليك
ختام: تو يشوف زي محرقلي عصابي نحرقله اعصااابه
حطيت راسي ع المخده ورقدت قعدت نفكر فيه خااطري نكلمه بس لازم يحرم يخلعني
ايمن... خديت الهاتف وحدفته ع طووول يدي وطلعت البرا مع الشباب قعمزت دقيقه ورجعت للدار شفته لقيت الشاشه مكسره خبطت راسي لان معنديش غيره ورقمها فيه قريييب هبلت قريب جنيت ومكانش قدامي حل الا....يتبع