لا احلل النشر
**عشق زارني بعد حبك**حلقه 26
للكاتبه *سونيا ايلين*
توترت لما شفته انصدمت شن جابه وكيف اسامه مقاليش قصدي ماسح بيا مبكري وتوا جاء لا وفوقها وشاحي بعيد عليا😨😨
الياس... كانت متكيه ولما شافتني خشت بعضها.. بغض النظر عن كل شي بس تبارك الرحمان زينهة يقتل
الياس: الحمد لله ع سلامتك
ختام :شكرا
الياس :خدا الكرسي وقعمز جنبها
ختام :كنت مطبسه راسي معنديش وجه انشوفله بالدات بعد يلي قاله
الياس: سامحيني ع الكلام يلي قلته كنت معصب
ختام :لا عادي انت مغلطش هادي فضيحتي
الياس طبس راسه وتحشم: اني منبش من يهدرز في الليل
ختام شافتله: مانا انت علاش متصل باش تشوفني مشغول او لا😒
الياس:😨😨
الياس: انتي علاش شربتي دوا
ختام: باش نرتاح ونريح ع قولت بعض الناس
الياس: باهي انتي متبيش تتزوجي
ختام: 🤐
الياس: لما نكلمك تكلمي 😡
ختام :منعرفش
الياس: تمام انتي بتحكي لي اسامه يلي صار
ختام: مستحيل منقدرش
الياس: به حني زي ماقتلك نتزوجو شهور وننفصلو وتكملي عادي
ختام :تبي تربح اجر
الياس وقف :اسمعي ختام اني عرضت عليك وانتي قرري
اسامه: باستغراب شن بتقرر
ختام:😨😨
الياس: قلتلها العرس بعد اسبوعين
ختام: 😨😨😨😨😨😨 اني في ورطه وهو يزاد ورطني
اسامه: منبيش نضغط عليك قولي من توا
ختام تمسح في دموعها: به
روحو من بحداي واني رقدت بسبب للاجهاد والتعب قعدنا يومين وبعدين روحنا
طووول الطريق واني نشوف للروشن مرات نغفى ومرات نسرح
اسامه :ختام زيدي ورا الياس شمس
ختام: به
زدت من جيهته وحسيت روحي زدت توترت لان نعرف انه بيشوفلي من المرايا
**اصعب شي ان نفقد تقتنا في انفسنا تموت ضحكتنا ونحن ع قيد الحياة..**
الياس ..كانت تشوف للروشن والحزن معبي عيونها كنت نشوفلها اكتر مانشوف للطريق ملامحها الهاديه وعيونه البريئه لو مصارش معاها هكي كنت ممكن نكون...(عاشق)
كنت سرحانه تفكرت لما ركبت معاه يوم البيان وقلبي كيف يدق نزلو دموعي ع ليمن يلي خلاني ميعرفش ادا كنت حيه او ميته اني عشقت ايمن وهو مسألش عليا بكل قعدت نفكر لييين رقدت
الياس.. قعدت انشوفلها من المرايا هدوءها سكونها كله طغى عليه حزنها
اسامه: ختام هيا انزلي
ختام: وصلنا
اسامه: اي
نزلت من السياره ودخلت طبعا الحوش كان معبى خالاتي وعماتي وكان لازم نمشي بالشوية ع اساس زايده وعمليه😊
سلمت ع الكل وقعمزت بحداهم
خالتي: والله رعشنا عليك
عمتي: اي والله باهي منفجرتش
ختام.. في خاطرها ياريت انفجرت وفجرت معاها كل شي وارتحت
ايمان بنت خالتي: ياكلبه متقوليش يلي دخل مع اسامه خطيبك الجديد
ختام ببسمه :اي
صبرين: وك منك منين اطيحي فيهم بس
ختام: يرزق من حيث يشاء
قعمزنا مشوار وبعدين ناداني اسامه
ختام :نعم
اسامه: الياس يبي يشوفك
ختام :علاش كنت معاه في السيارة
اسامه: بلا جو بري حطي وشاحك وتعالي
مشيت للدار غيرت حوايجي لان حوايج سفر وعرقت
لبست عبايه وفاء ووشاح وطلعت
ختام :السلام
الياس: وعليكم السلام
ختام: تفضل اسامه قال تبيني
الياس: شن نأجل العرس
ختام :ع راحتك
الياس: تمام بعد اسبوعين
ختام: به بعد ادنك ووقفت
الياس: على مااضن قاعد مكلمتش كلامي ووقف😡
ختام: نعم
الياس: متبيش تسامحيني
ختام: ع شنو انت يلي قلته صح ومفيش غلط
الياس: باهي شنو
ختام: شنو
الياس: مسامحه
ختام شافتله: اني تقعد مديونتلك لين نموت
الياس... اول مره نشوف لعيونها وجه لوجه تمنيت معرفتهاش ولا شفتها هداكا اليوم ....لاني نخاف نحبها وحب بنت في وضعها صعب
الياس: تمام هيا سلام
طلع روح واني مشيت
لداري كيف بنحي عبايتي
ايمان: ياصايعه شن قالك
ختام: شي هدرز ع العرس
صابرين: حق يعد اسبوعبن
ختام تعلق في حوايجها :اي
ايمان: عطاك ربي اني علاقه ٥ سنين وخطوبه ٤ ولتوا العلم عند الله😠
صابرين: نقصي وزنك تو يخف روحه😂
كملنا هدرزه يلي بلا نفس وتعشينا وسهرو روحو
دخلت اتكيت ع سريري وحطيت راسي ع مخدتي تفكرت ايمن وضحكته وحطيت يدي ع شفايفي وتفكرته بوساته وجعني قلبي وقتها تفكرت قبل ما نتعب وصلتني رساله دورت هاتفي لقيته في الدولاب بلا شحن قعمزت نشحن فيه واني قلبي يدق ونتخيل في رساله من ايمن ليييين فتحته ومشيت للرسايل لقيت
**يابنت الناس حاولت نسترك وانتي ناويه الفضيحه مادان هكي بري نظفي عارك بروحك**
لا اراديا نزلو دموعي قريتها مرة واتنين وعشره واني مصدومه كيف قدر يبعتها كيف قدر يكتب كلام السم هدا عرفت وقتها علاش كان يتأسف يحسابني انتحرت ع خاطره وقتها قلت حسبي الله ونعم الوكيل وكيييف بنسكره
ترن ترن شفت الرقم لقيته .....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
