حيـاتـي💔(مكتملة)

الـحـلـقــة 21

حياتي 21

بديت نمتحن نهائي الفصل الأول وجت سعاد وهي وسندس نظفن الحوش وبابا جاب دار جديدة

ونكملوا في الليل بكاء منقدرش نتحمل قلبي أصغر من أنه يتحمل وحده مكان ماما في حوش ماما و دار ماما.
لالالا صعبه هذي صعبه ياربي.

جابها بابا لحوش سندس ما شفناها نحنا..

قعدت مع خواتي نجهزو اليوم بابا ومراته يبو يجو هنا.

خش علينا سعد:-خلاص ما عليكن أنتن يلي عليكن درتنها كل وحده تمشي لحوشها هيا.

أنا قلبي بدأ يرجف ماشاء الله على حياتك يا رجاء آخر تطور وصلتيله ما عندك وين تمشي؟؟؟؟؟؟؟؟؟؟

سندس:-توا نتصل بـ عثمان.
ومشت لدار، ومشت وراها سعاد وأنا قعدت واقفه زي الغصن الجاف يلي لا يثمر ولا حد يسقي فيه.

سعد:-كنك واقفه؟؟؟؟؟؟
بسرعه كلمي فتحي،بوي عريس ويبب يتريح.

مشيت نجري للدار لقيت خواتي يلمن في دبشهن...

قعمزت ع السرير وأنا زي الغريبه معقوله هكي يا رجاء؟؟؟؟؟؟؟

ايش درتي في روحك بس؟؟؟؟؟؟

سعاد:-أنا راجلي اليوم مش جاي بنمشي مع سندونه نقعد عندها يومين ويجيني غادي.
وأنتي؟؟؟؟؟؟

رفعت راسي وعيوني يصبن ف الدموع صب،،،،اقسم بالله في حياتي كلها عليما بكيت ما عمر دموعي قعدن بالغزارة هذي.
ربما حاسه بالذنب لأني في كائن بشري حيشرد معاي لو اشردت.

سعاد:-بسم الله عليك،،بسم الله عليك.
وقعمزت ضمتني.
احكي يا عيوني ما تكتمي جواك،،و الله ما كويسه هالكائبه وأنتي حامل.

سندس:-من يوم يومها تحب تجيب الغم لروحها.
سعاد:-سندس سكري فمك،،،البنت انهانت وانذلت في نص حوشها.
لا وفوق ما هي متحمله الراجل وثقالته وزواجها يلي من وراء أمه فوق هكي ما يدافعش عليها.
معاها حق تزعل كرامتها أهم.

سندس قعمزت:-تزعل وتحرج ما قلنا شئ حقها...
بس تجي تحبس روحها في هالدار شن الحل يلي درتيه؟؟؟؟؟
لا حكت لبابا ولا لخوتي ما حد عارف شئ يطردو فينا يحسابوها زيارة حتى هي.
تي اقسم بالله لو بابا يعلم أنك حرجانه يسود عيشتك من غادي يا بال اجوز وحق ربي يشيلك مع شعرك ويعزقك تحت رجلين فتحي .

سعاد:-لالا المهم كرامتها أنا مستعدة نأخذها معايا لطرابلس.
سندس:-وأنا ما رفضتش أنها تقعد عندي بالعكس على راسي نحطها.
بس أنا نبيها ترد لراجلها ويتصالحوا احسنلها.

عزقت راسي ع السرير وقعدت نبكي بلا صوت صوتي مبحوح من البكاء.

رن موبايلي.....،
سندس:-هذي أنوار نرد؟؟؟؟؟؟؟
سعاد سحباته منها:-لا اسكتي.

بعد شويا وصل مسج فتحاته سعاد..

سعاد:-رجو رجو نجحتي يا عمري نجحتي.
وقعدن يزغرتن هن الأثنين وأنا نبكي.