حياتي 6
بعد خشيت سكرت......
أنا:-ليش سكرتي؟؟؟؟؟
على أساس أني مش عارفه أن عندك موبايل وعندك علاقات.
سندس وقفت معصبه:-حاجه مش شورك ما تدخليش فيها فهمتي.
أنا سكرت الباب لأن صوت سندس كان عالي.
أنا:-انا قاعده جنبك ومعاك ليش تعلي في صوتك؟؟؟؟
ولا تبي سعد وابراهيم يجو يكسروك.
سندس:-ههههههههه ياريت يجو عشان نحكيلهم حتى عليك.
اهو على الأقل يكسرني واحد بس والثاني شورك.
أنا ابتسمت:-ليش يكسروني ؟؟؟؟
عشان الصابر يلي جاي بيخطبني بعد نكمل امتحاناتي.
سندس انصدمت وقعدت تبحت في.
أنا بديت نسلح في عباتي:-حتى كان انضربت هو جاي جاي يعني مش خايني،ولا متخلي عني.
سندس قعمزت ع السرير:-لدرجه هذي شامته في وعاجبك كل شي صار معايا.
أنا:-لا بالعكس انتي اختي وحبيبتي وقرعتي ونتمنالك السعاده زي ما نتمناها لنفسي.
بس انتي مش عارفه ليش معاديتني.
سندس:-أنا اسفه اعذريني بس والله مزاج متعكر.
بالك ان شاء الله لما نطلع للمدرسه نروق.
انا:-تمام احسن حاجه ردي ع قرايتك.
سندس:-ماشيه الاسبوع الجاي خاشه طول ع الامتحانات.
ترضينا وجونا رد تمام،ما كنت حابه تطول فترة سوء التفاهم بينا مهما كان سندونه خيتي وحبيبتي ونصي.
بالنسبة لـ سعاد كأنها قاعده على نار 24ساعة تبكي بالدم ما تبش تقعد عندنا.
حتى راجلها المريض غمتله منها و دز على خوه جاء وخذاهم.
مرن أيام وامتحنت سندونه كنت نقري فيها نبيها تنجح حتى مقبول أصلا هي مكملتها ع الحديده.
ولما بدن امتحاناتي كنت جاهزة ومستعدة،،وكنت متفقه أنا والصابر ما نحكوش الا شويا نطمنوا على بعضنا عشان نفضا لقرايتي...
في يوم من الأيام روحت من امتحاني وقاعده نراجع جتني سندس.
سندس:-رجو؟؟؟؟؟؟؟؟؟
أنا:-نعم؟؟؟؟؟؟؟
سندس:-في واحد اليوم يبي يدز أمه تخطبني.
أنا:-احلللللللفي
وأخيراً.
سندس قعمزت:-هو مش زي نبيل بس الله غالب.
أنا:-هو فعلاً مش زيه احسن منه لأنه مخلص ويحبك.
سندس:-ادعيلي هلك يوافقوا.
أنا:-مستحيل هلي يوقفو في طريقك هم يتمنونا نتزوجوا اليوم قبل بكره بش يفتكوا منا.
سندس:-أنا حكيت لـ ماما وهي تجهز في حاجات نمشي نساعدها.
أنا:-تمام وأنا نكمل الصفحه هذي ونبرم عليكن.
سندس:-نجك ليا ربي ما يحرمني منك،يارب يفرحك ويسعدك مع الصابر.
أنا:-ياااااااااااااااااااااارب.
المهم وأخيراً صارت الموافقه وسندس فرحانه وماما طايرة من السعادة.
أنا ملتهيه في قرايتي بس فرحنتلها مسكينه يا ما عانت.
أنت تقرأ
حيـاتـي💔(مكتملة)
Storie d'amoreللكاتبة سمية الدرناوي باللهجة الليبية...تحكي عن بنت عاشت حياتها ظلم وتموت امها وتنجبر ع عريس ماتبيهش ويصيرن معاها احداث واااجد ومشوووقه.. رواية رووووعه ومن اجمل الروايات اللي قريتهن ❤
