**عشق زارني بعد حبك**

الحلقة التاسعة والاربعون

لا احلل النشر
*عشق زارني بعد حبك**حلقه49
للكاتبة *سونيا ايلين*

ياربي هدا شنو ياربي منين جاب الرقم
كنت خايفه هلبه حسيت ان حياتي بتنهد كل مانقول نسيته وتم موضوعه يرجع ويعدبني تاني معاش عرفت يومها شن اندير الياس طبعه صعب وغيور وممكن تصيرلي مشكله مسحت المحادته وسكرت النت واني نقول يحليلي تو يلقى النت مقفل احتمال يتصل سكرت الهاتف وحطيته في الدولاب حاولت نهدي روحي لان التوتر باااين ع وجهي شويه وركب الياس

مشيت جري للحمام سكرته واني نرعش اني من النوع يلي يبان ع وجهي كل شي قعدت نغسل في وجهي وطلعت
الياس شدها من وسطها: شنو هدا كله معرفتهاش دار النوم اني من كتر الزينه
ختام :تستاهل
الياس :خيرك ترعشي
ختام: شكلي بنمرض
الياس حط يديه ع راسي: معندكش حرارة
ختام: صقعانه
الياس :تعالي
دخلت تحت البطانيه واني نرعش زي الجريده حضني ليه وقعد يحك ع ظهري بيديه
الياس: اششش علاش البكاء
ختام :تعبااانه
الياس: خيرك
ختام :نبي نرقد
الياس :تعالي في حظني
ختام في حظنه وظماته بقوة: سامحني فسدت عليك ليلتك
الياس: مش صغير اني.... المهم انتي معاي وبس
قعدت مشوار في حظنه لين رقد هو نضت خديت هاتفي ومشيت للحمام فتحته وملقيتش لا رسايل ولا مكالمات للحظة قلت شكلي نحلم سكرته ورقدت

ايمن روحت من الصحراء كسدت مع اهلي ورتحت مشوار نضت العصر لقيت امي لابسه وتبي تمشي لحوش اشراق حاولت نتسبل بالتعب بس رغم عني مشيت و سايرتها... اشراق حلوة وكويسه بس ختام في راسي مابتش تتحول قعدنا جو ساعة وروحنا
امه: ها شنو رايك فيها
ايمن: شن كل مرة بنقوله
امه :المهم غاجباتك
ايمن هز راسه بمعنى اي
امه :باهي ربي يهني بوك كلم عمك وحددو العرس بعد ماتروح المرة الجايه
ايمن وقف السيارة :شن هو من قاللكم حددو من وراي
امه: خيرك ياولدي
ايمن: اني ماقلت لحد يتكلم بلساني اني نقرر مفهوووم
امه كلم بوك متعصبش عليا مدامك موافق علاش طولت الخطبه
وصلت امي للحوش وطلعت سهرت مع الشباب واني مقرر نكلم ختام بعتلها رسايل وقلت اكيد تشوف الرقم وتعرفني

نظت الصبح درت الفطور وسقدته للعمل ومشيت جري لهاتفي فتحته ملقيت شي
قعدت.نقنع في نفسي اني نتخيل لانه ميعرفش رقمي الجديد

العشيه كنت مكسده عند عمتي جت ناديه درت كيك ونسكافي وج حلو وحتى جارتهم جت
عمتي منيره: شن كنينتك مش حامل
عمتي :لا مازال ربي يحن
عمتي :منيرة عاينتي
ختام: اي
عمتي: صغيره مازال تو تحمل
عمتي منيره: خودي دواء العرب وديري حجامه شن صغيره😒

اني الموضوع هدا نتحسس منه 😢زدت معاهم شويه وركبت فوق غيرت ولبست كت وشورت ودرت شعري فوق وقلت نحط العشاء لين سمعت الهاتف يرن وهو في الشحن

لقيت رسايل فايبر...

هلا ختام شن معرفتيش صاحبتك موده
خيرك مش معدله
قتلك نبيك في موضوع ضروري
ردي لان المرة الجايه بنتصل
قعدت نقرا والرعب راكبني خيييره معاي هبل او شن
قعدت ندور في مكاني معاش عرفت شن اندير قلت خلي نكلمه ونفهمه ان اني متزوجه وعيب يلي يدير فيه
كيف بنبعت رساله
ترن ترن...
ختام :الو
الياس: هلا حبي اسمعي اني بنعطل ماشي للاستراحه مع الشباب نروح مع 12
ختام :تمام
سكرت منه وقلت مدام الياس مش حيروح توا خلي نكلمه ونفهمه ان رح يخربلي حوشي

بعتت رساله فايبر
ختام: الو
ايمن :اهلين وينك اني موده
ختام: ايمن شن تبي
ايمن :قاعدة حافضه رقمي
ختام: شن تبييي
ايمن :نبيك انتي
ختام: ايمن اني متزوجه وعيب يلي ادير فيه
ايمن :عارفك متزوجه غصب
ختام: انت شن تبي به
ايمن :نبيك ترجعيلي
ختام: مستحيل
ايمن :علاش
ختام :انت لوحتني لما كنت محتاجاتك وزوجي سترني ودارلي قيمه انت شن درتلي ااا انت زدت دمرتني
ايمن :يعني وافقتي عليه ع خاطر الستر بس صح
ختام :مش مهم
ايمن :اني خطبت بنت بعد سيبتك وتوا دبلتها في يدي

ختام ....لما قريت جملته هادي انهرت بكاء انهرت بجد كان حلمي ان نكون مرته ان نكون معاه هو حب حقيقي كان عندي هو فرحتي بس تحرمت منه متوقعتش انه يحب عليا اويفكر يلمس غيري لحظتها حسيت بشعور حب التملك حسيت بالغيره
ايمن :وين مشيتي
ختام تمسح في دموعها :تحبها
ايمن: شن رايك
ختام :معاش فاهمه شي
ايمن :لو نجبها منقلش نبيك انتي تعرفيني كويس
ختام :متوقعتكش اتحب بعدي بسرعه
ايمن: واني متوقعتكش تتزوجي بسرعة
ختام :اني ظرفي قاهر والياس ستر عليا
ايمن: تحبيه

مقدرتش نرد ونقوله نعشقه مقدرتش نجرح مشاعره رغم انه لما سيبني جرحلي انوثي المسلوبه جرحني موووت
ايمن الو ردي
سكرت النت ونزلت عالارض بكييييت بكييت كل مانحاول ننسى نرجع نتفكر وجعني ايمن يلي كسرني تمنيت لحظتها ان لو.... حطيت الهاتف من يدي ومشيت للمطبخ انطيب كنت سرحااانه
كملت تاطيي صليت العشاء وتفكرت ان ممسحتش المحادته مشيت فتحت النت لقيته باعت

الوو ختام
وينك ردي عليا تحبيييه لاني تعبان من يوم سيبتك معرفتش نعيش معرفتش نحب خطيبتي ..حتى النوم جافاني كنت نحاول ننساك بس حتى النسيان متفكرك اني حبيتك وعشقتك بس ضعفت وخانتني قوتي ان نقولك نبيك حتى لو كنتي مغتصبه بس لما عرفت انك تزوجتي وانه عارف قصتك عرفت ان في راجل اقوى مني قدر يتزوجك عرفت ان في راجل قلبه حبك اكتر مني رغم ان قلبك كان معاي عرفت انك تزوجتي راجل بس نبيك تجاوبيني ع سؤال وبعدها نطلع طووول من حياتك لان منيش من النوع يلي يهين رجوله غيره ومش من النوع يلي يدمر حياة حد وخصوصا انتي
كنت نقرا ودموعي ع خدي حسيته يصارح فيا ع يلي مقدرش يقوله قبل حسيته يتأسف بطريقة ما ..مسحت المحادته وكتبت
شن: هو السؤال
ايمن: تجبيه
ختام :هلبه ونموت فيه سامحني ع صراحتي بس بجد الياس خدا قلبي واكتر
ايمن ...كنت نتمنى تقول لا ..تقول اي شي غير الحب وقتها عرفت ان خسرتها للابد خسرتها بجد ماكان عندي شي انديره الا ان دموعي ينزلو
ختام: منبيش مشاكل اني
ايمن: يمسح في دموعه واني مش متاع مشاكل
مسحت المحادته وكتبت
**ايمن انت قاعد تحبني زي قبل.**.....هادي خليتها بدون مسح
**لو تحبني انساني لاني متهنيه معاه**......وهادي مسحتها
استنيت الرد بس ماردش سمعت الباب تفتح خفت مسحت الرساله الاخيره من الخوف وخليت يلي قبلها
وحطيت الهاتف في الدولاب ومشيت للصاله
الياس :هلا قلبي وباسني
ختام هلا عمري: وضميته
الياس :ماقدرتش نعطل عليك استاحشتك موووت
ختام :واحسن شي انك روحت
الياس: باهي عمري حطي العشاء باش نتعشى ونلهى بحبي
ختام :به
مشيت للمطبخ واني حاسه اني غالطه وظالمه روحي وايمن والياس رغم ان اني المظلومة خلااص صفحة ايمن بنسكرها ربي يهنيه اني ربي عوضني براجل بمعنى الكلمه
الياس دخلت للدار نغير خديت حوايجي وقلت ندوش فتحت دولاب ختام باش ناخد المنشف شفت هاتفها يضوي عمري مافكرت نشده لان نوتق فيها بس شدني الفضول وياريته ماشدني
**ايمن انت قاعد انحبني زي قبل**
ايمن ......يتبع