**عشق زارني بعد حبك**

الحلقةالسابعة الثلاثون

لا احلل النشر
**عشق زارني بعد حبك**حلقة37
للكاتبه *سونيا ايلين*

نضت الصبح مع ١٠ خديت حوايجي والمنشف وللدوش بس قبل ماندخل لازم نصبح ع زوجي😁

ختام :صباح الخير
الياس يتفرج ع tv:صباح النور
ختام :الياس بندخل للحمام
الياس: وادخلي من شدك
ختام: قلت نعطيك علم لانك قتلي نخبرك بكل حركه😁
الياس: باهي مش تسكني لان نبي نفطر
ختام :حاضر
الياس مبتسم :فرخه بجد

دخلت دوشت وطلعت بقفطان موريتاني ومشيت للدار غيرت لبست كت ابيض معدس بالاحمر وشورط احمر وجففت شعري وخليته مفتوح ودرت ايلاينر وروج ولبست اكسسوار وعطر لين حكم كملتها ومشيت للمطبخ وتيت الفطور
ختام: الياااااس تعالى كان بتفطر
الياس: به
مشيت للمطبخ واني انشم في عطر كل شويه يقوى لما دخلت لقينها لتبسه توته تجنن تهوس اول مره نشوف جسمها هكي اول مره تلبس شي تلبسه بنت قدامي كانت بجد فاااتنه
ختام :تفضل
الياس: تسلمي
فطرنا وكملت ضمان ومشيت للدار كساااد يا ناس قعدت نفكر اني شن ندير قصدي وليت نلبس ونتكم علاش يعني شن نبي.. نبيه يحبني؟ به حتى لو حبني وبعدين؟ اااخ هلبه افكار قعدت تجيني

عمتي: صباح النور
الياس: صباح الورد ميمتي كيف حالك اليوم
عمتي: الحمد لله وليدي شن مش طالع بيها مرتك
الياس: وين بنطلع بيها
عمتي: ماهو قبل يومين هني وعشره برا اطلعها شهر عسل الياس يشرب في الميه :ساهل تو بوقتها
عمتي: اسمع خالاتك وعمتك ماشين لتونس اسبوع غدوه بنمشي معاهم
الياس: من بيرفعك
عمتي: انت منو يعني
الياس: يستر الله طلعت من الحوش درت دوره وبعدين مشيت لاسامه قلت خلي نكسد حداه وناخد منه.....

رتبت الحوش وبخرته ومشيت لداره رتبت الفراشات وحطيتله العربي جنب مخدته بعد مابخرته ونزلت لعمتي وبديت في الغداء

عمتي: الله الله الريحه تهبل
ختام: تسلمي عميمه
درت رز وطاجين وسلايط ونستنى في زوزي😄

الياس.. درست السياره وكان في ريحه تقولي عرس دخلت طوول للحوش عند امي
الياس: واااك متقوليش الغداء الفايح عندنا
عمتي: اييي
الياس: يسلم يديك عيت من ماكله الشارع
عمتي: معليشي ولدي ماهي عريس
الياس :شنو😰
عمتي :مرتك اطيب
الياس: حاق
دخلت للمطبخ وكانت عاطيتني بالضهر لابسه قفطان نص كم بيج فوق الكعبه ودايره شعرها قرن
الياس: راهو شعرك يطيح نعاف اني😎
ختام: به
الياس: صبيلي عصير
ختام: حاضر تفضل
ختام: قاعد زعلان مني
الياس: عادي
ختام: به خلاص سامحني والله قلق طول الوقت ساكته بروحي
الياس يشرب في العصير :تو تهدرزي بعدين
ختام :كيف
الياس: نمشو نتعشو عند اهلك
ختام: بجد
الياس: اي
كملت تجهيز السفره تغدينا ورتبت المطبخ وركبت نقيل
كيف بنفتح داري نلقاه فيها
ختام :فاش ادير هني
الياس: ناسيه ان حوايجي هني
ختام: نرفعهملك لدارك
الياس شافلها :لا هدا مكانهم
ختام: باهي خيرك اطلع فيهم كلهم
الياس: ماشي لتونس
ختام: اا عمل
الياس: لا دهواري اسبوع
ختام: انت وصحابك
الياس: لا مع خوالي امي ماشيه
ختام :واني
الياس: تمشي عند اهلك😎
ختام: علاش شن بيقولو علينا لينا اسبوعين متزوج وهاج من مرتك لتونس شن قلقت مني
الياس شافلها: انتي شن خصك في كلام الناس حني متزوجين اا ؟؟حط التيشيرت ع السرير وقرب منها هو حني في بينا حاجه باش قلقت منك؟؟؟

**يقتلني قربك مني كلما اقتربت تسارعتانفاسي لا اعلم لماذا...**
ختام: بجد نتكلم
الياس: حتى اني بجد
ختام: بالله مش ع اساي متزوجين يعني وين انت وين اني☹
الياس :ومش ع اساس اصدقاء وبنطلقو يعني لازم تبدا المشاكل بينا😎
ختام عيونها دموع: بهي خلاص خف روحك بنرقد
الياس: ع فكرة الرز يجنن والطاجين ابداااع منحسابكش تعرفي اطيبي
ختام: بغل صحه
الياس مقبل للدولاب ياخد في حوايجه ويبتسم: بالله لما نروحو وتيلنا سفره ملوكي هكي تعرفي انتي طريق وسفر اكيد الواحد بيجوع
ختام 😒
الياس: نوضي وتي شنطك باش تمشي لاهلك
كمل خدا حاجاته واني قعدت نبكي وجعني كيف بيمشي ويخليني حتى قدام اهلي واني نشكر ونعاود..

العشيه خدالي حلو و رفعني لاهلي حتى وفاء وزوجها غادي
ازهار :من امتى النشاطه هدي
ختام :اسكتي يا فرخه خلي نكمل ع خير
درت رشده وسلايط وحطينا تعشينا وطبعا معنديش نفس
امي: كولي
ختام: معنديش نيه
وفاء: شكلك حامل صح😄
ختام :😒هاها باسله
كملناوالعشاء ولميت الحوسه
مع ١١
الياس: هيا خلي انوض
امي: مع السلامه مربوحه ان شاء الله وتوصلو ع خير
الياس: ان شاء الله عمتي خيرها بنتك
امي: مانعرفش مابتش تاكل ان شاء الله في حاجه بس خلي نفرحو
ختام 😨تقولي من صب عليها ميه مصقعه
الياس: خيرك
ختام: عيونها دموع شي
الياس: باهي متوصي شي
ختام :حتى ابرار ماشيه
الياس: اكيد
ختام: وتقولوفيها عادي
الياس: واني شن خصني ماشيه مع بوها
ختام :به
الياس: حلوه الرشده راهو يسلم يديك
ختام :شكرا
الياس: بري تعشي كان تبي تروحي
ختام: علاش شنطتك وواتيه
الياس: وشنطتك
ختام :خيرها
الياس: معبيه توت بس شن مش ناويه نطلعي في تونس
ختام: قول والله ...يابارد حرقتلي دمي
الياس: ههههه باش تحرمي تطلعي بلا شوره راهو قلبي اسود واسود فحم
ختام: بهي خلاص
الياس: سلمي ع اهلك وتعالي
ختام: به

من اجمل مارأيت ان ارى بسمه على وجه ملاكي اناصانعها افرح لفرحها وفرحتي غير مكتمله.....يتبع