حيـاتـي💔(مكتملة)

الـحـلـقــة 18

حياتي 18

باه مسج ما يأخذ دقيقه.
وأنا قتلك ألف مره احكي معايا حتى على اساس صاحبتك أنا راضيه المهم نحكي معاك وما ننحرم منك.

فتحي:-ساهلة ان شاء الله ربك توا يفرجها.
أنا:-عارف قهرتني قهره باهمالك.
فتحي:-هههههههههههههههه مازلت واخذ ع الحرية مش واخذ ع الزوجه والسكنان.

أنا:-انا سكنان!!!!!!!
فتحي:-حشاك.
ومسك يدي وباسها.
أنتي كل الحب والله كوني متأكده اني لو ما حبي لك كبير ما كنت نرضا نتزوج من وراء أمي.

أنا تحشمت سحبت يدي منه رد مسكها وضغط عليها بقوة.

كانت ليلة جميلة وسهرة جميلة.......،

ما رقدنا ألا قريب الثمانيه في الصبح.

نضت ما لقيته جنبي،،شفت الساعة 02:00

تقعدت بسرعه ومشيت نجري ندور عليه ما لقيتش.
ياربي وينك يا فتحي؟؟؟؟؟؟

رديت للدار شفته ورقه منه...فتحتها وقلبي يدق يستر الله وخلاص.

""صح النوم،،نجيب غداء وجاي""

الله عليك سعادة الحمدالله ان هك ولا غيرها.
مشيت للحمام ادوشت ودرت لمساتي الخفيفة.

جاء فتحي بعد طول انتظار،،،مشيت نجري ضميته.
كنت خايفه ما يجيش.

فتحي:-ههههههههههههههه مجنونه متوقعك بتأخذي الأكياس مني.

أنا:-مش مرايفه على الطعام عشان نضمه.

خذيت الأكياس منه وتغدينا.......
اذن العصر ونحنا نتغدوا.

أنا!!!!!!!!!!!!!!!!!!!!!!!
فتحي:-هههههههههههه كنه وجهك؟؟؟
نقولك،شن رأيك نطلعوا للبحر ولا السوق.
أنا:-لا حبيبي خلينا في الحوش.
فتحي:-ملل الحوش.
أنا:-لحقت تمل مني يا بايخ؟؟؟؟؟
فتحي:-لا مش مال منك، كان مال منك نطلع ونسيبك مش نأخذك معايا.

أنا:-خلاص حبيبي بكره نطلعوا اليوم خلينا .
فتحي:-شن رأيك نجيب فاطمه اتعشا عندنا.
أنا:-كيف تجيبها وانت في مصراته على اساس؟؟
فتحي:-نقولها لبوي.
أنا:-تي عليك برم قول أنك مال مني وخلاص.

فتحي:-تي لا والله ما صارت لكن حاسك حـ تملي بروحنا.
أنا:-لا ليش نمل ما كل الازواج عايشين برواحهم.

فتحي:-باه توا نجيك.
طلع وخذا مفاتيح السيارة وبعد دقايق جاء معاه كيس.

فتحي:-هذا موبايل ان شاء الله بس يعجبك.
أنا خدودي انحمرن:-اكيد يعجبني طالما أنه منك.

ركبلي الشفره وخش يصلي العصر قلت نكلم البنات.

اطمنت عليهن من القهر سعاد قالت جايه بكره لـ هلي وسندس جايه عشان النونو.
أيام الغم ما درنها وانا مانقدرش نسيب الحوش حتى لو جت أمي.
نبي نستقر عاد،،،،بس متعجبه ومستغربه من هالحظ.