لا احلل النشر
**عشق زارني بعد حبك **حلقة 13
للكاتبه*سونيا ايلين*
رقدت ساعتين ونضت باش نمشي للجامعه تبو الحق مش نشاط او حب في القرايا بس نبي نوري دبلتي😅
ختام :اسامه نوض
اسامه: اسم الله امتى رقدتي باش نضتي😲
ختام: مرقدتش
اسامه: وتي الفطور والبسي
مشيت للمطبخ حطيت كيك وحلو ودخلت لبست لبسة شاريهالي ايمن ولبست وشاحي ومشيت
سندس وانصاف :وووواو طرف يجنن
ختام :بدلع تأشر ع دبلتها
انصاف: لبستها قبلك
ختام: ههه
سندس: شن بيجي
ختام: اي قال يبي يجي
عمر :وينك معاش تبان
حسين :لا هني
عمر :سمعت لزوك من هني
حسين: يحك في لحيته انسكرها لو نبي
عمر: يشرب في النسكافي وسكرها به
حسين: لا كان نسكرها طرفي معاش نشوفه
عمر :صاعبه شكلها
حسين :دخلت راسي وربي لما نجيبها
عمر :وقف مسكينه طاحت تلعب معاك
حسين: قلتلها بجوي متبيش تي لما نربيها
عمر: وين ماشي
حسين :جبت سيرتها نبي نشوفها
ختام ...دخلت لي محاضرتي حضرتها كلها وبعدين طلعت
قلت خلي نمشي لمكانا
ايمن ....نضت الصبح لبس وطلعت خديت فطور ومشيت لي مكانا
ختام.... تلامحته من بعيد قلبي قعد يدق كل شي صار بسرعه بس الاسرع حبي ليه عمري ماتخيلت ان نكبد ع حد هلبه
ختام: بس بس
ايمن :ببسمه اهلا
سلمنا ع بعض وقعد شادلي يديا تبو الحق متمنيتاش يطلقها وفعلا مطلقهاش
ايمن :تعالي قعمزي
ختام: اطلق يدي
ايمن: عض ع شاربه امس مش خايفه صار 😎
ختام: اسسس كان بتجيب سيرة امس خلي انوض😶
ايمن :تو تنوضي بس توا لا
قعدنا نهدرزو مشواااار ومانملش منه بكل نحسه راجلي وقلبي وحبي وكل شي
عمر :مش هداكا طرفك
حسين: مع هدا الكلب
عمر يدخن وينفخ :وشاد يديها
حسين: ماهي ساقطه مدايرة جو عليا
عمر: لابسه دبله خطيبها اكيد
حسين😠
عمر :خليك راجل واضربه زي ماضربك
حسين: وربي رادله الضربه بس ع طريقتي
ايمن ...كنا قراب هلبه وكنت كراجل كان نلقى نكووون معاها
ختام: خيرك
ايمن: نسيت وراق عند فيصل
ختام: وراق شنو
ايمن: تعالي معاي
نضت معاه وكنت حاسه انه نمشي مع راجلي
ايمن: ستني هني
ختام ؛تمام
قعدت شويه لييين شفت فيصل طلع وماشي لمكتب تاني
ايمن :تعالي
ختام: شنو مش بتجيب وراق
ايمن سكر الباب: مشى يجيبهم
ختام ببسمه :باهي افتح الباب خير مايفهمونا غلط
ايمن قرب: من بيفهمك غلط الغلط لو تسكر بالمفتاااح
ختام :باهي بنطلع
ايمن شد يديها: بتخلي التكييف وتطلعي للشواء
ختام: شواء حق هو
ايمن زاد قرب: باهي كيف الحل نبي نبرد
ختام: ايمن وخررر فكني منك بجد
ايمن: لاااا
ختام: ياربي صبرني باهي شن تبي
ايمن :منبي شي غييير تعطيني قلبك
ختام تنهدت: انت واخده
ايمن: تحبيني
ختام :هلبه
ايمن :نموووت فيك
احيانا نحتاج ان نعبر عن الحب بأفعال لا تكفينا بعض الكلمات لنصف شعور لا يمكن وصفه.....
ختام بهمس: خلاص بنطلع
ايمن :علاش خطيبك اني
ختام :خلاص نبي نمشي
ايمن :بهي استني نكلم فيصل
طلعنا من المكتب هو مشى لي فيصل واني طلعت جري
حسين: شنو نقول مبروك
ختام: سكوووت
حسين: تي خيرك نافخه بس حتى اني كنت بنجيب اهلي
ايمن: خير امك حماااار متفهمش
حسين: خيرك انت منكلمش فيك
ايمن :ثور قدامك اني تكلم فيها
ختام :بالله فوته
ايمن :بري للسياره
حسين مدايرة جو طاهره وانتي متاع سيارات
ايمن :شن هو
ختام :فوته
ايمن بعياط: تحركي للسياره
وووك عليا بدا ضرب تاني وتلمو الناس وفضيحه وبلا احرف
الامن: خلاص روح يا سيد
ايمن :الشكالات هادم كيف يخشو
ختام ...قعدت نبكي وخلااص كل يومين ومشكله وحشمه قدام الناس... شويه وجا ايمن
ختام :ووك عليا سوريتك مقطعة
ايمن :وسخ
ختام: خلاص
ايمن: اسمعي حولي منها الجامعه وريحيني
ختام :كيف نبي نولي دكتوره
ايمن: بالله اليوم اني جيت وغدوه كيف ولما نمشي للصحراء نقعد نفكر
ختام :منبيش نحول
ايمن باعصاب :مانا تلبسي عبايه وخمار جو الشحط انسيه
ختام منحبهاش
ايمن بعصبيه :متهبلينيش الوسخ حاطك في راسه
ختام: خلاص تو من الحوش للقاعه وديمه في الزحمه ومع الناس وبعدين شن بيدير اصلا كلام وبس
ايمن :غير توصلي عندي تو تحبيها العبايه وسكت
ختام :باهي بتقعد ساكت
ايمن: مهناك منقول يشوف من للروشن
ختام :باهي اني في سيارتك
ايمن: عادي
ختام: يعني متبي شي سلام
كيف بنفتح الباب شدني من يديا وجبدني عنده محسيت بشي الا وشفايفي في شفايفه
محاولنتش انوخر او اي شي بالعكس كنت محتاجه هكي محتاجة نشوف حبه
بستها ونحسابها بتصدني بس لا ... خلتني براحتي كانت اول واحلى مره.....يتبع
أنت تقرأ
**عشق زارني بعد حبك**
Romanceحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
