حيـاتـي💔(مكتملة)

الـحـلـقــة 4

حياتي 4

الصابر:-عارفه شن اكثر حاجة عجبتني فيك؟؟
هههههههههههه ماتبش تجاوبي عارفك.
خجلك،،حيائك.
اقسم بالله عرفت بنات واجد في عمري بس كيفك ما عمري شفت.
كل يلي عرفتهن كل وحده فيهن فانص وعينها قويه.

بس المرأة تاجها الخجل في نظري يلي ما تخجل مش مرأة.

أنا:-عرفت بنات واجد!!!!!
الصابر:-اها نبدها معاك بكل صراحه ما نبي نكذب عليك بككككل.
يا ما درت من علاقات وعلاقات،،بس مافيش وحده ملت عيني الا انتي.
انا:-مرات تقعد الكلام هذا تقول فيه لكل وحده عرفتها.

الصابر:-ههههههههههههه لالا لا والله وتراب بوي الغالي ما عمر بنت خشت قلبي وملت عيني غيرك يا رجاء.
احكيلي عليك كم مواليدك انتي؟؟؟

أنا:-2000
الصابر:-اخر سنه ثانوي مالا؟؟؟
انا:-نقول ان شاء الله.
الصابر:-ان شاء الله.
عندك خوت؟؟؟؟؟
نشوف مدى خطورة وضعي من توا؟؟
انا:-هههههه عندي 2.
الصابر:-ربي يخليهم لكم.
قتلك؟؟؟؟؟؟
مستعده للزواج انتي؟

انا انصدمت:-لا ابداً
الصابر:-ليييش؟؟؟
باه خطوبة ع الأقل.
انا:-مزلت نبي نقرأ انا،،مزال كم سنه.
الصابر:-هن 4سنوات تكمليهن عندي،، واصلا مفيش ضرورة للقرايا شن تبي اديري منها؟؟؟؟
انا عصبت:-شن نسيبها؟؟؟؟
مستحيييييل.
انا حلمي نقرا طب ونقعد دكتورة.

الصابر:-من جدك؟؟؟؟؟؟؟

سمعت الباب طمرت الموبايل.....

طلت ماما ووجها احمر ومليان دمووووع.

انا شهقت:-ماما كنك؟؟؟؟؟
ماما:-اختك وراجلها داروا حادث ع الطريق وهم توا بين الحياة والموت.

انا نطيت نجرررري وجت سندس يارب استر يارب استر..

مشوا بابا وسعد وابراهيم وما خلونا نمشوا معاهم.

قعدنا غير نتباكوا وخلاص..

يارب يارب .

بعد ساعه جاء ابراهيم:-اطمنوا هي سعاد كويسه بس عندها كسر في يدها اليسار وشوية رضوض.
وتوا بس خابطه على راسها ومزالت ما وعت.
وراجلها فيه خدوش بسيطه ومزال في غيبوبه.
ربي يلطف بحالهم.

قعدنا نتباكوا.

سندس:-ياريت حاجه خطيرة بس واعيه ياااااربي.
ابراهيم:-قولي خير يا بت الكلب.
وانتي اصلا ايش قعدك هنا
اااااامشي من قدام وجي بسرررررعه.

خشت سندونه تجرررري وتبكي.

وماما تدعي وتبكي..

وأنا نفكر في كلام سلمى،،فعلا معاها حق كنها حياتنا هكي؟؟؟؟

كل مره حاجه من مصيبه لمصيبه لصدمه لقهره.

بعد شوي وقفت والدنيا تبرم بي حاسه روحي في حلم.