حيـاتـي💔(مكتملة)

الـحـلـقــة 31

حياتي31

فتحت عيوني بـ صعوبة لقيت روحي قاعده على سريري في داري،،والمكان شبه مظلم.

قعمزت نتلفت يمين ويسار نبي نحاول نذكر شئ!!!!!!

خشت اعميمه وولعت الضي أنا حطيت يدي على عيوني:-لا لا طفيه.

وعزقت راسي ع المخده.

جت اعميمه قعدت جنبي:-ايش درتي يا روحي؟؟؟؟؟
أنا انهرت على طول وقعدت نبكي:- في أسوء حال يا اعميمه اعطب حال تعيسه تعيسه لأبعد الحدود.
صبرت على فراق كل الناس يلي نحبهم بس خلاص معش نبي نفقد أخره.

اعميمه مسكت يدي وضغطت عليها:- لما الله يكتب الشئ الانسان ما يملك تغييره.
وأنتي مؤمنه صح!

أنا قعمزت:-بس تعبت تعبت والله تعبت،بابا كان كويس،صحته تمام شن صارله هكي فجأة.

اعميمه:-ربي ان شاء الله يلطف بحاله.
أنا:-وينه ابراهيم ما اتصل؟؟؟؟
اعميمه:-لا اتصل قال أنه مزال في العناية اكيد حيكون في العناية.
أنا:-و سعد شن دار؟؟؟؟
انفجع اليوم واغمى عليه المفروض يجي يتريح.

اعميمه:-سعد راجل وعارف مصلحة روحه وبدري حكيت معاه كويس.
أنتي بس خليك في روحك.

أنا انسندت ع السرير وصبيت.
اعميمه:-وين؟؟؟؟؟؟
وين ماشيه؟؟؟؟؟

أنا:-نبي نشوف سعاد ايش دايره مش كويسه الفجعه للحامل.
ونشوف سندس شن صار معاه.
واجديده.

وطلعت لقيتهن في الصالة.
اجديده:-تعالي يا بنيتي تعالي يا رجيوه اقعدي حذاي.

جيت قعمزت جنبها وعيوني يدورن بين سعاد وسندس.

سندس:-شن درتي كويسه؟؟؟
أنا:-الحمدالله.
سعاد تعشيتي؟؟؟
سعاد بحتت في:-ليش من تجيه نية في الأكل بظروف زي هذين.
ياااااااااربي ليش هكي؟؟؟؟؟؟
ليش عيشتنا سودة من بين كل الناس؟
ليش بس ياربي ليش؟؟؟؟؟
يعني نقعدو بلا أب وبلا أم.

اجديده عصبت على سعاد:-اسكتي يا بت تفائلي خير ولا فكينا من صوتك.
ان شاء الله ربي يعطيه صحته وعافيته.

سندس تبكي:-بس الجلطه مش ساهلة يا اجديده.
شفناها ،، شفناها شن دارت في.....

وسكتت وقعدت تبكي.

أنا ضغطت على شفايفي بأسناني و اذكرت فتحي وحال فتحي.

ضغطت بأقوى قوتي على شفايفي ونزلن دموعي زي السيل من شدة ألم الذكرى.

مرن أيام وفاق بابا وصحته أحسن بـ شوي على الأقل في العناية في مراقبة.

مشيت مع سعد نبي نشوفه نبي نطمن عليه على الرغم من كل قسوته وكل شئ دايره فينا إلا أني نبي نموت من الرياف عليه.

والله والله لو بالرأي نعطيه كل عمري يعيشه وأنا نموت،،نعطيه صحتي وأنا نمرض.

طبعاً طولت وأنا برا ما سمحولي نخش على طول.
قعمزت مع ابراهيم وسعد،،شفت ممرضه جت من بعيد شوي شوي و بدن ملامحها يوضحن كلما تقرب.