لا احلل النشر
**عشق زارني بعد حبك**حلقه28
للكاتبه*سونياايلين*
يوم الثلاثاء...
عمتي :وررررروري
امي: مبروك بنيتي
خالتي: ان شاء الله بالصحه
وفاء ؛ايوا ايوا وليتي مرا هاتي بوسه
ختام: 😭
ايمان:يلا عاد علاش الدموووع توا
كان الكل يباركلي وفرحان واني كنت مضااليقه ع حالي لان نعرفه مجرد تمتيييل
فات الوقت والعشيه لبست البودري وزحم الحوش للحظات صدقت اني عروسه وضحكت تقدرو تقولو عشت الدور
اسامه: ناديلي ختام
امي :ختام تعالي
ختام :نعم
اسامه ببسمه مخلطه بدمعه :كبرتي ولبستي البودري
ختام :😭😭وضماته كانها كانت تستنى تتفجر
اسامه: علاش البكاء توا والله ياامي الراجل كويس
حتى غدا اليوم متاع النسون عليه هو حلف مانظفع قرش للطباخ والله الحوش ماناقصه شي عز الدنيا حاطه فيه وكان مش صاحبي اهو مغصبتكش عليه
امي: خلاص اسكتي
مسحت دموعي وزاد همي لان بعد شهور بيطلقني وبيخسرو بعض واني السبب
اسامه:خلاص مسامحتني
ختام تمسح في دموعها :سامحوني انتم
طبعا جاء الكل باركلي الا....عريس الغفلة☹
ختام :ههه
عمتي: اركحي عاد
ختام: ادغدغ
امي: ان شاء الله صباغه
كملت الحنه وجو هدرزه حلو وبعدين الكل رقد واني من الحنه وتكتيفها ماجانيش نوم وفوقها تفكرت ان سيد الياس متصلش كأني نكره
الياس....زحمت الدنيا وقت الغدا طبعا امي مش مخليه من عازمه حتى من ريحة الريحه عزمتهم 😅وقرينا الفاتحه ومشت تمام العشيه ركبو الشباب شطبو ع الشقه وفي الليل طلعنا للاستراحه باش نبات غادي عااساس منرقدش الا اني ومرتي فيها... وطبعا خطيبتي...قصدي مرتي مكلمتهاااش طلعت من بحدا الشباب واتصلت
حاولت نرقد بس مجانيش نوم واستغربت منه كيف متصلش وجعني خاطري ان حظي اكشح وبعدين حمدت ربي ع الستر وكيييف بنغفى الهاتف هز
ختام: ايمان ايمان
ايمان :اممم
ختام :اعطيني الهاتف
ايمان :هاك
ختام :ياسطل اني محنيه كيف بنشده
فتحتلي الخط وحطاته تحت ودني
الياس :الو
ختام: اهلا
الياس :كيفك
ختام :تمام
الياس: مبارك عليك
ختام: تسلم
الياس ...حسيت انها تتكلم ببرود اما زعلانه ان مكلمتهاش او مش فرحانه
الياس: معليشي متصلتش بكري مفضيتش
ختام :لا عادي مش مشكله ركزت ع كلامي وان يلي راقدين جنبي اللاوعي يخدم عندهم توا😁😁😁
الياس: زعلانه
ختام بدلع مصطنع؛ هو في حد يزعل منك😄
الياس ابتسم: في حد جنبك
ختام: اكيد 😊
الياس: صوتك بعيد
ختام: الله غالب محنيه والهاتف مش مساعدني
الياس: من قالك حني
ختام:😨😨😨
الياس: منحبش ريحتها
ختام :عادي... في خاطرها شن بنقول توا ع اساس بنرقد معاك😒
الياس: تمام ارقدي وغدوة نتلاقو
سكرت منها ودخلت رقدت طووول
الصبح نضت لميت حاجاتي وطلعت مع اسامه
كنت في الطريق ساكته تقولي سكينه العالم نزلت عليا او هدوووء مايسبق العاطفه
اسامه: هيا انزلي
ختام: به
اسامه: ربي يهنيك ويسعدك
ختام :تبكي يسلمو
دخلت: المزين وبدينا في الشغل
الياس .. مشيت مع الشباب لي الحلاق حلقت وتكمت مع الغداء اتصلت بيها
الياس: الو
ختام :اهلا
الياس: جعانه
ختام ...واااك في واحد يتصل يقول جعانه فعلا طلع شكل بس😒
الياس: الو
ختام :لا شكرا مش جعانه
الياس يضحك :شن جاك خناق العرايس
ختام :لا...اني مخنوقه قداااش ليا مش من توا
الياس: سلام
سكرت منه وعيوني تعبو دموع وجعني حالي يلي معاي الكل يضحكو ويهدرزو ع رجالاتهم الا اني تقولي بلا راجل
فات الوقت واني قلبي يدق يدق هلبه من الخوف والرهبه دماغي قريب يطربق معاش مستوعبه شي
*حبيت وتخطبت وحددت العرس واغتصبت وخطبني واحد كنت نحبه واني مراهقه وانتحرت واليوم عرسي واااك راسي بيطربق*
المزين: تمام افتحي عيونك كملت
وقفت قدام المرايا وياالله نجنن نهبل بجد روعه كيف بنبكي المزين سكتتني
قعمزت مشوار لين جا اسامه وروحت
وصلت للصاله والكل كان يشوفلي ومعجب واني قريب نعيط ونقول هذا كدب جت امه وخالاته وعيلته سلمو والبنات فتحو اغاني ورقصو وطبعا اكيييد بيرقصو العروسه
فات الوقت وعشت الدور عشت اللحظه ان نكون عروسه وربي ستر عليا
قعدنا هكي لييين وصل العريس
نزلت طرحتي ودخل طبعا عمتي كانت بطييير من الفرحه كان جاي جيهتي وشكله حلو لحيته شعره جسمه كل شي فيه حلو بس للاسف قلبه مش ليا
الياس :نقيمها الخيمه والا كيف😎
خالته: اي قيمها وبوسها
الياس: شن هو
عمتي: مرتك سلم شنو
وقف قدامي وقاملي الطرحه للحظه جت عيني في عينه
الياس كانت تجنن تهوس انثى بمعنى الكلمه بس ...مش ليا
ختام حسيت قلبي بيطلع بالذات لما بيبوسني....يتبع
أنت تقرأ
**عشق زارني بعد حبك**
Romantikحبيبان احدهما الحب والاخر الفؤاد احدها القلب والاخر دقاته احدهما الجسد والاخر حواسه ....ختام
